ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴼⵔⵉⵒⵧⵍ ⴷ ⴰⵍⵍⴰⵍ ⴰⴳⴻⵊⴷⴰⵏ ⵏ ⵡⴻⵎⵄⵉⵡⴻⵏ ⴰⵎⵙⵓⵍⵜⴰⵢⴰⵏ ⴰⴳⴻⵔⴰⵖⵍⴰⵏ (ⴷⴳⵙⵏ)
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴻⵎⵙⵓⵍⵜⴰ ⵜⴰⵖⴻⵍⵏⴰⵡⵜ (ⴷⴳⵙⵏ), ⴰⵊⵉⵏⵉⵕⴰⵍ ⴰⵎⴰⵜⵓ , ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴱⴻⵍⵍⵉ ⴰⴼⵔⵉⵒⵧⵍ ⴰⴷ ⵢⵉⵍⵉ ⴷ ⴰⵍⵍⴰⵍ ⴰⴳⴻⵊⴷⴰⵏ ⵏ ⵡⴻⵎⵄⵉⵡⴻⵏ ⴰⵎⵙⵓⵍⵜⴰⵢⴰⵏ ⴰⴳⴻⵔⴰⵖⵍⴰⵏ ⴰⵔⴰ ⵢⴻⵎⵎⴰⴳⵔⴻⵏ ⵉⵖⴻⴱⵍⴰⵏ ⵉⵎⴰⵢⵏⵓⵜⴻⵏ ⵢⴻⴽⴽⴰⵜⴻⵏ ⵜⴰⵍⵡⵉⵜ ⴷ ⵍⴰⵎⴰⵏ.
ⴷⴻⴳ ⵡⴰⵡⴰⵍ-ⵉⵙ ⵍⴰⵡⴰⵏ ⵏ ⵜⴻⵎⵍⵉⵍⵉⵜ ⵓⵏⴻⵊⵎⵓⵄ ⵏ ⵢⴻⵎⴹⴻⴱⴱⵕⴻⵏ ⵏ ⵜⴻⵎⵙⵓⵍⵜⵉⵢⵉⵏ ⵜⵉⴼⵔⵉⵇⵉⵢⵉⵏ, ⴷ-ⵉⴹⴻⵕⵕⵓⵏ ⵍⵃⴻⴷⴷ ⴷ ⵍⴻⵜⵏⵉⵢⴻⵏ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵖⵜ, ⴰⵊⵉⵏⵉⵕⴰⵍ ⴰⵎⴰⵜⵓ ⵀⴰⵎⴻⵍ ⵢⴻⵏⵏⴰ ⴷ ⴰⴽⴽⴻⵏ "ⴰⵙⴻⵏⴼⴰⵔ-ⴰⴳⵉ ⴰⴼⵔⵉⵇⵉ (ⴰⴼⵔⵉⵒⵧⵍ), ⴰⵔⴰ ⴷ-ⵉⴱⴰⵏⴻⵏ ⴰⵍⵎⴻⵏⴷ ⵏ ⵢⵉⵖⴻⴱⵍⴰⵏ ⴷ-ⵏⴻⵜⵜⵎⴰⴳⴳⴰⵔ ⵏ ⵍⴰⵎⴰⵏ, ⴰⴷ ⵢⵉⵍⵉ ⴷ ⴰⵍⵍⴰⵍ ⴰⴳⴻⵊⴷⴰⵏ ⵏ ⵡⴻⵎⵄⵉⵡⴻⵏ ⴰⵎⵙⵓⵍⵜⴰⵢⴰⵏ ⴰⴳⴻⵔⴰⵖⵍⴰⵏ ⴰⵔⴰ ⵉⴱⴻⴷⴷⴻⵏ ⴷⴻⴳ ⵢⵉⵡⴻⵏ ⵓⵙⵓⵔⵔⵉⴼ ⵢⴻⵎⵎⴻⵣⴷⵉⵏ ⵎⴳⴰⵍ ⵉⵖⴻⴱⵍⴰⵏ ⵉⵎⴰⵢⵏⵓⵜⴻⵏ, ⵢⴻⴽⴽⴰⵜⴻⵏ ⴷⵉ ⵜⴻⵍⵡⵉⵜ ⴷ ⵍⴰⵎⴰⵏ, ⵉⵃⵓⵣⴰⵏ ⵜⵉⵎⵓⵔⴰ-ⵏⵏⴻⵖ ⵢⴻⵎⵅⴰⵍⵍⴰⴼⴻⵏ ".
ⴰⵊⵓⵏⵉⵕⴰⵍ ⴰⵎⴰⵜⵓ ⵀⴰⵎⴻⵍ ⵉⴼⵓⵕⴻⵚ ⵜⴰⴳⵏⵉⵜⵜ-ⴰⴳⵉ ⴰⴽⴽⴻⵏ ⴰⴷ ⵢⴻⵣⴷⵉ ⵉⴱⴻⴷⴷⵉ-ⵉⵏⴻⵙ ⴰⴽⴽ ⴷ ⵜⵎⵓⵔⴰ ⵢⴻⵜⵜⴻⵡⵜⴻⵏ ⵙ ⵜⵅⴰⵣⴰⴱⵉⵢⵉⵏ ⵜⵉⵡⴰⵃⵛⵉⵢⵉⵏ ⵜⵉⵔⴻⴱⵔⴰⴱⵉⵏ" ⵜⵉⴷ, ⴰⵎ ⵡⴰⴽⴽⴻⵏ ⵢⴻⵏⵏⴰ, "ⵙⵙⴻⵎⵙⴰⵅⴻⵏⵜ ⴷⴻⴳ ⵜⴻⴽⵜⵉⵡⵉⵏ ⵜⵉⴳⴻⵊⴷⴰⵏⵉⵏ ⵏ ⵜⴻⵎⴷⴰⵏⵉⵜ.
