Asebter amenzawi

Lezzayer tɛezzem akken ad ttili d afud n Afripol (Bedoui)

LEZZAYER TAMANAɣT- Aneɣlaf n tɣawsiwin n daxel, Nourredine Bedoui iwekked-d ass n lḥedd di Lezzayer tamanaɣt belli Lezzayer tɛezzem akken ad tkemmel ibeddi-ines i walla-agi n wemɛiwen amsultayan afriqi (Afripol).

Mas Bedoui yules-d awekked lawan n lecɣal n unejmuɛ n Afripol "lebɣi iǧahden n Lezzayer akken ad tbedd d yemcarken-nniḍen i wesnerni n wallal n wemɛiwen afriqi d useǧhed n wemɛiwen ger tmura n tefriqt deg wayen yerzan amennuɣ mgal tikkuṛḍa yettwasuddsen iqeddcen deg waṭaṣ n tmura".

Aneɣlaf yerna yenna belli Lezzayer tefka "azal muqqṛen" i useǧhed n wemɛiwen n laman ladɣa tarmit-is deg wayen yerzan aḥric-agi".

Aṭas iɣeblan d-yessersen taẓẓayt ɣef tefriqt ladɣa aɣeddeṛ di leṣnaf-is yemxallafen, rrebrab d ussuffeɣ n leslaḥ akk d lahyuf, id-yenna Mas Bedoui yesḥeṛsen ɣef lemɛiwna iǧahden ger tmura tifriqiyin ladɣa deg wayen yerzan timenɣiwin n trebbuɛ yettwasuddsen akk d yibeddi ugar mgal rrebrab yuiɣalen d aɣbel ageraɣlanl".