ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴻⵣⴳⵓⵏⵜ ‘’ⵄⵍⵉ ⴱⴰⴱⴰ ⴰⴽⴽⴻⴷ ⵔⴻⴱⵄⵉⵏ ⵉⵎⴰⴽⵓⵔⴻⵏ’’ ⵙⵙⴻⴹⵔⴰⵏ-ⵜⵜ ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵜⵉⵣⵉ ⵡⴻⵣⵣⵓ

ⵜⵉⵣⵉ ⵡⴻⵣⵣⵓ – ⴰⵎⴻⵣⴳⵓⵏ ⴰⵎⵏⴰⴹⴰⵏ ⴽⴰⵜⴻⴱ ⵢⴰⵛⵉⵏⴻ ⵏ ⵜⵉⵣⵉ ⵡⴻⵣⵣⵓ ⵢⴻⵙⵙⴻⴹⵔⴰ-ⴷ ⵢⵉⵡⴻⵜ ⵏ ⵜⵎⴻⵣⴳⵓⵏⵜ ⵜⴰⵎⴰⵢⵏⵓⵜ ⵉ ⵢⵉⴳⵓⵔⴷⴰⵏ, ⵉⵙⴻⵎ-ⵉⵙ ‘’ⵄⵍⵉ ⴱⴰⴱⴰ ⴰⴽⴽⴻⴷ ⵔⴻⴱⵄⵉⵏ ⵉⵎⴰⴽⵓⵔⴻⵏ’’, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵓⵏⴻⵎⵀⴰⵍ ⵏ ⵓⵖⵙⵓⵔ ⴰⴷⴻⵍⵙⴰⵏ.

ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵎⴰⵙⵙ ⵎⴰⵀⵉⵧⵓⵜ ⴼⴰⵔⵉⴷ, ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴰⵎⵙⴰ ⵉⴷⴻⴳ ⵢⴻⴽⴽⵉ ⵓⵎⵙⴻⴹⵔⵓ ⴰⴽⴽⴻⴷ ⵢⵉⵣⴻⴼⴼⴰⵏⴻⵏ, ⵜⴰⵎⴻⵣⴳⵓⵏ-ⴰ ⵜⴰⵎⴰⵢⵏⵓⵜ, ⵢⵓⵔⴰ-ⵜⵜ ⵙ ⵜⴰⵄⵔⴰⴱⵜ ⵀⴰⴽⵉⵎ ⵜⵔⴰⵉⴷⵉⴰ, ⴰⴷ ⵜⵜ-ⵏⴼⴰⵔⴻⵙ ⴷⴻⴳ ⵓⴽⴰⵜⴰⵔ ⵏ ⵜⵣⵉⴽⴻⵏⵜ ‘’ⵇⵚⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵔⴰⴱ 2015’’, ⴰⴷ ⵉⵄⴻⴷⴷⵉ ⵓⵀⴰⵏⴰⵢ ⴰⵎⴻⵣⵡⴰⵔⵓ ⵖⴻⴼ ⵜⴻⵏⵛⵉⵔⵉⵏ ⵏ ⵙⵉⵔⵟⴰ ⵜⴰⵇⴱⵓⵔ ⴰⵙⵙ ⵏ 24 ⴷⵓⴵⴻⵎⴱⴻⵔ ⵉⴷⴻⴳ ⵏⴻⵍⵍⴰ.

ⴰⵢⴻⵏ ⵓⵔ ⵏⴻⵙⵀⵉⵍ ⴰⵔⴰ ⴷⴻⴳ ⵜⵎⴻⵣⴳⵓⵏⵜ-ⴰ ⵜⴰⵎⴰⵢⵏⵓⵜ, ⴰⴹⵔⵉⵙ-ⵉⵙ ⵢⴻⵜⵜⵡⴰⵙⵏⴻⵏ ⴰⵟⴰⵙ ⴷⴻⴳ ⵓⵎⴰⴹⴰⵍ ⴰⴽⴽⴻⴷ ⵢⵉⴷⴻⵍⵙⴰⵏ ⵢⴻⵎⵎⴻⵥⵍⴻⵏ, ⴷ ⴰⵎⴻⴽ ⴰⵔⴰ ⴰⵔⴰ ⵜⵜ-ⵉⴷ-ⵏⴻⴼⴽ ⵙ ⵜⵎⵓⵖⵍⵉ ⵜⴰⵎⴰⵢⵏⵓⵜ ⴰⵔⴰ ⵢⴻⴷⴷⵓⵏ ⴷ ⵓⴽⵓⴷ ⵏ ⵜⵓⵔⴰ ⵉⴷⴻⴳ ⵍⵍⴰⵏⵜ ⵜⴻⵙⵏⴰⵜⵡⵉⵍⵉⵏ ⵜⵉⵎⴰⵢⵏⵓⵜⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ, ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵜⴱⴰⵏ ⴰⵎⵣⵓ ⴰⴽⴽⴻⵏ ⴷ ’’ⵜⵉⵔⵉⵔⵉⵜ ⵏ ⵢⵉⴼⴻⵥ’’, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵏⵇⴰⴷⴻⵔ ⴰⴹⵔⵉⵙ ⴰⵏⴰⵚⵍⵉ ⵓⵔ ⵜ-ⵏⴻⵜⵜⴱⴻⴷⴷⵉⵍ ⴰⵔⴰ, ⵉ ⴷ-ⵢⴻⵏⵏⴰ ⵀⴰⴽⵉⵎ ⵜⵔⴰⵉⴷⵉⴰ.

ⴷ ⵜⵉⴷⴻⵜ, ⵢⵉⵡⴻⵜ ⵙⴻⴳ ⵜⵎⵓⵛⵓⵀⴰ ⵏ’’ⴰⴳⵉⵎ ⴰⴽⴽⴻⴷ ⵢⵉⵡⴻⵏ ⵡⴰⵙⵙ’’ ⵡⵉⵏ ⵎⵓⵛⴰⵄⴻⵏ ⵓⴳⴰⵔ, ‘’ⵄⵍⵉ ⴱⴰⴱⴰ ⴰⴽⴽⴻⴷ ⵔⴻⴱⵄⵉⵏ ⵉⵎⴰⴽⵓⵔⴻⵏ’’ ⵉ ⴷ-ⵔⵔⴰⵏ ⵛⵃⴰⵍ ⵏ ⵜⵉⴽⴽⴰⵍ ⵖⴻⵔ ⵓⵎⴻⵣⴳⵓⵏ, ⵖⴻⵔ ⵍⵓⵒⵉⵔⴰ, ⵖⴻⵔ ⵜⵎⴻⵍⵍⴰⵖⵜ ⵏ ⵓⵥⴰⵡⴰⵏ, ⵖⴻⵔ ⵙⵙⵉⵏⵉⵎⴰ, ⴰⴽⴽⴻⴷ ⵢⵉⵙⵓⵔⴰ ⵉⵙⵓⵏⵖⴰⵏⴻⵏ ⵉⵖⴻⵣⴼⴰⵏⴻⵏ.

ⴳⴰⵏ-ⴷ ⵙⴻⴳ-ⵙ ⵓⵍⴰ ⴷ ⵜⴰⵚⴻⴽⴽⴰ ⵏ ⵓⵥⴰⵡⴰⵏ ⵙ ⵓⵒⵢⴰⵏⵓ (ⵛⵛⴹⴻⵃ ⵏ ⵎⵧⵔⴳⵉⴰⵏⴻ ‘’ⴷⴰⵏⵙⴻ ⴷⴻ ⵎⵧⵔⴳⵉⴰⵏⴻ’’, ⵏ ⵓⵎⵥⴰⵡⴻⵏ ⴷⴰⵎⵉⴻⵏ ⵜⵧⵒ).

ⵜⵉⵔⵉⵔⵉⵜ ⵏ ⵜⵎⴰⵛⴰⵀⵓⵜ ⵖⴻⵔ ⵢⵉⴷⵍⴻⵙ ⴰⵣⵣⴰⵢⵔⵉ ⴰⴷ ⵢⵉⵍⵉ ⴷⴰⵖⴻⵏ ⵙ ⵓⵙⴻⵏⵥⴻⵔ ⵖⴻⴼ ⵓⴳⴷⵉⵍ, ⵏ ⵢⵉⵡⴻⵜ ⵏ ⵜⵓⴳⵏⴰ ⵏ ⵢⵉⵡⴻⵜ ⵏ ⵜⴰⴷⴷⴰⵔⵜ ⵏ ⵜⵎⵓⵔⵜ ⵏ ⵍⴻⵇⴱⴰⵢⴻⵍ, ⴷ ⴰⴷⴻⴳ ⵉⴷⴻⴳ ⴰⵔⴰ ⵜⴻⴹⵔⵓ ⵜⴻⴷⵢⴰⵏⵜ ⵏ ⵜⵎⴻⵣⴳⵓⵏⵜ ‘’ⵄⵍⵉ ⴱⴰⴱⴰ ⴰⴽⴽⴻⴷ ⵔⴻⴱⵄⵉⵏ ⵉⵎⴰⴽⵓⵔⴻⵏ’’, ⵜⴰⵎⴰⵛⴰⵀⵓⵜ ⵉ ⴷ-ⵉⵍⵓⵍⴻⵏ ⴷⴻⴳ ⵉⵔⴰⵏ ⴷ ⵜⴰⴼⴰⵔⵙⵉⵜ.

ⵜⴰⴷⵍⴻⴳⵜ ⴰⴽⴽⴻⴷ ⵢⵉⵙⴻⵍⵙⴰ ⵏ ⵜⵎⴻⵣⴳⵓⵏⵜ-ⴰ ⵜⴰⵎⴰⵢⵏⵓⵜ ⴰⵔⴰ ⵢⵓⵔⴰⵔⴻⵏ ⵙⴹⵉⵙ (6) ⵉⵣⴻⴼⴼⴰⵏⴻⵏ ⵢⴻⵙⵜⴻⵏⵢⴰ-ⵜⴻⵏ ⵙⵉⴷ ⴰⵍⵉ ⵧⵓⵍⴷ ⴱⵧⵓⴽⴰⵜⵉⵏⴻ, ⵉⵎⴻⵖⵏⴰⵡⴻⵏ ⵏ ⵓⵥⴰⵡⴰⵏ ⴷ ⴼⵔⴰⵏⴽ ⵧⵏⴳ-ⴰⵍⵧⴽ ⴰⴽⴽⴻⴷ ⵀⴰⴽⵉⵎ ⵜⵔⴰⵉⴷⵉⴰ, ⴰⵏⴻⴳⴳⴰⵔⵓ-ⴰ ⴷ ⵏⴻⵜⵜⴰ ⵉ ⴷ-ⵉⵖⴻⵡⵏⴻⵏ ⴰⵙⴰⵔⵓ-ⵏⵏⵉ ⴰⵔⴰ ⵉⵔⴰⴼⵇⴻⵏ ⵜⵓⵔⴰⵔⵜ ⵏ ⵢⵉⵣⴻⴼⴼⴰⵏⴻⵏ ⵖⴻⴼ ⵓⵙⴰⵢⴻⵙ.