ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵅⵅⴰⵎⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵃⴱⴰⵙ ⵓⵄⴹⵉⵍ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ ⵜⴻⵙⵙⴻⵇⴷⴰⵛ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ, ⴰⵙⵙ ⵏ ⵍⵃⴻⴷⴷ, ⴷⴻⴳ ⵓⵅⵅⴰⵎ ⵏ ⵜⵖⴻⵍⵍⵉⵙⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⵉⵅⵅⴰⵎⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵃⴱⴰⵙ ⵓⵄⴹⵉⵍ.

ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵍⵍⴰ-ⴷ ⵜⴼⵓⴳⵍⴰ (ⵉⵃⵜⵉⴼⴰⵍ) ⴰⵢⴷⴻⴳ ⵢⴻⵃⴷⴻⵕ ⵓⵏⴻⵎⵀⴰⵍ (ⵎⵓⴷⵉⵔ) ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⵙ ⵓⵃⴷⴰⵕ ⵏ ⵢⵉⵎⵡⴻⴽⴽⴻⵍ ⵏ ⵓⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵙⵎⴰⵉⵍ ⵛⵀⴻⵔⴳⵓⵉ, ⴰⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵎⵧⵀⴰⵎⴻⴷ ⴱⴻⵏⴰⵍⵉ ⴽⵧⵎⴰⵏⴻ, ⴷ ⵢⵉⵏⴻⵎⵀⴰⵍⴻⵏ ⵉⵎⵓⵜⴰ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ, ⵉⴳⴻⵏⵙⴰⵙⴻⵏ ⵏ ⵜⵙⴻⵇⵇⴰⵎⵓⵜ ⵜⴰⴳⵔⴰⵖⵍⴰⵏⵜ ⵏ ⵓⵎⵉⴷⴰⴳ ⴰⵣⴻⵡⵡⴰⵖ, ⴰⵙⴻⵍⵡⴰⵢ ⵏ ⵓⵅⵅⴰⵎ ⵏ ⵛⵛⵕⴻⵄ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵢⵉⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ ⵏ ⵙⵉⴷⵉ ⵎⵃⴻⵎⵎⴻⴷ (ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ).

ⵉ ⵍⵎⴻⵏⴷ ⵏ ⵡⴰⵢⴰ, ⴳⴰⵏ-ⴷ ⴰⵏⴻⵙⴽⵉⵏ (ⵄⴰⵔⴹ) ⵖⴻⴼ ⵜⵜⴻⵊⵕⵉⴱⴰ-ⴰ ⵉ ⵍⵎⴻⵏⴷ ⵏ ⵓⵇⴰⴷⴻⵔ ⵏ « ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵓⵃⵔⴰⵣ ⵏ ⵓⴳⴻⵎⵎⵉⵔ ⵏ ⵢⵉⵎⴷⴰⵏⴻⵏ ⵢⴻⵜⵜⵡⴰⴹⴹⴼⴻⵏ, ⴰⵎⴰ ⴷ ⵉⵔⴳⴰⵣⴻⵏ ⵏⴻⵖ ⴷ ⵜⵉⵍⴰⵡⵉⵏ ⵢⴻⵔⵏⴰ ⴰⵏⴻⵛⵜ ⴱⵖⵓⵏ ⵉⵍⵉⵏ ⴷⴻⴳ ⵍⴻⵄⵎⴻⵕ-ⵏⵙⴻⵏ ».

ⵜⵉⵅⵅⴰⵎⵉⵏ-ⴰ ⵍⵍⴰⵏⵜ ⴷⴻⴳ-ⵙⴻⵏⵜ ⵜⵉⴽⴰⵎⵔⵉⵡⵉⵏ ⵏ ⵓⴷⵓⵣⴻⵡⵡⴰⵖ ⵉ ⵜⵄⴻⵙⵙⴰⵙⵜ ⵏ ⵡⵉⵏ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵢⵉⴹ, ⵉⵎⴰⵜⴰⵔⴻⵏ ⵏ ⵜⴻⵥⵖⴻⵍⵜ ⴷⴻⴳ ⵜⴻⵅⵅⴰⵎⵜ, ⵉⵎⴰⵜⴰⵔⴻⵏ ⵏ ⵓⴳⵔⵉ (ⵔⵓⵟⵓⴱⴰ) ⴷ ⵜⵙⴰⵄⵜⵉⵏ ⴰⵢ ⵎⴰⵣⴰⵍ ⴰⴷ ⵜⴻⵏⵜ-ⵢⴻⵙⵄⴻⴷⴷⵉ ⵓⵎⴷⴰⵏ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵜⴻⵅⵅⴰⵎⵜ-ⵏⵏⵉ.

ⴱⴻⴷⴷⵓ ⵏ ⵓⵙⵙⴻⵇⴷⴻⵛ ⵏ ⵓⵏⴰⴳⵔⴰⵡ-ⴰ (ⵏⵉⴹⴰⵎ) ⴰⵎⴻⴳⵣⵓ (ⴷⴰⴽⵉ) ⵏ ⵜⴻⵅⵅⴰⵎⵉⵏ ⵏ ⵜⵓⴹⴹⴼⴰ ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵜⴻⵎⵍⵉⵍⵉⵜ ⵏ ⴰⴼⵔⵉⵒⵧⵍ.