Asebter amenzawi

Tixxamin timaynutin n uḥbas uɛḍil

LEZZAYER TAMANEɣT – Tebda tesseqdac Tmehla Tamatut n Tɣellist (amn) Taɣelnawt, ass n lḥedd, deg uxxam n tɣellist n Lezzayer Tamaneɣt, tixxamin timaynutin n uḥbas uɛḍil.

Dɣa, i lmend n waya, tella-d tfugla (iḥtifal) aydeg yeḥdeṛ unemhal (mudir) amatu n tɣellist taɣelnawt, ajiniṛal-amajuṛ Abdelghani Hamel, s uḥdaṛ n yimwekkel n Useqqamu n Talwit d Tɣellist n Tdukli Tafriqit, Smail Chergui, amaru amatu n Useqqamu n Yineɣlafen Aɛṛaben n Tɣawsiwin n Daxel, Mohamed Benali Komane, d yinemhalen imuta n temsulta (curṭa) n tmura n Tefriqt, igensasen n Tseqqamut Tagraɣlant n Umidag Azewwaɣ, aselway n uxxam n ccṛeɛ n Lezzayer Tamaneɣt d yimwekkel n tegduda n Sidi Mḥemmed (tawilayt n Lezzayer).

I lmend n waya, gan-d aneskin (ɛarḍ) ɣef ttejṛiba-a i lmend n uqader n « yizerfan n umdan d uḥraz n ugemmir n yimdanen yettwaḍḍfen, ama d irgazen neɣ d tilawin yerna anect bɣun ilin deg leɛmeṛ-nsen ».

Tixxamin-a llant deg-sent tikamriwin n uduzewwaɣ i tɛessast n win yettwaḍḍfen deg yiḍ, imataren n teẓɣelt deg texxamt, imataren n ugri (ruṭuba) d tsaɛtin ay mazal ad tent-yesɛeddi umdan yettwaḍḍfen deg texxamt-nni.

Beddu n usseqdec n unagraw-a (niḍam) amegzu (daki) n texxamin n tuḍḍfa yella-d deg ukatar n temlilit n Afripol.