ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵣⵎⴻⵔ ⴰⴷ ⴷ-ⵜⴻⵖⵍⵉ ⵙⵙⵓⵎⴰ ⵏ ⵜⵏⴻⵣⴷⵓⵖⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⵙⵓⵇ ⵓⵙⵍⵉⴳ ⵏ ⵜⵏⴻⵣⴷⵓⵖⵜ ⵢⴻⵏⵇⴻⵙ ⵓⵏⵏⴻⵔⵏⵉ-ⵏⵏⴻⵙ ⵜⴰⴳⴰⵔⴰ-ⴰ ⵖⴻⴼ ⵍⴵⴰⵍ ⵏ ⵡⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⵄⵓⵎⵓⵎⵉⵢⵢⴰ) ⵏ ⵜⵏⴻⵣⴷⵓⵖⵜ, ⵙⵙⵓⵎⴰⵜ ⵖⵍⴰⵢⴻⵏ ⵎⵍⵉⵃ ⵏ ⵜⵏⴻⵣⴷⵓⵖⵜ ⴰⵢ ⵍⴰ ⴱⴻⵏⵏⵓⵏ ⵢⵉⵏⴻⵙⵎⴰⵍⴻⵏ (ⵎⵓⵟⴰⵡⵡⵉⵔ) ⵓⵙⵍⵉⴳⴻⵏ ⴷ ⵍⴰⵜⴻⵕ ⵏ ⵜⴰⵍⵓⴼⵜ ⵜⴰⴷⴰⵎⵙⴰⵏⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ.

ⵜⴰⵥⴻⵢⵜ-ⴰ ⴷⴻⴳ ⵓⵏⵏⴻⵔⵏⵉ ⵏ ⵙⵙⵓⵇ ⵓⵙⵍⵉⴳ ⵏ ⵜⵏⴻⵣⴷⵓⵖⵜ ⵜⴻⴱⴷⴰ ⵍⴰ ⴷ-ⵜⴻⵜⵜⴱⴰⵏ ⵙ ⵓⵙⵙⴻⵏⵇⴻⵙ ⴰⵢ ⵍⴰ ⵙⵙⴻⵏⵇⴰⵙⴻⵏ ⵢⵉⵎⴰⵡⵍⴰⵏ ⵏ ⵜⵏⴻⵣⴷⵓⵖⵜ ⴷ ⵢⵉⵏⴻⵙⵎⴰⵍⴻⵏ ⴷⴻⴳ ⵙⵙⵓⵎⴰⵜ ⵏ ⵜⵏⴻⵣⴷⵓⵖⵜ, ⵎⴰⵛⴰ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵙⵉⵎⴰⵍ ⵍⴰ ⵔⴻⵏⵏⵓⵏ ⵡⵉⴷ ⴰⵢ ⵍⴰ ⵉⴽⴻⵔⵔⵓⵏ.

ⴷⴻⴳ ⵡⴰⵢⵢⵓⵔⴻⵏ-ⴰ ⵉⵏⴻⴳⴳⵓⵔⴰ, ⴳⵔⴻⵏ ⵜⴰⵎⴰⵡⵜ ⴽⵔⴰ ⴷ ⴰⴽⴽⴻⵏ ⵉⵏⴻⵙⵎⴰⵍⴻⵏ ⵓⵙⵍⵉⴳⴻⵏ ⵙⵙⵓⴳⴳⵜⴻⵏ ⴰⴷⴻⵍⵍⴻⵍ ⴰⴽⴽⴻⵏ ⴰⴷ ⴼⴰⴽⴻⵏ ⴰⵙⵙⴻⵏⵣⵉ ⵏ ⵜⵏⴻⵣⴷⵓⵖⵉⵏ-ⵏⵙⴻⵏ ⵜⵉⵎⴰⵢⵏⵓⵜⵉⵏ.

« ⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ (ⴰⴰⴷⵍ, ⵍⵒⵒ…) ⴳⵍⴰⵏ-ⴷ ⵙ ⵍⴰⵜⴻⵕ ⵏ ⵜⵉⴷⴻⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵅⴻⴷⴷⵉⵎ ⵏ ⵢⵉⵏⴻⵙⵎⴰⵍⴻⵏ ⵓⵙⵍⵉⴳⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵏⴻⵙⵎⴰⵍ ⴷⴻⴳ ⵡⴻⵀⵕⴰⵏ, ⵍⴰⵔⴱⵉ ⵛⵀⴻⵎⵎⴰⵎ, ⵢⴻⵍⵍⴰⵏ ⴷⴰⵖ ⴷ ⴰⵙⴻⵍⵡⴰⵢ ⴰⵇⴱⵓⵔ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⵏⴻⵙⵎⴰⵍⴻⵏ ⵉⵚⵓⴽⴰⵏⴻⵏ.

« ⴰⵀⵉⵍⴻⵏ-ⴰ ⵉⵏⴰⴳⴷⵓⴷⴻⵏ ⵃⴻⵕⵙⴻⵏ ⴽⵔⴰ ⵏ ⵢⵉⵏⴻⵙⵎⴰⵍⴻⵏ ⵓⵙⵍⵉⴳⴻⵏ ⴰⴷ ⵙⵏⴻⵇⵙⴻⵏ ⴰⵏⵢⴰ (ⵡⴰⵜⵉⵔⴰ) ⵏ ⵓⵅⴻⴷⴷⵉⵎ-ⵏⵙⴻⵏ, ⵎⴰⵛⴰ ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵏⵉⵏⵉ ⴷ ⴰⴽⴽⴻⵏ ⵉⵏⴻⵙⵎⴰⵍⴻⵏ ⵓⴹⵄⵉⴼⴻⵏ ⴰⴽⴽ ⴷ ⵉⵏⴻⵙⵎⴰⵍⴻⵏ ⵓⵔ ⵢⴻⵥⵡⵉⵔⴻⵏ ⴰⵔⴰ ⴷⴻⴳ ⵓⵅⴻⴷⴷⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵜⵏⴻⴳⴳⵉⵡⵉⵏ ⵜⵉⵚⵓⴽⴰⵏⵉⵏ (ⴼⵏⴰⵉ), ⴰⴱⴷⴻⵍⵀⴰⴽⵉⵎ ⴰⵧⵓⵉⴷⴰⵜ, ⴷ ⴰⴽⴽⴻⵏ ⵙⵙⵓⵎⴰⵜ ⵏ ⵜⵏⴻⵣⴷⵓⵖⵜ ⵏⴻⵇⵙⴻⵏⵜ ⵙ 10% ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵓⵙⴻⴳⴳⴰⵙ ⵏ 2015, ⵢⴻⵔⵏⴰ ⵎⴰ ⵜⴽⴻⵎⵎⴻⵍ ⵜⴻⴳⵏⵉⵜ ⵙ ⵓⵏⵢⴰ-ⴰ, ⴰⵏⵇⴰⵙ-ⴰ ⵢⴻⵣⵎⴻⵔ ⴰⴷ ⵢⴰⵡⴻⴹ ⵖⴻⵔ ⴳⴰⵔ 30 ⴷ 40% ⵙⴻⴳ-ⴰ ⵖⴻⴼ ⴽⵔⴰ ⵏ ⵡⴰⵢⵢⵓⵔⴻⵏ.

ⴰⵏⵇⴰⵙ-ⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴷ ⵓⵖⴰⵍ ⵖⴻⵔ ⵙⵙⵓⵎⴰⵜ ⵏ ⵎⴻⵏⵡⴰⵍⴰ, ⵉⵎⵉ ⵙⵙⵓⵎⴰⵜ ⵏ ⵜⵏⴻⵣⴷⵓⵖⵜ ⵡⵡⴹⴻⵏⵜ, ⵏⴰⵇⴰⵍ, ⵖⴻⵔ ⵓⵡⴻⵣⵉⵖ ⵢⴻⵔⵏⴰ ⴷ ⴰⵢⴰ ⴰⵢ ⵢⴻⵙⵏⴻⵇⵙⴻⵏ ⴰⵙⵙⵓⵜⴻⵔ ⵙ ⵡⴰⵟⴰⵙ.

«ⴰⵀⵉⵍⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵏⴻⵣⴷⵓⵖⵜ ⴰⵢ ⴷ-ⵢⴻⴱⴷⴰ ⵓⵏⴰⴱⴰⴹ (ⵃⵓⴽⵓⵎⴰ) ⴷ ⵍⴻⴽⵔⴰ ⴰⵢ ⵍⴰ ⴽⴻⵔⵔⵓⵏ ⵡⴰⵟⴰⵙ ⵏ ⵎⴻⴷⴷⴻⵏ ⴷ ⴰⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵏⵇⴰⵙ ⵏ ⵙⵙⵓⵎⴰⵜ ⵏ ⵜⵏⴻⵣⴷⵓⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.