Asebter amenzawi

Axxam amnaḍan n Useqqamu Ulimpi Adzayri deg Wehṛan

LEZZAYER TAMANEɣT – Yettwarẓem ass n lexmis 17 Dujembeṛ deg Wehṛan uxxam amnaḍan (ǧihawi) n Useqqamu Ulimpi d Unaddal n Lezzayer. I usmekti, deg temdint-a ad d-ilin Wuraren Igrakalanen n 2021, ɣef wakken ay d-yenna Useqqamu-a ass n lḥedd.

Arẓam n uxxam-a amnaḍan « yella-d d aḥric seg ussewjed n Wuraren Igrakalanen », ɣef wakken ay d-iwekked Useqqamu Ulimpi d Unaddal n Lezzayer.

Tamdint n Wehṛan iṣaḥ-itt-id ad tessuddes Uraren Igrakalanen n 2021 deg tgara n Ɣuct deg tefrant ay iga Useqqamu Agraɣlan n Wuraren Igrakalanen deg temdint n Pescara (Ṭṭalyan).

S ussuddes n ttiɛad-a anaddal, tessaram temdint n Wehṛan ad tessali aswir-nnes yerna ad tuɣal d yiwet seg temdinin timeqranin yelhan akk deg Yilel Agrakal.