Asebter amenzawi

Talɣuɣa n Tefriqt n Yicahen n yilemẓiyen: Ufraren-d Yidzayriyen

LEZZAYER TAMANEɣT – D taɣlamt tadzayrit n yicahen (ciṭranǧ) ay d-yufraren deg telɣuɣa n Tefriqt n taggayin (fi’at) tilemẓiyin (ddaw 8 n yiseggasen, ddaw 10 n yiseggasen, ddaw 12 n yiseggasen, ddaw 14 n yiseggasen, ddaw 16 n yiseggasen d ddaw 18 n yiseggasen) n teqcicin d yiqcicen ay d-yellan gar 6 d 12 Dujembeṛ deg Lusaka (Zambya).

Deg ttiɛad-a afriqi, taɣlamt n Lezzayer aydeg llan 19 n yimariren n yicahen, terbeḥ-d 12 n tzalɣiwin (midaliyyat) gar-asent 8 n wureɣ, 4 n uẓref d 1 n ubṛunz.

Deg umsizwer-a aydeg ttekkant 12 n tmura, Maṣer d Tefriqt n Unẓul rebḥent-d, yal yiwet, 2 n tzalɣiwin n wureɣ.

ɣef leḥsab n Tfidiṛalit Tadzayrit n Yicahen, taḥawact-a ur d-telli ara d taɣawsa yessewhamen acku tamehla tateknit taɣelnawt tga-d ahil ay yeǧǧan inaddalen idzayriyen ad ttekkin deg waṭas n yimsizewren iɣelnawen d wannanen (tarabbuṣat) n ussewjed.

Idzayriyen ay d-irebḥen tizalɣiwin:

Tizalɣiwin n wureɣ (8):

(ddaw 10 n yiseggasen/tiqcicin) : Chabane Lina 7 n tenqiḍin ɣef 9

(ddaw 12 n yiseggasen/tiqcicin) : Nassr Lina 8 n tenqiḍin ɣef 9

(ddaw 14 n yiseggasen/tiqcicin): Nassr Rania 9 n tenqiḍin ɣef 9

(ddaw 16 n yiseggasen/tiqcicin): Maouchi Amina 8 n tenqiḍin ɣef 9

(ddaw 10 n yiseggasen/iqcicen) : Bousmaha Wassel 9 n tenqiḍin ɣef 9

(ddaw 14 n yiseggasen/iqcicen): Djabri Massinas 8,5 n tenqiḍin ɣef 9

(ddaw 16 n yiseggasen/iqcicen): Nassr Ahmed 7,5 n tenqiḍin ɣef 9

(ddaw 18 n yiseggasen/iqcicen): Ouaret Abdelouahab 7,5 n tenqiḍin

Tizalɣiwin n uẓref (4):

(ddaw 8 n yiseggasen/tiqcicin): Kati Imène 4,5 n tenqiḍin ɣef 9

(ddaw 10 n yiseggasen/tiqcicin): Benyahia Safin 7 n tenqiḍin ɣef 9

(ddaw 12 n yiseggasen/iqcicen): Yettouche Yaristan 7 n tenqiḍin ɣef 9

(ddaw 14 n yiseggasen/iqcicen): Adrar Sofiane 6 n tenqiḍin ɣef 9

Tizalɣiwin n ubṛunz: (1)

(ddaw 18 n yiseggasen/tiqcicin): Hamlaoui Asma 6,5 n tenqiḍin ɣef 9