ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴰⵔⴰⴳ ⵏ ⵕⵓⵎⴰ: ⴰⵄⴰⵡⴻⴷ ⵏ ⵓⵡⴻⴽⴽⴻⴷ ⵖⴻⴼ ⵜⵓⵟⵟⴼⴰ ⴷⴻⴳ ⵜⴷⵓⴽⵍⵉ ⵏ ⵡⴰⴽⴰⵍ ⴰⵍⵉⴱⵉ

ⵕⵓⵎⴰ – ⵄⴰⵡⴷⴻⵏ ⵡⴻⴽⴽⴷⴻⵏⵜ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵓⵙⴰⵔⴰⴳ ⴰⵖⵍⵉⴼⴰⵏ (ⵡⵉⵣⴰⵔⵉ) ⵖⴻⴼ ⵍⵉⴱⵢⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵕⵓⵎⴰ ⵖⴻⴼ ⵓⴱⴷⴰⴷ-ⵏⵙⴻⵏ ⵓⴵⵀⵉⴷ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵍⵉⴱⵉ ⴷⴻⴳ ⵜⵓⵟⵟⴼⴰ ⴷⴻⴳ ⵜⴷⵓⴽⵍⵉ ⵏ ⵡⴰⴽⴰⵍ ⵏ ⵍⵉⴱⵢⴰ ⴷ ⵜⵙⵓⴷⴰ-ⵏⵏⴻⵙ (ⵎⵓ’ⴰⵙⵙⴰⵙⴰⵜ) « ⴰⵢ ⵉⵅⴻⴷⴷⵎⴻⵏ ⵉ ⵏⵏⴼⴻⵄ ⵏ ⵜⵎⵓⵔⵜ ⵙ ⵍⴻⴽⵎⴰⵍ-ⵏⵏⴻⵙ ».

ⴷⵖⴰ ⵏⵏⴰⵏ-ⴷ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵓⵛⵔⵉⴽ : « ⵏⴻⵜⵜⵡⴻⴽⴽⵉⴷ-ⴷ ⴰⴱⴷⴰⴷ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵍⵉⴱⵉ ⴷⴻⴳ ⵓⵃⵔⴰⵣ ⵏ ⵜⴷⵓⴽⵍⵉ ⵏ ⵍⵉⴱⵢⴰ ⴷ ⵜⵙⵓⴷⴰ-ⵏⵏⴻⵙ ⴰⵢ ⵉⵅⴻⴷⴷⵎⴻⵏ ⵉ ⵏⵏⴼⴻⵄ ⵏ ⵜⵎⵓⵔⵜ ⵙ ⵍⴻⴽⵎⴰⵍ-ⵏⵏⴻⵙ. ⵉⵃⴰⵔ ⵍⵃⴰⵍ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴳ ⵟⵔⴰⴱⵍⴻⵙ ⴰⴽⴽⴻⵏ ⴰⴷ ⵢⴻⵜⵜⵓⵏⴻⴼⴽ ⵉ ⵍⵉⴱⵢⴰ ⵜⵜⴰⵡⵉⵍ ⴰⵢⵢⴻⵙ ⴰⴷ ⵜⴻⵃⵔⴻⵣ ⵍⴻⵃⴽⴻⵎ, ⴰⴷ ⵜⴻⵙⵎⴻⵍ ⴰⵔⴽⴰⴷ ⴷ ⵜⵏⴻⴼⵍⵉⵜ (ⵜⴰⵏⵎⵉⵢⴰ) ⵜⴰⴷⴰⵎⵙⴰⵏⵜ ».

« ⴰⵇⵍ-ⴰⵖ ⴰⴽⴽⴻⴷ ⴰⴽⴽ ⵉⵍⵉⴱⵉⵢⴻⵏ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵓⵙⵙⴻⴱⴷⴻⴷ ⵓⵄⵊⵉⵍ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵖⴻⴼ ⵍⵍⵙⴰⵙ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⵉ, ⴳⴰⵔ-ⴰⵙⴻⵏ ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵜⴻⴳⵜⵉ ⴷⴻⴳ ⵜⴻⵅⵅⴰⵎⵜ ⵏ ⵢⵉⴳⴻⵏⵙⴰⵙⴻⵏ ⴷ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ, ⵉⵎⵣⵉⵔⴳⴻⵏ, ⵜⵉⵖⵉⵡⴰⵏⵉⵏ, ⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴰⵢ ⵢⴻⵎⵍⴰⵍⴻⵏ ⴷⴻⴳ ⵜⵓⵏⴻⵙ ⵜⴰⵎⴰⵏⴻⵖⵜ ».

ⴷⴻⴼⴼⵉⵔ ⵎⴰ ⵔⵔⴰⵏ ⵜⴰⵊⵎⵉⵍⵜ ⵉ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⴰⵙⴻⵔⵜⵉ ⴰⵙⵙ ⵏ 16 ⴷⵓⵊⴻⵎⴱⴻⵕ (2015), ⵙⴱⴻⵖⵙⴻⵏ (ⵛⴰⴵⴵⴰⵄⵓ) ⵢⵉⵎⵜⵜⴻⴽⴽⵉⵢⴻⵏ ⴰⴽⴽ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵜⴰⵙⴻⵔⵜⵉⵜ ⴷⴻⴳ ⵍⵉⴱⵢⴰ ⴰⴽⴽⴻⵏ ⴰⴷ ⴹⴻⴼⵔⴻⵏ « ⴰⵎⵜⴰⵡⴰ ⴰⵏⴻⴳⴳⴰⵔⵓ ⵏ 16 ⴷⵓⵊⴻⵎⴱⴻⵕ » ⵢⴻⵔⵏⴰ ⴳⵔⴻⵏ-ⴷ ⵜⵉⵖⵔⵉ ⵉ ⵡⴰⴽⴽ ⵉⵍⵉⴱⵉⵢⴻⵏ ⴰⴽⴽⴻⵏ « ⴰⴷ ⴷⴷⵓⴽⴽⵍⴻⵏ ⴷⴻⴼⴼⵉⵔ ⵓⵎⵜⴰⵡⴰ ⴰⵙⴻⵔⵜⵉ ⴷ ⵓⵏⴰⴱⴰⴹ ⵏ ⵓⵎⵙⴻⴼⵀⴰⵎ ⴰⵖⴻⵍⵏⴰⵡ ».

« ⵏⴻⵜⵜⵄⴰⵡⴰⴷ ⵜⴻⵜⵜⵡⴻⴽⴽⵉⴷ-ⴷ ⵍⵄⴰⵀⴻⴷ-ⵏⵏⴻⵖ ⵓⴵⵀⵉⴷ ⵉ ⵓⵇⴰⴷⴻⵔ ⵏ ⵜⵏⴰⵢⴰ (ⵙⵉⵢⴰⴷⴰ) ⵏ ⵍⵉⴱⵢⴰ, ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ ⴷ ⵓⵎⵙⴻⴼⵀⴰⵎ ⴳⴰⵔ ⵜⵎⴻⵜⵜⵉ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ ⵉⵎⵜⵜⴻⴽⴽⵉⵢⴻⵏ ⵓⴳⵉⵏ ⵙ ⴽⵔⴰ ⵏ « ⵜⴳⴻⵔⵎⴰⵏⵜ ⵜⴰⴱⴻⵕⵕⴰⵏⵉⵜ » ⴰⴷ ⴷ-ⵢⵉⵍⵉⵏ ⴷⴻⴳ ⵜⴻⵎⵙⴰⵍ ⵏ ⴷⴰⵅⴻⵍ ⵏ ⵍⵉⴱⵢⴰ.