Asebter amenzawi

Anejmuɛ n yemḍebbṛen n temsultiyin tifriqiyin : asbeddi n Afripol di Lezzayer

LEZZAYER TAMANAɣT – Timlilit n yemḍebbṛen n temsultiyin tifṛiqiyin, d-yellan lḥedd d letniyen di Lezzayer, tessaweḍ ɣer wesbeddi n ttawil i wemɛiwen asnaltayan afriqi (Afripol), yiwet n tuddsa ara yilin d afud ibeddi mgal tiwaɣiyin yekkaten talwit d laman di tefriqt, ladɣa rrebrab d wugur n lahyuf.

Anejmuɛ n Lezzayer, deg llan igensasen n wugar n n kuẓ n tmerwin (40) n tmura tifriqiyin d tuddsiwin timnaḍanin akk d tegraɣlanin, ssawḍen ad d-ssersen aṣaḍuf ara yesselḥun Afripol akken ad yebdu lecɣal-is deg wannar, deg useggas 2016.

Akken ad yettwabded Afripol, yessaramen ad yaweḍ ɣer weswir deg llant tuddsiwin t-yecban ama d timnaḍanin neɣ d tigeraɣlanin am Interpol, Lezzayer tefka i tuddsa-agi axxam yellabn ibedd almend iwellihen igeraɣlanen.

Yezga-d di laɛlali n Lezzayer (Ben-Aknoun), axxam n Afripol yella yettwaṛẓem ass n lḥedd ɣer yidis n lecɣal n temllilit, sɣuṛ uneɣlaf n tɣawsiwin n daxel, Nouredine Bedoui, ɣer yidis n yakk wid itekkan deg temlilit-agi ama d izzayriyen neɣ d ibeṛṛaniyen.