ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵇⴱⴰⵍ ⵏ ⵡⵓⴳⴰⵔ ⵏ 120 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵇⴱⴻⵍ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ (ⵙⵉⵢⴰⵃⴰ), ⴰⵎⴰⵔ ⴳⵀⵧⵓⵍ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ 120 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴰⵢ ⵉⵣⴻⵎⵔⴻⵏ ⴰⴷ ⴷ-ⵙⴷⵓⵇⵇⵙⴻⵏ ⴰⵃⵔⵉⵛ-ⴰ ⴷⴻⴳ ⵜⵎⵓⵔⵜ.

ⴷⴻⴳ ⵜⵖⵉⵎⵉⵢⵉⵏ ⵜⵉⵖⴻⵍⵏⴰⵡⵉⵏ ⵖⴻⴼ ⵓⵀⴻⵢⵢⵉ ⵏ ⵡⴰⴽⴰⵍ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵇⵚⴻⵔ ⵏ ⵢⵉⵖⵍⴰⵏⴻⵏ ⵏ ⵓⵙⵔⵉⵔ ⵏ ⵓⵣⵓⵎⴱⵉ, ⵜⵜⵓⵏⴻⴼⴽⴻⵏ ⵍⴻⴽⵡⴰⵖⴻⴹ ⵏ ⵓⵡⴻⴽⴽⴻⵍ ⵉ 14 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⵢⴻⵔⵣⴰⵏ ⵍⴰⴷⵖⴰ ⵍⴻⴱⵏⵉ ⵏ ⵢⵉⵙⴻⵏⵙⴰ (ⴼⴰⵏⴰⴷⵉⵇ) ⵏ 4 ⵏ ⵢⵉⵜⵔⴰⵏ, ⵜⵓⴷⴷⴰⵔ ⵏ ⵜⵎⴻⵔⵔⵉⵜ ⴷ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵏ ⵢⵉⵔⵉ ⵏ ⵢⵉⵍⴻⵍ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏ ⵜⵎⵓⵔⵜ.

ⵙ ⵡⴰⵢⴰ, ⵢⴻⵜⵜⵓⵏⴻⴼⴽ ⵓⵡⴻⴽⴽⴻⵍ ⵉ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⵓⵙⵍⵉⴳⵜ ⵏ ⵓⵙⵙⴻⴼⵜⵉ ⵏ ⵜⵡⵉⵍⴰⵢⵜ ⵏ ⵜⵉⵒⴰⵣⴰ ⵉ ⵍⴻⴱⵏⵉ ⵏ ⵢⵉⵡⴻⵏ ⵏ ⵓⵙⴻⵏⵙⵓ ⵏ 4 ⵏ ⵢⵉⵜⵔⴰⵏ ⴰⴷ ⵢⴻⵙⵄⵓⵏ 380 ⵏ ⵡⵓⵙⵓⵜⴻⵏ, ⵢⴻⵔⵏⴰ ⵢⴻⵜⵜⵡⴰⵇⴱⴻⵍ ⵓⵙⴻⵏⴼⴰⵔ ⵓⵙⵍⵉⴳ ⵏ ⵍⴻⴱⵏⵉ ⵏ ⵢⵉⵡⴻⵜ ⵏ ⵜⵏⴻⵣⴷⵓⵖⵜ ⵏ ⵜⵎⴻⵔⵔⵉⵜ ⵏ 3 ⵏ ⵢⵉⵜⵔⴰⵏ ⴷⴻⴳ ⵜⵡⵉⵍⴰⵢⵜ ⵏ ⵄⵉⵏ ⵜⵉⵎⵓⵛⴻⵏⵜ ⵙ ⵜⴻⵣⵎⴻⵔⵜ ⵏ 1000 ⵏ ⵡⵓⵙⵓⵜⴻⵏ.

ⵢⴻⵇⴱⴻⵍ ⴷⴰⵖ ⵓⵖⵍⵉⴼ ⵍⴻⴱⵏⵉ ⵏ ⵓⵙⴻⵏⵙⵓ ⵏ 4 ⵏ ⵢⵉⵜⵔⴰⵏ ⴷⴻⴳ ⵙⴹⵉⴼ ⴷ ⵢⵉⵙⴻⵏⴼⴰⵔⴻⵏ ⵉⵎⴻⵔⵔⴰⵢⴻⵏ ⵏⵉⴹⴻⵏ ⴷⴻⴳ ⵜⵡⵉⵍⴰⵢⵉⵏ ⵏ Ɣⵉⵍⵉⵣⴰⵏ, ⵡⴻⵀⵕⴰⵏ ⴷ ⵍⴻⵣⵣⴰⵢⴻⵔ ⵢⴻⵔⵣⴰⵏ ⵍⴰⴷⵖⴰ ⵍⴻⴱⵏⵉ ⵏ ⵜⵓⴷⴷⴰⵔ ⵏ ⵜⵎⴻⵔⵔⵉⵜ ⴷ ⵢⵉⵙⴻⵏⵙⴰ ⵏ 4 ⵏ ⵢⵉⵜⵔⴰⵏ.

ⵙ ⵓⵇⴱⴰⵍ ⵏ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ-ⴰ ⵏ ⵜⵎⴻⵔⵔⵉⵜ, ⴰⵖⵍⵉⴼ ⵍⴰ ⵉⵅⴻⴷⴷⴻⵎ ⴰⴽⴽⴻⵏ ⴰⴷ ⵢⴻⴼⵔⵓ ⵓⴳⵓⵔ ⵏ ⵍⴻⵅⵚⴰⵚ ⵏ ⵢⵉⵎⵓⴽⴰⵏ ⵏ ⵜⵏⵓⵙⵉ ⴷ ⵓⵙⵙⴻⵍⵀⵓ ⵏ ⵜⵖⴰⵔⴰ (ⵏⴰⵡⵄⵉⵢⵢⴰ) ⵏ ⵢⵉⵎⴻⵥⵍⴰ ⴰⴽⴽⴻⵏ ⴰⴷ ⵢⴻⵙⵎⴻⵍ (ⵢⵓⵔⴰⵡⵡⵉⴵ) ⵜⴰⵎⴻⵔⵔⵉⵜ ⵏ ⴷⴰⵅⴻⵍ ⵏ ⵜⵎⵓⵔⵜ.