Asebter amenzawi

Aqbal n wugar n 120 n yisenfaren n tmerrit deg wakk timnaḍin n tmurt

LEZZAYER TAMANEɣT – Yeqbel uneɣlaf n uheyyi n wakal d tmerrit (siyaḥa), Amar Ghoul, ass n letniyen deg Lezzayer Tamaneɣt 120 n yisenfaren n tmerrit ay izemren ad d-sduqqsen aḥric-a deg tmurt.

Deg tɣimiyin tiɣelnawin ɣef uheyyi n wakal ay d-yellan ass n letniyen deg Leqṣer n Yiɣlanen n Usrir n Uzumbi, ttunefken lekwaɣeḍ n uwekkel i 14 n yisenfaren n tmerrit yerzan ladɣa lebni n yisensa (fanadiq) n 4 n yitran, tuddar n tmerrit d teɣsar (maḥaṭṭat) n yiri n yilel deg waṭas n temnaḍin n tmurt.

S waya, yettunefk uwekkel i ugensas (mumattil) n yiwet n tkebbanit tusligt n ussefti n twilayt n Tipaza i lebni n yiwen n usensu n 4 n yitran ad yesɛun 380 n wusuten, yerna yettwaqbel usenfar uslig n lebni n yiwet n tnezduɣt n tmerrit n 3 n yitran deg twilayt n Ɛin Timucent s tezmert n 1000 n wusuten.

Yeqbel daɣ uɣlif lebni n usensu n 4 n yitran deg Sḍif d yisenfaren imerrayen niḍen deg twilayin n Ɣilizan, Wehṛan d Lezzayer yerzan ladɣa lebni n tuddar n tmerrit d yisensa n 4 n yitran.

S uqbal n lebni n yisenfaren-a n tmerrit, aɣlif la ixeddem akken ad yefru ugur n lexṣaṣ n yimukan n tnusi d usselhu n tɣara (nawɛiyya) n yimeẓla akken ad yesmel (yurawwiǧ) tamerrit n daxel n tmurt.