ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵄⵕⴰⴱⵜ ⵏ ⵓⴽⴰⵔⴰⵟⵉ ⵏ ⵜⴻⵎⵙⵓⵍⵜⴰ: 15 ⵏ ⵜⵎⵓⵔⴰ ⴰⴷ ⵢⴻⵜⵜⴻⴽⴽⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵓⴽⴰⵔⴰⵟⵉ ⵏ ⵜⴻⵎⵙⵓⵍⵜⴰ (ⴳⴰⵔ 14 ⴷ 17 ⴷⵓⵊⴻⵎⴱⴻⵕ) ⴰⵙⵙ ⵏ ⵍⴻⵜⵏⵢⴻⵏ ⴷⴻⴳ ⵜⵇⵓⴱⴱⴻⵜ ⵏ ⵓⵙⵓⴷⴷⵉⵙ ⵓⵍⵉⵎⵒⵉ ⵎⵧⵀⴰⵎⴻⴷ-ⴱⵧⵓⴷⵉⴰⴼ (ⵍⴻⵣⵣⴰⵢⴻⵔ) ⵙ ⵓⵃⴷⴰⵕ ⵏ 15 ⵏ ⵜⵎⵓⵔⴰ.

ⵎⴻⵏⵖⵉⵔ ⵍⴻⵣⵣⴰⵢⴻⵔ, ⵜⴰⵎⵓⵔⵜ ⵜⵉⵎⵙⵓⴷⴷⴻⵙⵜ (ⵎⵓⵏⴰⴹⴹⵉⵎ), ⴰⴷ ⵜⵜⴻⴽⴽⵉⵏⵜ ⴷⴰⵖ ⴷⴻⴳ ⵓⵎⵙⵉⵣⵡⴻⵔ-ⴰ ⵜⵓⵏⴻⵙ, ⵍⵓⵕⴷⵓⵏ, ⵍⵉⴱⵢⴰ, ⵇⴰⵟⴰⵔ, ⵍⵓⴱⵏⴰⵏ, ⵢⴰⵎⴰⵏ, ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ, ⴱⴻⵃⵕⵉⵏ, ⵎⴰⵚⴻⵔ, ⵙⵓⴷⴰⵏ, ⵄⵓⵎⴰⵏ, ⵜⴰⴳⴻⵍⴷⴰ ⵜⴰⵙⴰⵄⵓⴷⵉⵜ, ⴼⴰⵍⴻⵙⵟⵉⵏ ⴷ ⵍⴻⴽⵡⵉⵜ.

ⵜⵜⵉⵄⴰⴷ-ⴰ ⴰⴷ ⵢⴻⴳ ⵉⴼⴰⴷⴷⴻⵏ ⵉ ⵜⵉⴳⵉⵜ ⵏ ⵡⴰⴷⴷⴰⵍ ⴷⴻⴳ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⴰⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵜⵉⵏⵏⴰⵔⴻⴳⵜ (ⴵⵉⵡⴰⵔ) ⴷ ⵓⵙⵙⵉⵡⴻⴹ ⵖⴻⵔ ⵢⵉⵙⵡⴰⵏ ⵏ ⵜⴷⵓⴽⵍⵉ ⵜⴰⵏⴰⴷⴷⴰⵍⵜ ⵏ ⵜⴻⵎⵙⵓⵍⵜⴰ ⵜⴰⵄⵕⴰⴱⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵙⵓⴷⴷⵙⴻⵏ ⵏ ⵜⴻⵍⵖⵓⵖⴰ-ⴰ.

ⵜⴰⴼⵓⴳⵍⴰ (ⵉⵃⵜⵉⴼⴰⵍ) ⵏ ⵓⵔⵥⴰⵎ ⵏ ⵜⴻⴷⵢⴰⵏⵜ-ⴰ ⵜⴻⵍⵍⴰ-ⴷ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ-ⵀⴰⴷⵉ ⵧⵓⵍⴷ ⴰⵍⵉ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⵏ ⵍⴻⵣⵣⴰⵢⴻⵔ, ⵎⵓⵙⵜⴰⵒⵀⴰ ⴱⴻⵔⵔⴰⴼ, ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⴰⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵎⵧⵀⴰⵎⴻⴷ ⴱⴻⵏ ⴰⵍⵉ ⴽⵧⵎⴰⵏⴻ ⴷ ⵓⵙⴻⵍⵡⴰⵢ ⵏ ⵜⴷⵓⴽⵍⵉ ⵜⴰⵏⴰⴷⴷⴰⵍⵜ ⵏ ⵜⴻⵎⵙⵓⵍⵜⴰ ⵜⴰⵄⵕⴰⴱⵜ, ⴽⵀⴰⵍⴻⴷ ⴱⴻⵏ ⵀⴰⵎⴰⴷ ⴰⵍ-ⴰⵜⵜⵉⴰ.

ⵃⴻⴷⵕⴻⵏ ⴷⴰⵖ ⵢⵉⵏⵎⴰⵀⴰⵍⴻⵏ (ⵙⵓⴼⴰⵔⴰ’) ⵏ ⴽⵔⴰ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷⴻⴳ ⵍⴻⵣⵣⴰⵢⴻⵔ.

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵓⴽⴰⵔⴰⵟⵉ ⵏ ⵜⴻⵎⵙⵓⵍⵜⴰ ⵍⵍⴰⵏ ⴷⴻⴳ-ⵙ 25 ⵏ ⵢⵉⵏⴰⴷⴷⴰⵍⴻⵏ (16 ⵏ ⵢⵉⵔⴳⴰⵣⴻⵏ ⴷ 9 ⵏ ⵜⵙⴻⴷⵏⴰⵏ).