Asebter amenzawi

Talɣuɣa taɛṛabt n ukaraṭi n temsulta: 15 n tmura ad yettekkin

LEZZAYER TAMANEɣT – Tebda telɣuɣa taɛṛabt n ukaraṭi n temsulta (gar 14 d 17 Dujembeṛ) ass n letnyen deg Tqubbet n Usuddis Ulimpi Mohamed-Boudiaf (Lezzayer) s uḥdaṛ n 15 n tmura.

Menɣir Lezzayer, tamurt timsuddest (munaḍḍim), ad ttekkint daɣ deg umsizwer-a Tunes, Luṛdun, Libya, Qaṭar, Lubnan, Yaman, Limaṛat Taɛṛabin Yeddukklen, Beḥṛin, Maṣer, Sudan, Ɛuman, Tagelda Tasaɛudit, Falesṭin d Lekwit.

Ttiɛad-a ad yeg ifadden i tigit n waddal deg temsulta (curṭa) n tmura taɛṛabin, asseǧhed n wassaɣen n tegmat d tinnaregt (ǧiwar) d ussiweḍ ɣer yiswan n Tdukli Tanaddalt n Temsulta Taɛṛabt, ɣef wakken ay d-nnan yimsuddsen n telɣuɣa-a.

Tafugla (iḥtifal) n urẓam n tedyant-a tella-d s uḥdaṛ n uneɣlaf n Yilemẓiyen d Waddal, El-Hadi Ould Ali, aselway n Useqqamu Ulimpi d Unaddal n Lezzayer, Mustapha Berraf, aselway n Tfidiṛalit Tadzayrit n Tcirt n Uḍar, Mohamed Raouraoua, amaru amatu n Useqqamu n Yineɣlafen Aɛṛaben n Tɣawsiwin n Daxel, Mohamed Ben Ali Komane d uselway n Tdukli Tanaddalt n Temsulta Taɛṛabt, Khaled Ben Hamad Al-Attia.

Ḥedṛen daɣ yinmahalen (sufara’) n kra n tmura taɛṛabin deg Lezzayer.

Taɣlamt tadzayrit n ukaraṭi n temsulta llan deg-s 25 n yinaddalen (16 n yirgazen d 9 n tsednan).