ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵜⴻⴼⵔⵉⵇⵜ ⵏ ⴷⴷⴰⵡ ⵏ 23 ⵏ ⵢⵉⴻⴳⴳⴰⵙⴻⵏ: ⵙⴰⵍⵀⵉ ⴷ ⵏⴻⵜⵜⴰ ⴰⵢ ⴷ ⴰⵄⴻⵙⵙⴰⵙ ⵉⵎⵅⴻⵢⵢⴻⵔ

ⴷⴰⴽⴰⵔ – ⴷ ⴰⵄⴻⵙⵙⴰⵙ ⴰⴱⴷⴻⵍⴽⴰⴷⴻⵔ ⵙⴰⵍⵀⵉ ⴰⵢ ⴷ ⴰⵄⴻⵙⵙⴰⵙ ⵉⵎⵅⴻⵢⵢⴻⵔ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2015 ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ ⴰⵢ ⵉⴼⵓⴽⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⴷⴰⴽⴰⵔ ⵙ ⵔⵔⴱⴻⵃ ⵏ ⵏⵉⵊⵉⵔⵢⴰ ⵎⴳⴰⵍ ⵍⴻⵣⵣⴰⵢⴻⵔ ⵙ 2 ⵖⴻⵔ 1 ⴷⴻⴳ ⵜⵏⴻⴳⴳⴰⵔⵓⵜ ⴰⵢ ⵓⵔⴰⵔⴻⵏ ⴷⴻⴳ ⵓⵙⴰⵔⵉⵔ ⵏ ⵍⴻⵧⵒⵧⵍⴷ-ⵙⴻⴷⴰⵔ-ⵙⴻⵏⴳⵀⵧⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵅⴻⴱⴱⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⵜ ⵏ ⵓⴹⴰⵔ.

ⴰⵄⴻⵙⵙⴰⵙ-ⴰ ⵏ ⵜⴻⵖⵍⴰⵎⵜ ⵏ ⴰⵙⵧ ⵛⵛⵍⴻⴼ ⵢⴻⵜⵜⴻⴽⴽⴰ ⵙ ⵡⴰⵟⴰⵙ ⴷⴻⴳ ⵓⵎⴻⵛⵡⴰⵕ ⵏ ⵢⵉⵎⴰⵔⵉⵔⴻⵏ ⵓⵍⵉⵎⵒⵉⵢⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵜⴻⵥⵔⵉⴳⵜ ⵜⵉⵙ ⵙⵏⴰⵜ ⵏ ⵜⴻⵇⴱⵓⵛⵜ-ⴰ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ, ⵢⴻⵔⵏⴰ ⴰⵎⴻⵛⵡⴰⵕ-ⴰ ⵢⴻⵍⵀⴰⵏ ⵢⴻⴵⴵⴰ ⵍⴻⵣⵣⴰⵢⴻⵔ ⴰⴷ ⵜⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016.

ⴰⵄⴻⵙⵙⴰⵙ-ⴰ ⵢⴻⵥⵡⴻⵔ ⴷⴻⴳ ⵜⴻⵖⵍⴰⵎⵜ-ⵏⵏⴻⵙ ⵏ ⴰⵙⵧ ⵛⵛⵍⴻⴼ, ⴷ ⴰⵛⵓ ⴽⴰⵏ, ⵓⵍⴰ ⵎⴰ ⵜⴻⵖⵍⵉ ⵜⴻⵖⵍⴰⵎⵜ-ⴰ ⵙⴻⴳ ⵜⴻⵎⵖⵓⵏⵜ (ⵔⴰⴱⵉⵟⴰ) 1ⵓⵜ ⵏ ⵎⵧⴱⵉⵍⵉⵙ ⵖⴻⵔ ⵜⵉⵙ ⵙⵏⴰⵜ, ⵙⴰⵍⵀⵉ ⵎⴰⵣⴰⵍ-ⵉⵜ ⵢⴻⵥⵡⴻⵔ, ⵢⴻⵔⵏⴰ ⴰⵍⴰ 3 ⵏ ⵢⵉⵙⵡⴰⵏ ⴰⵢ ⴰⵙ-ⵙⵙⴰⴷⴼⴻⵏ ⴷⴻⴳ ⵜⴻⵇⴱⵓⵛⵜ-ⴰ ⵏ ⵜⴻⴼⵔⵉⵇⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⴳⵔⴰⵡⵜ ⵜⴰⵜⵡⵉⵍⴰⵏⵜ (ⵜⵉⵇⵏⵉⵢⵢⴰ) ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴻⴼⵔⴻⵏ ⴰⵇⴻⴱⵟⴰⵏ ⵏ ⵏⵉⵊⵉⵔⵢⴰ ⵧⴽⴻⵛⵀⵓⴽⵡⵓ ⴰⵣⵓⴱⵓⵉⴽⴻ ⴷ ⴰⵎⴰⵔⵉⵔ ⵉⵎⵅⴻⵢⵢⴻⵔ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⴷⴷⴰⵡ ⵏ 23 ⵏ 2015.

ⴰⵎⴰⵔⵉⵔ-ⴰ ⵏ 18 ⵏ ⵢⵉⵙⴻⴳⴳⴰⵙⴻⵏ ⴰⵢ ⵢⴻⵜⵜⵓⵔⴰⵔⴻⵏ ⴷⴻⴳ ⵜⴻⵖⵍⴰⵎⵜ ⵜⴰⵟⴻⵔⴽⵉⵜ ⵏ ⵢⴻⵏⵉ ⵎⴰⵍⴰⵜⵢⴰⵙⵒⵧⵔ (ⵟⵟⴻⵔⴽ) ⵢⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵔⵔⴱⴻⵃ ⵏ ⵏⵉⵊⵉⵔⵢⴰ ⴷⴻⴳ ⵜⴻⵇⴱⵓⵛⵜ-ⴰ.

ⵜⴰⵃⴰⵡⴰⵛⵜ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2015 (ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ):

ⴰⵎⴰⵔⵉⵔ ⵉⵎⵅⴻⵢⵢⴻⵔ: ⵧⴽⴻⵛⵀⵓⴽⵡⵓ ⴰⵣⵓⴱⵓⵉⴽⴻ (ⵏⵉⵊⵉⵔⵢⴰ)

ⵉⵎⵙⵉⵙⵡⵉ ⵉⵎⵅⴻⵢⵢⴻⵔ: ⵒⴻⵜⴻⵔ ⴻⵜⴻⴱⵧ ⵧⴳⵀⴻⵏⴻⴽⴰⵔⵧ (ⵏⵉⵊⵉⵔⵢⴰ) ⵙ 5 ⵏ ⵢⵉⵙⵡⴰⵏ

ⴰⵄⴻⵙⵙⴰⵙ ⵉⵎⵅⴻⵢⵢⴻⵔ: ⴰⴱⴷⴻⵍⴽⴰⴷⴻⵔ ⵙⴰⵍⵀⵉ (ⵍⴻⵣⵣⴰⵢⴻⵔ)

ⴰⵔⵔⴰⵣ ⵏ ⵡⵓⵔⴰⵔ ⵣⴻⴷⴷⵉⴳⴻⵏ: ⵜⴰⴼⵔⵉⵇⵜ ⵏ ⵓⵏⵥⵓⵍ

ⴰⵊⴻⵎⵎⴰⵍ ⵏ ⵢⵉⵙⵡⴰⵏ ⴰⵢ ⵢⴻⵜⵜⵡⴰⵙⵙⴰⴷⴼⴻⵏ: 36 ⵏ ⵢⵉⵙⵡⴰⵏ ⴷⴻⴳ 16 ⵏ ⵜⴻⵎⵍⵉⵍⵉⵢⵉⵏ (ⵜⴰⵍⴻⵎⵎⴰⵙⵜ ⵏ 2,3 ⵏ ⵢⵉⵙⵡⴰⵏ ⵉ ⵜⴻⵎⵍⵉⵍⵉⵜ)

ⴰⵏⵟⴰⴳ (ⵀⵓⴵⵓⵎ) ⵉⵎⵅⴻⵢⵢⴻⵔ: ⵏⵉⵊⵉⵔⵢⴰ ⵙ 8 ⵏ ⵢⵉⵙⵡⴰⵏ ⴷⴻⴳ 5 ⵏ ⵜⴻⵎⵍⵉⵍⵉⵢⵉⵏ

ⵏⵉⵊⵉⵔⵢⴰ, ⵍⴻⵣⵣⴰⵢⴻⵔ ⴷ ⵜⴻⴼⵔⵉⵇⵜ ⵏ ⵓⵏⵥⵓⵍ ⵄⴻⴷⴷⴰⵏⵜ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⴷⴻ ⵊⴰⵏⴻⵉⵔⵧ ⵏ 2016.