Asebter amenzawi

2475 n yinesmigalen ad yettekkin deg Uswir wis 14 n Polisario

LEZZAYER TAMANEɣT – Azal n 2475 n yinesmigalen (mufawwaḍin) ad yettekkin deg uswir wis 14 n Terni n Polisario ad d-yilin gar 16 d 20 Dujembeṛ deg twilayt taṣeḥrawt n Dexla, ɣef wakken ay d-yenna unmahal (safir) aṣeḥrawi deg Lezzayer, Brahim Ghali.

Aberriḥ n uswir-a (mu’tamar) d « Tadusi, asɣiwes d lebɣi i uḥettem n uzarug aɣelnaw d tnaya », yerna ad d-ilint temliliyin-nnes deg yimaziren (muxayyamat) n yizrazaɣen n twilayt n Dexla, anda ay ɛawden bnan lbenyanat-nni ay sdermen yiḥemmalen d yigefran ineggura.

« Ad ttekkin aṭas n Yiṣeḥrawiyen deg uswir-a, ama seg yimaziren n yizrazɣen, ama seg yikalen yettwaḍḍfen, ama seg yinig », ɣef wakken ay d-yenna Mass Ghali deg yiwet n tseɣrut (taṣriḥ) i Tnegga n Yisalan n Lezzayer. Ttwaɛerḍent-d daɣ tmagliwin (wufud) tibeṛṛaniyin, gar-arent tin n Lezzayer.

Aṭas n tmura n Tefriqt, n Temrikt Talatinit, n Asya d Tuṛuft ad yesɛun daɣ igensasen-nsent (mumattilin), yerna kra seg-sen sɛan iswiren d unnigen deg tmura-nsen, ɣef wakken ay d-yenna udiplumati-a aṣeḥrawi.

Aswir n Terni n Polisario yella-d aseggas-a deg tegnit n daxel d beṛṛa yemgerraden ɣef tin n yiseggasen niḍen.

Seg yidis n daxel, aɣref aṣeḥrawi yebda iɛeyyu seg tmeddurt n 40 n yiseggasen ddaw uzaglu d 24 n yiseggasen n tmeṛjiwt i ussefɛel n umtawa (ittifaq) n uḥbas n yimenɣi ay d-ibedren d akken yessefk ad d-tili tsefrant (istifta’) i ugguccelman n Uneẓruf Utrim yettwaḍḍfen.

Seg yidis n beṛṛa, Tagduda Taɛṛabt Taṣeḥrawit Tamagdayt d Terni n Polisario ssawḍen ad gen, tagara-a, aṭas n yisurifen ɣer sdat seg yidis adiplumati, alsan (insani), usḍif (qanuni) d ttawilat n yisalan.