ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵙⵜⴻⵏⵢⵉⵏ ⵢⵉⵍⵉⴱⵉⵢⴻⵏ ⵍⵓⴼⴻⵇ ⴰⵙⴻⵔⵜⵉ ⴰⵙⵙ ⵏ 16 ⴷⵓⵊⴻⵎⴱⴻⵕ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵟⴰⵙ ⵏ ⵜⵎⵓⵔⴰ ⴷ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵜⵉⴳⵔⴰⵖⵍⴰⵏⵉⵏ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵙⵜⴻⵏⵢⵉⵏ ⵡⴰⵔ ⵍⴻⵄⴹⵉⵍ ⴰⵎⵜⴰⵡⴰ ⴰⵙⴻⵔⵜⵉ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵙⴱⴻⴷⴷⴻⵏ ⴰⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⴽⴽⴻⵏ ⴰⴷ ⴼⴰⴽⴻⵏ ⵜⴰⵍⵓⴼⵜ ⴰⵢ ⵢⴻⴼⴽⴰⵏ ⴰⵅⴻⵚⵚⴰⵔ ⵉ ⵍⵉⴱⵢⴰ ⵙⴻⴳ ⵜⴳⴰⵔⴰ ⵏ 2011.
ⵜⴻⴽⴽⴰ-ⴷ ⵜⴻⵖⵔⵉ-ⴰ ⴰⵙⵙ ⵏ ⵍⵃⴻⴷⴷ ⵙⴻⴳ ⵕⵓⵎⴰ, ⵜⴰⵎⴰⵏⴻⵖⵜ ⵏ ⵟⵟⴰⵍⵢⴰⵏ, ⵎⵉ ⵉⴼⵓⴽ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵍⵉⴱⵢⴰ, ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵒⴰⵧⵍⵧ ⴳⴻⵏⵜⵉⵍⵧⵏⵉ, ⴷ ⵓⵎⴰⵔⵓ ⵏ ⵓⵡⴰⵏⴰⴽ ⴰⵎⴰⵔⵉⴽⴰⵏⵉ, ⵊⵧⵀⵏ ⴽⴻⵔⵔⵢ.
ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵓⵛⵔⵉⴽ, ⵏⵏⴰⵏ-ⴷ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵓⵙⴰⵔⴰⴳ-ⵏⵏⵉ ⴷ ⴰⴽⴽⴻⵏ ⴰⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⴷ ⵢⴻⵙⵄⵓⵏ ⵜⴰⵎⴰⵏⴻⵖⵜ-ⵏⵏⴻⵙ ⴷⴻⴳ ⵟⵔⴰⴱⵍⴻⵙ « ⵢⴻⵙⵙⴻⴼⴽ ⴰⴷ ⵢⵉⵍⵉ ⴰⴽⴽⴻⵏ ⴰⴷ ⵉⵇⴰⴱⴻⵍ, ⵙ ⵜⵉⵛⵛⵓⵔⴽⴰ ⴷ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ, ⵓⴳⵓⵔⴻⵏ ⵉⵎⴻⵇⵔⴰⵏⴻⵏ ⴰⵢ ⵢⴻⵔⵣⴰⵏ ⵜⴰⵎⵓⵔⵜ-ⴰ » ⵙⴻⴳ ⵢⵉⴷⵉⵙⴰⵏ ⴰⵙⴻⵔⵜⵉ, ⴰⵖⴻⵍⵍⵉⵙⴰⵏ (ⴰⵎⵏⵉ) ⴷ ⵡⴰⵍⵙⴰⵏ (ⵉⵏⵙⴰⵏⵉ).
ⵙ ⵡⴰⵢⴰ, ⴰⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⵉⴳⴻⵔ-ⴷ ⵜⵉⵖⵔⵉ, ⴷⴻⴳ ⵓⵙⴰⵔⴰⴳ ⵏ ⵕⵓⵎⴰ, « ⵉ ⵡⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵇⴻⴱⵍⴻⵏ ⴰⵃⴱⴰⵙ ⵏ ⵢⵉⵎⴻⵏⵖⵉ ⵓⵎⵎⵉⴷ ⵡⴰⵔ ⵍⴻⵄⴹⵉⵍ ⵢⴻⵔⵏⴰ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵍⵉⴱⵢⴰ », ⴰⵎ ⵡⴰⴽⴽⴻⵏ ⴰⵢ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⵄⴻⵡⵡⴻⵍ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵢⴻⴼⴽ ⴰⴽⴽ ⵍⴻⵎⵄⴰⵡⵏⴰ ⵜⴰⵍⵙⴰⵏⵜ ⴰⵢ ⵃⵡⴰⴵⴻⵏ ⵢⵉⵎⴻⵣⴷⴰⵖⴻⵏ ⵏ ⵍⵉⴱⵢⴰ.
ⵍⴻⵣⵣⴰⵢⴻⵔ ⵢⴻⵃⴷⴻⵕ ⵙ ⵢⵉⵙⴻⵎ-ⵏⵏⴻⵙ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⵢ ⵉⵄⴰⵡⴷⴻⵏ ⵉⵡⴻⴽⴽⴻⴷ-ⴷ ⴰⴱⴷⴰⴷ ⵏ ⵍⴻⵣⵣⴰⵢⴻⵔ ⵓⵔ ⵢⴻⵜⵜⴱⴻⴷⴷⵉⵍⴻⵏ ⴰⵔⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⴰⵙⴻⵔⵜⵉ ⵏ ⵜⴰⵍⵓⴼⵜ ⵜⴰⵍⵉⴱⵉⵜ ⵙ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵙ ⵓⵇⴰⴷⴻⵔ ⵏ ⵓⵎⵜⴰⵡⴰ ⴰⵙⴻⵔⵜⵉ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
