ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵇⴰⴷⵔⴻⵏ ⵢⵉⵏⴻⵖⵎⴰⵙⴻⵏ ⵜⴻⵣⴷⴻⴳ ⵏ ⵚⵚⴻⵏⵄⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵜⵓⵕⵓⴼⵉⵜ ⵏ ⵢⵉⵏⴻⵖⵎⴰⵙⴻⵏ, ⵔⵉⵛⴰⵔⴷⵧ ⵠⴻⵍⴰⵙⵇⵓⴻⵣ ⴳⵓⵜⵉⴻⵔⵔⴻⵣ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⵢⴻⵙⵙⴻⴼⴽ ⵉⵏⴻⵖⵎⴰⵙⴻⵏ ⴰⴷ ⵙⵙⴻⴷⴷⵓⵏ ⵉⵍⵓⴳⴰⵏ ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ ⴰⴽⴽⴻⵏ ⴰⴷ ⵃⴰⵕⴱⴻⵏ ⴰⵏⵏⴻⵔⵏⵉ ⵏ ⴽⴰⵕⵓⵀ ⴷⴻⴳ ⵓⵎⴰⴹⴰⵍ.
« ⵉⵏⴻⵖⵎⴰⵙⴻⵏ ⵙⵄⴰⵏ ⵜⴰⵎⴰⵙⵉⵜ (ⵎⴰⵙ’ⵓⵍⵉⵢⵢⴰ) ⴰⴽⴽⴻⵏ ⴰⴷ ⵙⵙⴻⴷⴷⵓⵏ ⵉⵍⵓⴳⴰⵏ ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ ⴷⴻⴳ ⵓⵎⴰⴹⴰⵍ-ⴰ ⴰⵢⴷⴻⴳ ⵍⴰ ⵜⴻⵜⵜⵏⴻⵔⵏⵉ ⵜⵉⴹⴹⵓⵔⴼⴰ, ⵜⴰⵔⴻⵎⵙⵓⵔⴻⴼⵜ ⴷ ⵎⴻⵃⵢⴰⴼ ⵎⴳⴰⵍ ⵢⵉⵎⵖⵉⵡⴰⵏⴻⵏ (ⵎⵓⴵⵜⴰⵎⴰⵄⴰⵜ) ⴷ ⵜⴷⴻⵔⵙⵉⵡⵉⵏ ⵜⵉⵙⵖⴰⵏⴰⵏⵉⵏ ⴷ ⵜⵉⵜⵏⵉⵢⵉⵏ ⵢⴻⵎⴳⴻⵔⵔⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴳⵓⵜⵉⴻⵔⵔⴻⵣ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵓⵙⵙⵉⵍⴻⵖ ⵖⴻⴼ « ⵢⵉⵎⴻⵏⵣⴰⵢⴻⵏ ⴷ ⵜⴻⵣⴷⴻⴳ ⵏ ⵚⵚⴻⵏⵄⴰ: ⵜⴰⵎⴰⵙⵉⵜ ⵜⴰⵏⵎⴻⵜⵜⵉⵜ ⵏ ⵜⵖⴻⵎⵙⴰ ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ » ⴰⵢⴷⴻⴳ ⵢⴻⵜⵜⴻⴽⴽⴰ ⴷⴰⵖ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ.
ⵎⴰⵙⵙ ⴳⵓⴻⵜⵉⴻⵔⵔⴻⵣ, ⴰⵢ ⵉⵅⴻⴷⴷⵎⴻⵏ ⴷⴰⵖ ⴷ ⴰⵙⴻⵍⵎⴰⴷ ⴷⴻⴳ ⵜⴻⵙⴷⴰⵡⵉⵜ ⵜⵉⵍⴻⵍⵍⵉⵜ ⵏ ⴱⵔⵓⵅⴻⵍⵍⴻⵙ, ⵢⴻⵏⵏⴰ-ⴷ ⴷ ⴰⴽⴽⴻⵏ « ⵉⵎⴻⵏⵖⵉ ⵎⴳⴰⵍ ⵢⵉⵏⴰⵡ (ⵅⵉⵟⴰⴱ) ⵏ ⴽⴰⵕⵓⵀ ⴷ ⴰⵛⵇⵉⵔⵔⴻⵡ ⴰⵎⴰⵢⵏⵓ ⵉ ⵢⵉⵏⴻⵖⵎⴰⵙⴻⵏ ».
ⴰⵢⴰ ⴷ ⵓⴳⵓⵔ ⴰⵢ « ⵉⵛⴻⵖⴱⴻⵏ ⴰⵟⴰⵙ » ⴷⴻⴳ ⵓⵏⵔⵔ ⵏ ⵜⵙⴻⵔⵜⵉⵜ ⴷ ⵍⵇⴰⵏⵓⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⴽ ⴰⴷ ⵢⴻⵜⵜⵡⴰⵇⴰⴱⴻⵍ ⵡⴰⵢⴰ, ⴰⵛⴽⵓ ⵉⵏⴰⵡ ⵏ ⴽⴰⵕⵓⵀ « ⵉⵃⵓⵣⴰ-ⴷ ⴷⴰⵖ ⵜⵉⵍⴻⵍⵍⵉ ⵏ ⵡⴰⵡⴰⵍ ».
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴳⵓⵜⵉⴻⵔⵔⴻⵣ, ⵛⵛⵖⴻⵍ ⵏ ⵢⵉⵏⴻⵖⵎⴰⵙⴻⵏ « ⵡⴻⵔⴵⵉⵏ ⴷ-ⵢⴻⵍⵍⵉ ⵢⴻⵡⵄⴻⵕ ⴰⵏⴻⵛⵜ ⵢⴻⵍⵍⴰ ⴰⵙⵙ-ⴰ » ⵖⴻⴼ ⵍⴵⴰⵍ ⵏ ⵓⵎⴹⴰⵏ (ⵄⴰⴷⴰⴷ) ⴰⵎⴻⵇⵔⴰⵏ ⵏ ⵜⴰⵍⵍⵓⵏⵉⵏ ⴰⵢⴷⴻⴳ ⵣⴻⵎⵔⴻⵏ ⴰⴷ ⴷ-ⵙⵙⵉⵡⵍⴻⵏ ⵎⴻⴷⴷⴻⵏ ⴷ ⵓⵏⵏⴻⴼⵍⵉ (ⵜⴰⵟⴰⵡⵡⵓⵔ) ⴰⵎⴻⵇⵔⴰⵏ ⵏ ⵜⴻⵙⵏⴰⵜⵡⵉⵍⵜ (ⵜⵉⴽⵏⵓⵍⵓⴵⵢⴰ) ⵜⵓⵎⴹⵉⵏⵜ, ⵍⴰⴷⵖⴰ ⵜⵉⵏ ⵏ ⵉⵏⵜⴻⵔⵏⴻⵜ.
ⴷⵖⴰ ⵢⴻⴱⴷⴻⵔ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴰⵏⵏⴻⵔⵏⵉ ⴰⵎⴻⵇⵔⴰⵏ ⵏ ⵢⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ ⴰⵢ ⵢⵓⵖⴰⵍⴻⵏ ⴷ « ⵜⵉⵔⴻⴳⵡⴰ ⴰⵢ ⵢⴻⵙⵙⴻⴷⴷⴰⵢⴻⵏ ⵉⵏⴰⵡ ⵏ ⴽⴰⵕⵓⵀ ».
