ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⵜⴰⵎⵉⴷⵡⴰⵏⵜ ⵏ ⵓⵔⵓⴳⴱⵢ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴰ ⵜⴻⵙⵙⴻⵡⵊⴰⴷ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵓⵔⵓⴳⴱⵢ ⵉⵎⴰⵏ-ⵏⵏⴻⵙ ⴰⴽⴽⴻⵏ ⴰⴷ ⵜⵓⵔⴰⵔ ⵜⵉⵎⵍⵉⵍⵉⵜ-ⵏⵏⴻⵙ ⵜⴰⵎⵉⴷⵡⴰⵏⵜ (ⵡⵓⴷⴷⵉⵢⵢⴰ) ⵜⴰⵎⴻⵣⵡⴰⵔⵓⵜ ⴷⴻⴳ ⵍⴻⵣⵣⴰⵢⴻⵔ ⵎⴳⴰⵍ ⵜⴻⵎⵜⵉⵍⵜ-ⵏⵏⴻⵙ ⵜⴰⵜⵓⵏⵙⵉⵜ, ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵓⵙⴰⵔⵉⵔ ⵏ ⴰⵀⵎⴻⴷ-ⵣⴰⴱⴰⵏⴰ ⵏ ⵡⴻⵀⵕⴰⵏ (4ⵙ00 ⵏ ⵜⵎⴻⴷⴷⵉⵜ), ⵢⴻⵔⵏⴰ ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴰⴷ ⴷ-ⵢⵉⵍⵉ ⵡⴰⵢⴰ ⴷⴻⴼⴼⵉⵔ ⵎⴰ ⵢⴻⵃⴱⴻⵙ ⵓⵔⵓⴳⴱⵢ 43 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵍⴻⵣⵣⴰⵢⴻⵔ.

ⵉⵙⵍⴻⵖⵎⴰⵢⴻⵏ (ⵎⵓⴷⴰⵔⵔⵉⴱⵉⵏ) ⵉⵖⴻⵍⵏⴰⵡⴻⵏ ⴷ ⵙⴰⵍⵉⵎ ⴷ ⵊⴻⵎⴰⵉ ⵜⴻⴱⴰⵏⵉ, ⵢⴻⵔⵏⴰ ⵖⵔⴰⵏ-ⴷ ⵉ 24 ⵏ ⵢⵉⵎⴰⵔⵉⵔⴻⵏ ⵉⵙⴰⴷⵓⵔⴰⵏⴻⵏ (ⵎⵓⵃⵜⴰⵔⵉⴼⵉⵏ) ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵜⴻⵍⵖⵓⵖⵉⵡⵉⵏ ⵏ ⵍⴰⵏⴳⵍⵉⵣ, ⴼⵕⴰⵏⵙⴰ, ⵣⵉⵍⴰⵏⴷ ⵜⴰⵎⴰⵢⵏⵓⵜ ⴷ ⵕⵓⵎⴰⵏⵢⴰ ⴷ ⵙⵉⵏ ⵏ ⵢⵉⵎⴰⵔⵉⵔⴻⵏ ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵍⴻⵣⵣⴰⵢⴻⵔ.

ⵜⵉⵎⵍⵉⵍⵉⵜ-ⴰ ⵜⴻⵙⵙⵓⴷⴷⴻⵙ-ⵉⵜⵜ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵔⵓⴳⴱⵢ ⴷⴷⴰⵡ ⵍⴻⵄⵏⴰⵢⴰ ⵏ ⵓⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴰⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ ⴷ ⵜⵡⵉⵍⴰⵢⵜ ⵏ ⵡⴻⵀⵕⴰⵏ.

ⴷⴻⴳ ⵜⴻⵎⵍⵉⵍⵉⵜ-ⴰ ⵜⴰⵎⴻⵣⵔⵓⵢⴰⵏⵜ, ⴰⴷ ⵃⴻⴷⵕⴻⵏ ⴽⵔⴰ ⵏ ⵡⵓⴷⵎⴰⵡⴻⵏ ⵉⵎⴻⵇⵔⴰⵏⴻⵏ ⵏ ⵓⵔⵓⴱⵢ, ⴳⴰⵔ-ⴰⵙⴻⵏ ⴱⴻⵔⵏⴰⵔⴷ ⵍⴰⵒⴰⵙⵙⴻⵜ ⵢⴻⵍⵍⴰⵏ ⴷ ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵎⴰⴹⵍⴰⵏⵜ ⵏ ⵓⵔⵓⴳⴱⵢ (ⵡⵧⵔⵍⴷ ⵔⵓⴳⴱⵢ).

ⵖⴻⴼ ⵍⴻⵃⵙⴰⴱ ⵏ ⵓⵙⴻⴼⵔⴰⴽ (ⵎⵓⵙⴰⵢⵢⵉⵔ) ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ, ⴰⵣⵣⵧⵓⵣ ⴰⵉⴱ, ⴰⵙⵙⴻⵡⵊⴻⴷ ⵍⴰ ⵢⴻⵜⵜⴻⴷⴷⵓ ⴰⴽⴽⴻⵏ ⵢⴻⵍⵀⴰ, ⵢⴻⵔⵏⴰ ⵡⵡⴹⴻⵏ-ⴷ ⴰⴽⴽ ⵢⵉⵎⴰⵔⵉⵔⴻⵏ ⵉⵙⴰⴷⵓⵔⴰⵏⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ ⴰⴽⴽⴻⵏ ⴰⴷ ⴱⴷⵓⵏ ⴰⵙⵍⴻⵖⵎⵓ (ⵜⴰⴷⵔⵉⴱ) ⵉ ⵓⵇⴰⴱⴻⵍ ⵏ ⵢⵉⵅⵚⵉⵎⴻⵏ-ⵏⵙⴻⵏ ⵉⵜⵓⵏⵙⵉⵢⴻⵏ.