Asebter amenzawi

Timlilit tamidwant n urugby gar Lezzayer d Tunes i tikkelt tamezwarut

LEZZAYER TAMANEɣT – La tessewjad teɣlamt tadzayrit n urugby iman-nnes akken ad turar timlilit-nnes tamidwant (wuddiyya) tamezwarut deg Lezzayer mgal temtilt-nnes tatunsit, ass n ljemɛa deg usarir n Ahmed-Zabana n Wehṛan (4s00 n tmeddit), yerna d tikkelt tamezwarut aydeg ad d-yili waya deffir ma yeḥbes urugby 43 n yiseggasen deg Lezzayer.

Isleɣmayen (mudarribin) iɣelnawen d Salim d Jemai Tebani, yerna ɣran-d i 24 n yimariren isaduranen (muḥtarifin) ay la yetturaren deg telɣuɣiwin n Langliz, Fṛansa, Ziland Tamaynut d Ṛumanya d sin n yimariren ay la yetturaren deg Lezzayer.

Timlilit-a tessuddes-itt Tfidiṛalit Tagraɣlant n Urugby ddaw leɛnaya n uɣlif n yilemẓiyen d waddal, Aseqqamu Ulimpi d Unaddal Adzayri d twilayt n Wehṛan.

Deg temlilit-a tamezruyant, ad ḥedṛen kra n wudmawen imeqranen n uruby, gar-asen Bernard Lapasset yellan d aselway n tfidiṛalit tamaḍlant n urugby (World Rugby).

ɣef leḥsab n usefrak (musayyir) n teɣlamt tadzayrit, Azzouz Aib, assewjed la yetteddu akken yelha, yerna wwḍen-d akk yimariren isaduranen ass n letniyen tameddit akken ad bdun asleɣmu (tadrib) i uqabel n yixṣimen-nsen itunsiyen.