ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⵛⵉⵔⵜ ⵏ ⵓⴼⵓⵙ ⵏ ⵜⵍⴰⵡⵉⵏ: ⵢⴻⵜⵜⵡⴰⵀⴻⵢⵢⴰ-ⴷ ⵡⴰⵀⵉⵍ ⵏ ⵜⴻⵎⵍⵉⵍⵉⵢⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵙⵓⴼⴼⴻⵖ-ⴷ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴼⵓⵙ ⴰⵙⵙ ⵏ ⵜⵜⵍⴰⵜⴰ ⴰⵀⵉⵍ ⵓⵎⵎⵉⴷ ⵏ ⵜⴻⵍⵖⵓⵖⴰ ⵏ « ⵓⴼⴰⵣⵉ » ⵏ ⵜⵍⴰⵡⵉⵏ ⵏ 2015-2016, 10 ⵏ ⵡⵓⵙⵙⴰⵏ ⴷⴻⴼⴼⵉⵔ ⵎⴰ ⵜⴻⵇⴱⴻⵍ ⵜⴼⵉⴷⵉⵕⴰⵍⵉⵜ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵎⵙⵉⵣⵡⴻⵔ ⴳⴰⵔ 10 ⵏ ⵜⴻⵖⵍⴰⵎⵉⵏ (ⴼⵉⵔⴰⵇ).

ⵚⵚⴻⵏⴼ-ⴰ ⴰⵎⴰⵢⵏⵓ ⵏ ⵓⵎⵙⵉⵣⵡⴻⵔ ⴰⴷ ⴷ-ⵜⵉⵍⵉ ⴷⴻⴳ-ⵙ ⴷⴰⵖ ⵜⴻⴳⵔⴰⵡⵜ ⵜⴰⵎⴰⵣⴷⴰⵔⵜ (ⵜⴰⵖⴻⵍⵏⴰⵡⵜ 1ⵓⵜ) ⴰⵢⴷⴻⴳ ⴰⴷ ⵎⵙⵉⵣⴻⵡⵔⴻⵏⵜ 8 ⵏ ⵜⴻⵖⵍⴰⵎⵉⵏ. ⴷⴻⴳ ⵜⴳⴰⵔⴰ ⵏ ⵜⵙⴻⵎⵀⵓⵢⵜ (ⵎⴰⵡⵙⵉⵎ), 3 ⵏ ⵜⴻⵖⵍⴰⵎⵉⵏ ⵜⵉⵏⴻⴳⴳⵓⵔⴰ ⵏ ⵓⵎⵙⵉⵣⵡⴻⵔ ⵏ « ⵓⴼⴰⵣⵉ » ⴰⴷ ⴰⴷⵔⴻⵏⵜ ⵖⴻⵔ « ⵜⵖⴻⵍⵏⴰⵡⵜ ⵜⴰⵎⴻⵣⵡⴰⵔⵓⵜ », ⵎⴰ ⴷ 3 ⵏ ⵜⴻⵖⵍⴰⵎⵉⵏ ⵜⵉⵎⴻⵣⵡⵓⵔⴰ ⵏ ⵜⵖⴻⵍⵏⴰⵡⵜ ⵜⴰⵎⴻⵣⵡⴰⵔⵓⵜ ⴰⴷ ⴰⵍⵉⵏⵜ ⵖⴻⵔ ⵜⴻⵍⵖⵓⵖⴰ ⵏ « ⵓⴼⴰⵣⵉ ».

ⵓⵍⴰ ⵎⴰ ⵓⵔ ⴷ-ⴼⴽⵉⵏ ⴰⵔⴰ ⴰⵣⴻⵎⵣ (ⵜⴰⵔⵉⵅ) ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵍⵖⵓⵖⴰ, ⵎⴰⵛⴰ ⵜⵅⴻⴱⴱⴻⵔ-ⴷ ⵜⴼⵉⴷⵉⵕⴰⵍⵉⵜ ⴷ ⴰⴽⴽⴻⵏ ⴰⵙⵙ-ⵏⵏⵉ ⴰⴷ ⵜⴻⵎⵇⴰⴱⴰⵍ ⵜⴻⵖⵍⴰⵎⵜ ⵏ ⵀⴱⵛ ⵍⴻⴱⵢⴰⵔ ⴷ ⵏⵔⴼⵛ ⵇⵙⴻⵏⵟⵉⵏⴰ, ⵎⴰ ⴷ ⴰⵎⵙⴻⴳⵔⴰ ⴰⵏⴰⴷⴷⴰⵍ ⵏ ⵢⵉⵒⵉⵜⵕⵓⵍⵉⵢⴻⵏ ⴰⴷ ⵢⴻⴷⴷⵓ ⵖⴻⵔ ⵡⴻⵀⵕⴰⵏ ⴰⴽⴽⴻⵏ ⴰⴷ ⵢⵓⵔⴰⵔ ⵎⴳⴰⵍ ⵀⴱⵛ ⴳⴷⴻⵢⵢⴻⵍ.

ⵙⵏⴰⵜ ⵏ ⵜⴻⵖⵍⴰⵎⵉⵏ ⵏ ⵜⵎⴰⵏⴻⵖⵜ, ⵀⴱⵛ ⵍⴻⴱⵢⴰⵔ ⴷ ⵓⵎⵙⴻⴳⵔⴰⵡ ⴰⵏⴰⴷⴷⴰⵍ ⵏ ⵢⵉⵒⵉⵜⵕⵓⵍⵉⵢⴻⵏ ⵓⵔ ⵜⵜⴻⵎⵇⴰⴱⴰⵍⴻⵏⵜ ⴰⵔⴰ ⴰⵔⵎⴰ ⴷ ⴰⵙⵙ ⵡⵉⵙ 9 ⵏ ⵜⵡⴰⴷⴷⴰ (ⵕⵕⵡⴰⵃ) ⴷⴻⴳ ⵓⵏⵔⴰⵔ ⵏ ⵍⴻⴱⵢⴰⵔ, ⵎⴰ ⴷ ⵜⵉⵎⵍⵉⵍⵉⵜ-ⵏⵙⴻⵏⵜ ⵏ ⵡⵓⵖⴰⵍ ⴰⴷ ⴷ-ⵜⵉⵍⵉ ⴷⴻⴳ ⵡⴰⵙⵙ ⵡⵉⵙ 18 ⵏ ⵜⴻⵍⵖⵓⵖⴰ ⵢⴻⵔⵏⴰ ⵢⴻⵣⵎⴻⵔ ⵍⵃⴰⵍ ⴷ ⵢⵉⵡⴻⵜ ⵙⴻⴳ-ⵙⴻⵏⵜ ⴰⴷ ⵉⵔⴻⴱⵃⴻⵏ ⵜⴰⵍⵖⵓⵖⴰ-ⴰ.

ⴰⵀⵉⵍ ⵏ ⵡⴰⵙⵙ ⴰⵎⴻⵣⵡⴰⵔⵓ:

ⵏⵔⴼ ⵇⵙⴻⵏⵟⵉⵏⴰ - ⵀⴱⵛ ⵍⴻⴱⵢⴰⵔ

ⵀⴱⵛ ⴳⴷⴻⵢⵢⴻⵍ - ⴰⵎⵙⴻⴳⵔⴰⵡ ⴰⵏⴰⴷⴷⴰⵍ ⵏ ⵢⵉⵒⵉⵜⵕⵓⵍⵉⵢⴻⵏ

ⴼⵙ ⵇⵙⴻⵏⵟⵉⵏⴰ - ⵀⵛ ⵎⵉⵍⴰ

ⵔⵉⵊ ⵍⴻⵣⵣⴰⵢⴻⵔ - ⵀⴱⵛⴼ ⴰⵔⵣⴻⵡ

ⵀⵀⴱ ⵙⵙⵄⵉⴷⴰ - ⴻⵙⴼⵧⵔ ⵜⵓⴳⴳⵓⵔⵜ .