Asebter amenzawi

Talɣuɣa n Tcirt n Ufus n tlawin: yettwaheyya-d wahil n temliliyin

LEZZAYER TAMANEɣT – Tessuffeɣ-d Tfidiṛalit Tadzayrit n Tcirt n Ufus ass n ttlata ahil ummid n telɣuɣa n « Ufazi » n tlawin n 2015-2016, 10 n wussan deffir ma teqbel tfidiṛalit deg yiwet n temlilit amsizwer gar 10 n teɣlamin (firaq).

Ṣṣenf-a amaynu n umsizwer ad d-tili deg-s daɣ tegrawt tamazdart (Taɣelnawt 1ut) aydeg ad msizewrent 8 n teɣlamin. Deg tgara n tsemhuyt (mawsim), 3 n teɣlamin tineggura n umsizwer n « Ufazi » ad adrent ɣer « Tɣelnawt Tamezwarut », ma d 3 n teɣlamin timezwura n Tɣelnawt Tamezwarut ad alint ɣer telɣuɣa n « Ufazi ».

Ula ma ur d-fkin ara azemz (tarix) n wass amezwaru n telɣuɣa, maca txebber-d Tfidiṛalit d akken ass-nni ad temqabal teɣlamt n HBC Lebyar d NRFC Qsenṭina, ma d Amsegra Anaddal n Yipitṛuliyen ad yeddu ɣer Wehṛan akken ad yurar mgal HBC Gdeyyel.

Snat n teɣlamin n tmaneɣt, HBC Lebyar d Umsegraw Anaddal n Yipitṛuliyen ur ttemqabalent ara arma d ass wis 9 n twadda (ṛṛwaḥ) deg unrar n Lebyar, ma d timlilit-nsent n wuɣal ad d-tili deg wass wis 18 n telɣuɣa yerna yezmer lḥal d yiwet seg-sent ad irebḥen talɣuɣa-a.

Ahil n wass amezwaru:

NRF Qsenṭina - HBC Lebyar

HBC Gdeyyel - Amsegraw Anaddal n Yipitṛuliyen

FS Qsenṭina - HC Mila

RIJ Lezzayer - HBCF Arzew

HHB Ssɛida - ESFOR Tuggurt .