ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵙⵉⵎⴰⵍ ⵍⴰ ⵉⵔⴻⵏⵏⵓ ⵓⵄⵣⴰⵍ ⵏ ⵎⴻⵕⵕⵓⴽ ⴷⴻⴳ ⵓⵎⴰⴹⴰⵍ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⵎⴻⵕⵕⵓⴽ ⵙⵉⵎⴰⵍ ⵍⴰ ⵜⵔⴻⵏⵏⵓ « ⵜⴻⵜⵜⵡⴰⵄⵣⴰⵍ » ⴷⴻⴳ ⵓⵏⵔⴰⵔ ⴰⴷⵉⵒⵍⵓⵎⴰⵜⵉ ⴰⴳⵔⴰⵖⵍⴰⵏ, ⵍⴰⴷⵖⴰ ⴷⴻⴼⴼⵉⵔ ⵜⴻⵎⵍⵉⵍⵉⵜ-ⵏⵏⵉ ⵏ ⵜⵔⵉⵔⵉⵜ ⵏ ⵍⴻⵅⴱⴰⵔ ⴰⵢ ⵉⴳⴰ ⵓⵎⴰⵣⵓⵏ ⵓⴷⵎⴰⵡⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ.
« ⵙⵉⵎⴰⵍ ⵍⴰ ⵜⵔⴻⵏⵏⵓ ⵜⴻⵜⵜⵡⴰⵄⵣⴰⵍ ⵎⴻⵕⵕⵓⴽ ⴷⴻⴳ ⵓⵏⵔⴰⵔ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍⴰⵣⵉⵣ ⵎⵉ ⵜⴼⵓⴽ ⵜⴼⵓⴳⵍⴰ-ⵏⵏⵉ ⴰⵢⴷⴻⴳ ⴰⵢ ⴰⵙ-ⵜⴻⵔⵔⴰ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⴰⵊⵎⵉⵍⵜ ⵖⴻⴼ ⵡⴰⵔⵔⴰⵣ-ⵏⵏⵉ ⴰⵢ ⵢⴻⵡⵡⵉ ⵖⴻⴼ ⵢⵉⵎⴻⵏⵖⵉ-ⵏⵏⴻⵙ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ.
« ⵏⴳⴻⵔ ⵜⴰⵎⴰⵡⵜ ⵙⵉⵎⴰⵍ ⵍⴰ ⵉⵔⴻⵏⵏⵓ ⵓⵄⵣⴰⵍ ⵏ ⵎⴻⵕⵕⵓⴽ, ⵍⴰⴷⵖⴰ ⴷⴻⴼⴼⵉⵔ ⵜⴻⵎⵍⵉⵍⵉⵜ-ⵏⵏⵉ ⵏ ⵜⵔⵉⵔⵉⵜ ⵏ ⵍⴻⵅⴱⴰⵔ ⴰⵢ ⵉⴳⴰ ⵎⴰⵙⵙ ⵔⵧⵙⵙ ⵙⴷⴰⵜ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵔⵣⵉ-ⵏⵏⴻⵙ ⵖⴻⴼ ⵜⴻⵎⵏⴰⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍⴰⵣⵉⵣ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⵎⴰⵛⵉ ⴷ ⴰⵢⴻⵏ ⵢⴻⵜⵜⵡⴰⵇⴱⴰⵍⴻⵏ » ⵉⵎⵉ ⴰⵢ ⵎⴰⵣⴰⵍ ⵜⵓⴳⵉ ⵎⴻⵕⵕⵓⴽ ⴰⴷ ⵢⴻⵔⵣⵓ ⵓⵎⴰⵣⵓⵏ ⵓⴷⵎⴰⵡⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵙⵙ ⵔⵧⵙⵙ, ⵖⴻⴼ ⵢⵉⴽⴰⵍⴻ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ.
« ⴰⵢⴰ ⵢⴻⴼⴼⴻⵖ ⵉ ⵍⵇⴰⵏⵓⵏ, ⵓⵔ ⵢⴻⵜⵜⵡⴰⵇⴱⴰⵍ ⵢⴻⵔⵏⴰ ⵉⵅⵓⵍⴻⴼ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍⴰⵣⵉⵣ ⵖⴻⴼ ⵡⴰⵢⴻⵏ ⴰⵢ ⴷ-ⵏⵏⴰⵏ ⵢⵉⵎⴹⴻⴱⴱⵔⴻⵏ ⵉⵎⴻⵕⵕⵓⴽⵉⵢⴻⵏ ⴰⵢ ⵢⴻⴱⵖⴰⵏ ⴰⴷ ⵔⴻⴳⵍⴻⵏ ⴰⴱⵔⵉⴷ ⵉ ⵎⴰⵙⵙ ⵔⵧⵙⵙ ⴷⴻⴳ ⵓⵅⴻⴷⴷⵉⵎ-ⵏⵏⴻⵙ ⴰⴽⴽⴻⵏ ⴰⴷ ⵢⴻⴼⵔⵓ ⵉ ⵍⴻⴱⴷⴰ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⵢ ⵜⴻⴹⴹⴻⴼ ⵎⴻⵕⵕⵓⴽ ⵙⴻⴳ 1975 ⵙ ⵜⴻⴷⵀⴻⵍⵜ (ⴷⴰⵄⵎ) ⵏ ⴼⵕⴰⵏⵙⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵔⵣⵉ ⴰⴷ ⵢⴻⴳ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⴷⴻⴳ ⵢⴻⵏⵏⴰⵢⴻⵔ ⵖⴻⴼ ⵜⴻⵎⵏⴰⴹⵜ-ⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⴰⵚⴻⵃⵔⴰⵡⵉ ⴷ ⴰⴽⴽⴻⵏ ⴰⵢⴰ ⴰⴷ ⵢⴻⵔⵏⵓ ⵍⵃⴻⵕⵙ ⵖⴻⴼ ⵓⵏⴰⴱⴰⴹ (ⵃⵓⴽⵓⵎⴰ) ⴰⵎⴻⵕⵕⵓⴽⵉ ⵢⴻⵔⵏⴰ ⵢⴻⵣⵎⴻⵔ ⴰⴷ ⵜ-ⵉⵃⴻⵜⵜⴻⵎ ⴰⴷ ⵢⴻⵇⴱⴻⵍ ⴰⴽⴰⵍⴰ (ⵎⴰⵙⴰⵔ) ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵍⵍⴰⵏ ⴷ ⵜⴰⵀⵔⴻⵙⵜ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴼⵔⵉⵇⵜ.
