Asebter amenzawi

Asarag n Ṛuma yella-d d tagnit i uwekked n ubdad ɣer yidis n Yilibiyen

LEZZAYER TAMANEɣT – Asarag agraɣlan ɣef Libya ay d-yellan ass n lḥedd deg Ṛuma yella-d d tagnit s wazal-nnes i uwekked n « ubdad uǧhid » n umɣiwan (muǧtamaɛ) agraɣlan ɣer yidis n tmurt-a ay la iɛerrḍen ad tefru taluft-nnes tasertit d tɣellisant s unadi n tifrat n talwit, ɣef wakken ay d-yenna ass n letniyen uɣlif adzayri n tɣasiwin n uzɣar deg yiwen n ulɣu (bayan) ay aɣ-d-yewwḍen.

« Iswi n umyager-a netta d asskan n ubdad uǧhid n umɣiwan agraɣkan ɣer yidis n tifrat tasertit i taluft n Libya d ukala (masar) n umciweṛ aserti yellan ddaw ṛṛay n Yiɣlanen Yeddukklen gar yidisan ilibiyen akken ad frun i lebda taluft n tmurt-a », ɣef wakken ay d-nnan deg ulɣu-nni ay d-yessuffeɣ uɣlif deg tgara n usarag-nni.

Dɣa yesmekti-d Mass Messahel, i lmend n tinawt-nnes addud n Lezzayer « ur yettbeddilen » i lmend n ferru n taluft-a s tsertit « s uqader n yimenzayen n tnaya (siyada), argal n ubrid i tgermant tabeṛṛanit d uqader n tummda n wakal d tdukli taɣelnawt n Libya d umsefham gar warraw n uɣref-nnes, yerna aya yessefk ad yessiweḍ s tɣawla ɣer ussebded n unabaḍ (ḥukuma) n tdukli taɣelnawt ad yesɛun Ṭrables d tamaneɣt-nnes » akken ad yeččaṛ yilem-nni aserti deg Libya.

Ifuṛes daɣ uneɣlaf tagnit-a akken ad iɛawed ad d-iwekked d akken Ilibiyen sɛan tizemmar d teɣbula (mawarid) ama seg yidis n ttawil neɣ n yimdanen, akken ad frun taluft-nsen i lebda, d acu kan yessefk ad d-yili waya war ma iger-d kra n yidis abeṛṛani iman-nnes deg tɣawsiwin-nsen yerna yiwen ur asen-d-yettḥettim abrid ad ḍefren.

Dɣa i lmend n waya ay d-iger tiɣri i wakk Ilibiyen akken ad rren tifrat-a tasertit d ayla-nsen, yerna ad d-lhun s uzekka-nsen war ma gren-d deg leḥsab timsal ayɣef mgerraden akken ad fken azal i nnfeɛ n uɣref alibi uqbel akk ayen niḍen yerna « ad ddren deg talwit, deg tɣellist d urkad ».