ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴼⵔⵉⵇⵜ ⵜⴻⵣⵎⴻⵔ ⴰⴷ ⴷ-ⵜⴻⵜⵜⴻⴽⴽⵉ ⴷⴻⴳ ⵓⵙⵙⴻⵄⵊⴻⵍ ⵏ ⵜⵉⴼⵔⴰⵜ ⴷⴻⴳ ⵍⵉⴱⵢⴰ (ⵛⵀⴻⵔⴳⵓⵉ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵢⵉⵎⵡⴻⴽⴽⴻⵍ ⵉ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵙⵎⴰⵉⵍ ⵛⵀⴻⵔⴳⵓⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⵜⴰⴼⵔⵉⵇⵜ « ⵜⴻⵣⵎⴻⵔ ⴰⴷ ⴷ-ⵜⴻⵜⵜⴻⴽⴽⵉ ⵙ ⵡⴰⵟⴰⵙ ⴷⴻⴳ ⵓⵙⵙⴻⵄⵊⴻⵍ » ⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴷⴻⴳ ⵜⴰⵍⵓⴼⵜ ⴰⵢ ⵉⵛⴻⵡⵡⵍⴻⵏ ⵍⵉⴱⵢⴰ ⵙⴻⴳ ⵜⴳⴰⵔⴰ ⵏ 2011.
« ⵜⵜⵡⴰⵍⵉⵖ ⴷ ⴰⴽⴽⴻⵏ ⵜⴰⴼⵔⵉⵇⵜ ⵜⴻⵣⵎⴻⵔ ⴰⴷ ⴷ-ⵜⴻⵜⵜⴻⴽⴽⵉ ⵙ ⵡⴰⵟⴰⵙ ⴷⴻⴳ ⵓⵙⵙⴻǰⴻⵍ ⵏ ⵜⵉⴼⵔⴰⵜ » ⵏ ⵜⴰⵍⵓⴼⵜ ⵜⴰⵍⵉⴱⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵛⵀⴻⵔⴳⵓⵉ ⵢⴻⵍⵍⴰⵏ ⴷ ⵉⵏⴻⴱⴳⵉ ⴷⴻⴳ ⵜⴻⵔⴳⴰ ⵜⵉⵙ 3 ⵏ ⵕⵕⴰⴷⵢⵓ ⵏ ⵍⴻⵣⵣⴰⵢⴻⵔ.
« ⵍⵉⴱⵢⴰ ⴰⵜⵜⴰⵏ, ⴰⵙⵙ-ⴰ, ⴷ ⵜⴰⵎⵓⵔⵜ ⴰⵏⴷⴰ ⴰⵢ ⵢⴻⵙⵙⴻⴼⴽ ⴰⴷ ⴷⴷⵓⴽⴽⵍⴻⵏ ⴰⴽⴽ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⵢⵉⵍⵉ ⵓⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⵉ ⴳⴰⵔ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵅⴻⴷⵎⴻⵏ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵢⵉⴳⴻⵏ (ⴵⴰⵢⵛ) ⴰⵖⴻⵍⵏⴰⵡ ⵢⴻⵔⵏⴰ ⴰⴷ ⴼⵔⵓⵏ ⵙ ⵜⵉⴷⴻⵜ ⵜⴰⵎⵙⴰⵍⵜ ⵏ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴷⵉⵒⵍⵓⵎⴰⵜⵉ-ⴰ ⴰⴷⵣⴰⵢⵔⵉ.
ⵢⴻⴱⴷⴻⵔ-ⴷ ⴷⴰⵖ ⵎⴰⵙⵙ ⵛⵀⴻⵔⴳⵓⵉ ⴷⴰⵖ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⵄⴻⵢⵢⴻⵏ-ⴷ ⴷ ⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⴷ-ⵜⵉⵍⵉ ⵜⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⴰⵙⴻⵔⴷⴰⵙⵉⵜ ⴷⴻⴳ ⵍⵉⴱⵢⴰ ⴰⵛⴽⵓ ⵎⴰ ⵢⴻⵍⵍⴰ-ⴷ ⵡⴰⵢⴰ, ⵢⴻⵣⵎⴻⵔ ⴰⴷ ⴷ-ⵢⴻⴳⵍⵓ ⵙ ⵢⵉⵅⴻⵚⵚⴰⵔⴻⵏ ⵖⴻⴼ ⵜⴻⵎⵏⴰⴹⵜ-ⴰ.
ⵜⴰⵙⵏⴰⴳⵜ (ⵃⵉⴽⵎⴰ) ⴰⵢ ⵢⴻⵙⵎⴻⵏⵢⴰⴼⴻⵏ « ⵜⵉⴼⵔⴰⵜ ⵜⴰⵙⴻⵔⵜⵉⵜ ⵖⴻⴼ ⵜⵉⴳⴰⵡⵜ ⵜⵉⵎⵙⴻⵍⵍⴻⵃⵜ ⴷⴻⴳ ⵍⵉⴱⵢⴰ ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵜⴻⵜⵜⵡⴰⵡⴻⴽⴽⴻⴷ ⴰⵛⴽⵓ ⵜⵉⴼⵔⴰⵜ ⵜⵉⵎⵙⴻⵍⵍⴻⵃⵜ ⴰⵙⵙ-ⴰ ⴷⴻⴳ ⵍⵉⴱⵢⴰ ⴰⴷ ⵜⴻⵔⵏⵓ ⴽⴰⵏ ⴰⴷ ⵜⴻⵔⵡⵉ ⵜⴰⴳⵏⵉⵜ ⵢⴻⵔⵏⴰ ⴰⴷ ⵜⴻⵔⵏⵓ ⴰⴷ ⵜⴻⵙⵙⴻⴱⵄⴻⴷ ⵓⴳⴰⵔ ⵉⵙⵡⵉ-ⵏⵏⵉ ⵏ ⵓⵎⵙⵓⵖⴰⵍ ⴳⴰⵔ ⵡⴰⵢⵜⵎⴰⵜⴻⵏ-ⵏⵏⴻⵖ ⵉⵍⵉⴱⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵄⴻⵢⵢⴻⵏ.
ⵍⵉⴱⵢⴰ ⵜⴻⵣⴷⴻⵔ ⴷⴻⴳ ⵓⵔⵡⴰⵢ ⵙⴻⴳ ⵡⴰⵙⵎⵉ ⴰⵢ ⵢⴻⵖⵍⵉ ⵓⵏⵀⵉⵍ (ⵏⵉⴹⴰⵎ) ⴰⵇⴱⵓⵔ ⵏ ⵎⴰⴰⵎⴰⵔ ⴻⵍ-ⴳⵓⴻⴷⴷⴰⴼⵉ ⴷⴻⴳ ⵜⴳⴰⵔⴰ ⵏ 2011, ⵢⴻⵔⵏⴰ ⴰⵙⵙ-ⴰ ⵜⴰⵎⵓⵔⵜ-ⴰ ⵜⴻⵙⵄⴰ ⵙⵉⵏ ⵏ ⵢⵉⴷⵓⴱⴰ ⵉⵙⴻⵔⵜⵉⵢⴻⵏ ⴰⵢ ⵍⴰ ⵢⴻⵜⵜⵏⴰⵖⴻⵏ ⵖⴻⴼ ⵍⴻⵃⴽⴻⵎ. ⵢⵉⵡⴻⵏ ⵙⴻⴳ-ⵙⴻⵏ ⴰⵜⴰⵏ ⴷⴻⴳ ⵟⵔⴰⴱⵍⴻⵙ, ⵎⴰ ⴷ ⵡⴰⵢⴻⴹ (ⵡⵉⵏ ⴰⵢⵢⴻⵙ ⵙⵜⴻⵄⵕⴼⴻⵏ ⵍⴻⴵⵏⴰⵙ) ⴰⵜⴰⵏ ⴷⴻⴳ ⵟⵓⴱⵔⵓⵇ, ⴷⴻⴳ ⵓⴳⵎⵓⴹ ⵏ ⵜⵎⵓⵔⵜ.
