ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⵔⵙ ⴱⴻⴷⵧⵓⵉ ⵜⴰⵎⴻⵇⵇⵓⵏⵜ ⵏ ⵢⵉⵊⴻⴵⴵⵉⴳⴻⵏ ⴷ ⵜⴰⵊⵎⵉⵍⵜ ⵉ ⵡⵉⴷ ⵢⴻⵎⵎⵓⵜⴻⵏ ⴷⴻⴳ ⵜⵓⴱⴻⵕ ⵏ 1961
ⵒⴰⵔⵉⵙ – ⵢⴻⵙⵙⴻⵔⵙ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵙⴰⵉⵏⵜ-ⴷⴻⵏⵉⵙ, ⵜⴰⵎⴻⵇⵇⵓⵏⵜ ⵏ ⵢⵉⵊⴻⴵⴵⵉⴳⴻⵏ ⴷ ⵜⴰⵊⵎⵉⵍⵜ ⵉ ⵢⵉⴷⵣⴰⵢⵔⵉⵢⴻⵏ ⵢⴻⵎⵎⵓⵜⴻⵏ ⴷⴻⴳ ⵜⵏⴻⴳⵣⴰⵔⵉⵏ (ⵎⴰⴵⴰⵣⵉⵔ) ⵏ 17 ⵜⵓⴱⴻⵕ 1961 ⵏ ⵒⴰⵔⵉⵙ ⴷ ⵜⴻⵎⵏⴰⴹⵜ-ⵏⵏⴻⵙ.
ⵎⴰⵙⵙ ⴱⴻⴷⵧⵓⵉ ⵢⴻⴱⴷⴻⴷ ⵜⴰⴷⵇⵉⵇⵜ ⵏ ⵜⵙⵓⵙⵎⵉ ⵙⴷⴰⵜ ⵜⵎⴻⵏⵣⵉⵜ (ⵏⴰⵚⴱ ⵜⵉⴷⴽⴰⵔⵉ) ⵏ ⴼⴰⵜⵉⵎⴰ ⴱⴻⴷⴰⵔ, ⴷⴻⴳ ⴱⵧⴱⵉⴳⵏⵢ, ⴷ ⵜⴰⵎⴻⵟⵟⵓⵜ ⴰⵢ ⵢⴻⵜⵜⵡⴻⵏⵖⴻⵏ ⴷⴻⴳ ⵜⵏⴻⴳⵣⴰⵔⵉⵏ-ⵏⵏⵉ ⵜⵓⵇⵔⵉⵃⵉⵏ ⴰⵢ ⴷ-ⵢⴻⵍⵍⴰⵏ ⴽⵔⴰ ⴽⴰⵏ ⵏ ⵡⴰⵢⵢⵓⵔⴻⵏ ⵓⵇⴱⴻⵍ ⵓⵣⴰⵔⵓⴳ (ⵉⵙⵜⵉⵇⵍⴰⵍ) ⵏ ⵍⴻⵣⵣⴰⵢⴻⵔ.
ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⴼⵕⴻⵏⵙⵉⵙⴻⵏ ⵏⵏⴰⵏ-ⴷ ⴷ ⴰⴽⴽⴻⵏ ⵜⴰⴷⵢⴰⵏⵜ-ⴰ ⴷ « ⵢⵉⵡⴻⵜ ⵙⴻⴳ ⵜⵏⴻⴳⵣⴰⵔⵉⵏ ⵜⵉⵎⴻⵇⵔⴰⵏⵉⵏ ⴰⴽⴽ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵢⵉⵎⴷⴰⵏⴻⵏ ⵏ ⵎⴻⵏⵡⴰⵍⴰ ⴷⴻⴳ ⵓⵎⴻⵣⵔⵓⵢ ⴰⵎⵉⵔⴰⵏ ⵏ ⵜⵓⵕⵓⴼⵜ ».
ⴷ ⵜⵉⵎⴻⵔⵡⵉⵏ ⵏ ⵢⵉⴳⵉⵎⴰⵏ (ⴰⵍⴰⴼ) ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵎⴻⵙⴱⴰⵏⵉⵢⵉⵏ ⵜⵉⵎⴻⵍⵡⵉⵢⵉⵏ ⵎⴳⴰⵍ ⴰⴳⴷⴰⵍ ⵏ ⵜⵓⴼⴼⵖⴰ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⵖⴻⴼ ⵍⴵⴰⵍ-ⵏⵙⴻⵏ ⵙⴻⴳ ⵡⴰⵙⵙ ⵏ 5 ⵜⵓⴱⴻⵕ 1961 ⴷ ⵓⵎⵃⴰⵇ ⴰⵢ ⵜⴻⵏ-ⵢⴻⵎⵃⴻⵇ ⵢⵉⵎⴹⴻⴱⴱⴻⵔ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏ ⵙⴻⵉⵏⴻ, ⵎⴰⵓⵔⵉⵛⴻ ⵒⴰⵒⵧⵏ. ⵎⴰⵛⴰ ⵜⴰⵎⴻⵙⴱⴰⵏⵉⵜ-ⴰ ⵜⴼⵓⴽ ⵙ ⵜⵏⴻⴳⵣⴰⵔⵜ ⴰⵢⴷⴻⴳ ⴷ ⵉⴳⵉⵎⴰⵏ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⵡⴻⵏⵖⴻⵏ ⵢⴻⵔⵏⴰ ⴽⵔⴰ ⵙⴻⴳ-ⵙⴻⵏ ⵜⵜⵡⴰⴹⴻⵢⵢⵔⴻⵏ ⵖⴻⵔ ⵡⴰⵙⵉⴼ ⵏ ⵙⴻⵉⵏⴻ.
ⴷⴻⴳ ⵜⴼⵓⴳⵍⴰ-ⴰ, ⵢⴻⵃⴷⴻⵕ ⴳⵎⴰ-ⵙ ⵏ ⵜⵎⴻⵕⵃⵓⵎⵜ-ⵏⵏⵉ ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⴷ ⵉⵙⴻⵖ ⴰⵎⴻⵇⵔⴰⵏ ⵉ ⵏⴻⴽⴽⵏⵉ ⴰⴽⴽ ⵉⵎⵉ ⴰⵢ ⵏⴻⵎⵎⵓⴳⴻⵔ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⴰⵏⴻⵖⵍⴰⴼ ⵜⴻⴳⴷⵓⴷⴰ ⵜⴰⴷⵣⴰⵢⵔⵉⵜ ⴰⵢ ⴷ-ⵢⵓⵙⴰⵏ ⴰⴷ ⵢⴻⵙⵙⵉⵡⴻⴹ ⵕⵕⴻⵃⵎⴰ ⵉ ⴼⴰⵜⵉⵎⴰ ⴱⴻⴷⴰⵔ ⴷⴻⴳ ⵡⵓⵔⵜⵉ-ⴰ ⴰⵢ ⵜⴻⵇⴱⴻⵍ ⵜⵖⵉⵡⴰⵏⵜ, ⴰⵙⵙ ⵏ 17 ⵜⵓⴱⴻⵕ, ⴰⴷ ⴰⵙ-ⵜⴻⴼⴽ ⵉⵙⴻⵎ ⵏ ⵜⵎⴻⵕⵃⵓⵎⵜ ».
« ⵜⴰ ⴷ ⵜⵉⴳⴰⵡⵜ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⵙⵖⵓⵔ ⵓⵏⴰⴱⴰⴹ (ⵃⵓⴽⵓⵎⴰ) ⴰⴷⵣⴰⵢⵔⵉ ⴷ ⵜⵖⵉⵡⴰⵏⵜ ⵏ ⵙⴰⵉⵏⵜ-ⴷⴻⵏⵉⵙ ⴰⵢ ⵉⵇⴻⴱⵍⴻⵏ ⴰⴷ ⵜⴻⵔⵔ ⵜⴰⵊⵎⵉⵍⵜ ⵉ ⵡⴻⵍⵜⵎⴰ ⴷ ⵡⴰⴽⴽ ⵡⵉⴷ ⴰⵢ ⵢⴻⵖⵍⵉⵏ ⴷⴻⴳ ⵜⵓⴱⴻⵕ ⵏ 1961 ⴷⴻⴳ ⵒⴰⵔⵉⵙ ⴷ ⵜⴻⵎⵏⴰⴹⵜ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
