Asebter amenzawi

« Ṛṛadyu tuffirt » tella-d d tamɛiwent n Tegrawla taɣelnawt

LEBLIDA - Ṛṛadyu tuffirt n Tegrawla, « Taɣect n Ldzayer Tilellit », turar dduṛ s wazal-nnes, deg ṭṭrad n uslelli aɣelnaw, yerna tella-d d tamɛiwent ur yezmir yiwen ad yenkeṛ deg yimenɣi ɣef Ldzayer, ɣef wakken ay d-wekkden ass n laṛebɛa deg Leblida yimttekkiyen n wass n tezrawin ɣef « Tugna n ṭṭrad n uslelli aɣelnaw deg ttawilat n yiselan ».

« Ṛṛadyu tuffirt tella-d d tamɛiwent tameqrant i ṭṭrad n uslelli aɣelnaw, ula ma tella deg lḥeṛs d ameqran, imi iduba (suluṭat) ifṛensisen llan rewwin-as timdeswalin-nnes (mawǧat) am wakken ay llan kkaten imukan ayseg d-tseggel », ɣef wakken ay d-yenna Uduktur Amar Abderahmane n tesdawit n Ldzayer deg umyager-a ay d-yellan deg tesdawit n Ali Lounici n Lɛefṛun.

Dɣa iwekked-d, i lmend n waya, dduṛ ameqran ay turar ṛṛadyu tuffirt deg usserbeḥ n tegrawla timselleḥt turbiṭ, d uttekki-nnes deg ussebges (taǧnid) n uɣref d yimjahden, am wakken ay tessaweḍ taɣect n tegrawla tadzayrit ɣer uzɣar.

Aṭas n yinelmaden n ugezdu n usselɣu (iɛlam) d teɣwalt (ittiṣal) n tesdawit n Lɛefṛun ay iḥedṛen deg umyager-a ay d-yellan i usfugel n umulli wis 59 n ussebded n ṛṛadyu tuffirt n « Taɣect n Ldzayer Tilellit ».

Apṛufisur Medini Bachir iwekked-d, deg usarag-nnes, ɣef « lateṛ ameqran ayyes d-tegla taɣect n Aissa Messaoudi ɣef yimsefliden d uttekki-nnes deg usseǧhed n uɛewwel n yiserdasen n Yigen (ǧayc) n Uslelli Aɣelnaw d uɣref adzayri s umata ».

Dɣa yesmekti-d, i lmend n waya, ayen ay d-yenna uselway ameṛḥum Houari Boumediene fell-as: « taɣect n Aissa Messaoudi d azgen seg Tegrawla Tadzayrit ».