ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
« ⵕⵕⴰⴷⵢⵓ ⵜⵓⴼⴼⵉⵔⵜ » ⵜⴻⵍⵍⴰ-ⴷ ⴷ ⵜⴰⵎⵄⵉⵡⴻⵏⵜ ⵏ ⵜⴻⴳⵔⴰⵡⵍⴰ ⵜⴰⵖⴻⵍⵏⴰⵡⵜ
ⵍⴻⴱⵍⵉⴷⴰ - ⵕⵕⴰⴷⵢⵓ ⵜⵓⴼⴼⵉⵔⵜ ⵏ ⵜⴻⴳⵔⴰⵡⵍⴰ, « ⵜⴰⵖⴻⵛⵜ ⵏ ⵍⴷⵣⴰⵢⴻⵔ ⵜⵉⵍⴻⵍⵍⵉⵜ », ⵜⵓⵔⴰⵔ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ, ⴷⴻⴳ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵢⴻⵔⵏⴰ ⵜⴻⵍⵍⴰ-ⴷ ⴷ ⵜⴰⵎⵄⵉⵡⴻⵏⵜ ⵓⵔ ⵢⴻⵣⵎⵉⵔ ⵢⵉⵡⴻⵏ ⴰⴷ ⵢⴻⵏⴽⴻⵕ ⴷⴻⴳ ⵢⵉⵎⴻⵏⵖⵉ ⵖⴻⴼ ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⴱⵍⵉⴷⴰ ⵢⵉⵎⵜⵜⴻⴽⴽⵉⵢⴻⵏ ⵏ ⵡⴰⵙⵙ ⵏ ⵜⴻⵣⵔⴰⵡⵉⵏ ⵖⴻⴼ « ⵜⵓⴳⵏⴰ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴻⵍⴰⵏ ».
« ⵕⵕⴰⴷⵢⵓ ⵜⵓⴼⴼⵉⵔⵜ ⵜⴻⵍⵍⴰ-ⴷ ⴷ ⵜⴰⵎⵄⵉⵡⴻⵏⵜ ⵜⴰⵎⴻⵇⵔⴰⵏⵜ ⵉ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵓⵍⴰ ⵎⴰ ⵜⴻⵍⵍⴰ ⴷⴻⴳ ⵍⵃⴻⵕⵙ ⴷ ⴰⵎⴻⵇⵔⴰⵏ, ⵉⵎⵉ ⵉⴷⵓⴱⴰ (ⵙⵓⵍⵓⵟⴰⵜ) ⵉⴼⵕⴻⵏⵙⵉⵙⴻⵏ ⵍⵍⴰⵏ ⵔⴻⵡⵡⵉⵏ-ⴰⵙ ⵜⵉⵎⴷⴻⵙⵡⴰⵍⵉⵏ-ⵏⵏⴻⵙ (ⵎⴰⵡⴵⴰⵜ) ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴽⴽⴰⵜⴻⵏ ⵉⵎⵓⴽⴰⵏ ⴰⵢⵙⴻⴳ ⴷ-ⵜⵙⴻⴳⴳⴻⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴷⵓⴽⵜⵓⵔ ⴰⵎⴰⵔ ⴰⴱⴷⴻⵔⴰⵀⵎⴰⵏⴻ ⵏ ⵜⴻⵙⴷⴰⵡⵉⵜ ⵏ ⵍⴷⵣⴰⵢⴻⵔ ⴷⴻⴳ ⵓⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵙⴷⴰⵡⵉⵜ ⵏ ⴰⵍⵉ ⵍⵧⵓⵏⵉⵛⵉ ⵏ ⵍⵄⴻⴼⵕⵓⵏ.
ⴷⵖⴰ ⵉⵡⴻⴽⴽⴻⴷ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⴷⴷⵓⵕ ⴰⵎⴻⵇⵔⴰⵏ ⴰⵢ ⵜⵓⵔⴰⵔ ⵕⵕⴰⴷⵢⵓ ⵜⵓⴼⴼⵉⵔⵜ ⴷⴻⴳ ⵓⵙⵙⴻⵔⴱⴻⵃ ⵏ ⵜⴻⴳⵔⴰⵡⵍⴰ ⵜⵉⵎⵙⴻⵍⵍⴻⵃⵜ ⵜⵓⵔⴱⵉⵟ, ⴷ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⵙⵙⴻⴱⴳⴻⵙ (ⵜⴰⴵⵏⵉⴷ) ⵏ ⵓⵖⵔⴻⴼ ⴷ ⵢⵉⵎⵊⴰⵀⴷⴻⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⴰⵡⴻⴹ ⵜⴰⵖⴻⵛⵜ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵖⴻⵔ ⵓⵣⵖⴰⵔ.
ⴰⵟⴰⵙ ⵏ ⵢⵉⵏⴻⵍⵎⴰⴷⴻⵏ ⵏ ⵓⴳⴻⵣⴷⵓ ⵏ ⵓⵙⵙⴻⵍⵖⵓ (ⵉⵄⵍⴰⵎ) ⴷ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⵏ ⵜⴻⵙⴷⴰⵡⵉⵜ ⵏ ⵍⵄⴻⴼⵕⵓⵏ ⴰⵢ ⵉⵃⴻⴷⵕⴻⵏ ⴷⴻⴳ ⵓⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⵉ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 59 ⵏ ⵓⵙⵙⴻⴱⴷⴻⴷ ⵏ ⵕⵕⴰⴷⵢⵓ ⵜⵓⴼⴼⵉⵔⵜ ⵏ « ⵜⴰⵖⴻⵛⵜ ⵏ ⵍⴷⵣⴰⵢⴻⵔ ⵜⵉⵍⴻⵍⵍⵉⵜ ».
ⴰⵒⵕⵓⴼⵉⵙⵓⵔ ⵎⴻⴷⵉⵏⵉ ⴱⴰⵛⵀⵉⵔ ⵉⵡⴻⴽⴽⴻⴷ-ⴷ, ⴷⴻⴳ ⵓⵙⴰⵔⴰⴳ-ⵏⵏⴻⵙ, ⵖⴻⴼ « ⵍⴰⵜⴻⵕ ⴰⵎⴻⵇⵔⴰⵏ ⴰⵢⵢⴻⵙ ⴷ-ⵜⴻⴳⵍⴰ ⵜⴰⵖⴻⵛⵜ ⵏ ⴰⵉⵙⵙⴰ ⵎⴻⵙⵙⴰⵧⵓⴷⵉ ⵖⴻⴼ ⵢⵉⵎⵙⴻⴼⵍⵉⴷⴻⵏ ⴷ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⵙⵙⴻⴵⵀⴻⴷ ⵏ ⵓⵄⴻⵡⵡⴻⵍ ⵏ ⵢⵉⵙⴻⵔⴷⴰⵙⴻⵏ ⵏ ⵢⵉⴳⴻⵏ (ⴵⴰⵢⵛ) ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴷ ⵓⵖⵔⴻⴼ ⴰⴷⵣⴰⵢⵔⵉ ⵙ ⵓⵎⴰⵜⴰ ».
ⴷⵖⴰ ⵢⴻⵙⵎⴻⴽⵜⵉ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⴰⵢⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⵎⴻⵕⵃⵓⵎ ⵀⵧⵓⴰⵔⵉ ⴱⵧⵓⵎⴻⴷⵉⴻⵏⴻ ⴼⴻⵍⵍ-ⴰⵙ: « ⵜⴰⵖⴻⵛⵜ ⵏ ⴰⵉⵙⵙⴰ ⵎⴻⵙⵙⴰⵧⵓⴷⵉ ⴷ ⴰⵣⴳⴻⵏ ⵙⴻⴳ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ».
