ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵢⴻⵃⴱⴻⵙ ⵡⴰⴵⴰⵡ ⵏ 357 ⵏ ⵢⵉⵙⴰⴼⴰⵔⴻⵏ ⴰⵢ ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴼⴼⴻⵖ-ⴷ ⵢⵉⵡⴻⵏ ⵏ ⵍⵇⴰⵏⵓⵏ ⴰⵖⵍⵉⴼⴰⵏ ⴷⴻⴳ ⵓⵖⵎⵉⵙ ⵓⵏⵚⵉⴱ ⵡⵉⵙ 62 ⴰⵢⴷⴻⴳ ⴷ-ⴷⴷⴰⵏ ⵢⵉⵙⵎⴰⵡⴻⵏ ⵏ ⵢⵉⵙⴰⴼⴰⵔⴻⵏ ⴰⵢ ⴷ-ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵍⴻⵣⵣⴰⵢⴻⵔ ⵢⴻⵔⵏⴰ ⵢⴻⵜⵜⵡⴰⴳⴷⴻⵍ (ⵎⴰⵎⵏⵓⵄ) ⵡⴰⴵⴰⵡ-ⵏⵙⴻⵏ ⵙⴻⴳ ⵓⵣⵖⴰⵔ.

ⵓⵎⵓⵖ-ⴰ (ⵇⴰ’ⵉⵎⴰ) ⴷⴷⴰⵏ-ⴷ ⴷⴻⴳ-ⵙ 357 ⵏ ⵢⵉⵙⴰⴼⴰⵔⴻⵏ ⴰⵢⴷⴻⴳ ⵍⵍⴰⵏⵜ ⵜⵄⴻⵇⵇⴰⵛⵉⵏ, ⵉⵥⵎⴰ (ⵎⴰⵔⴰⵀⵉⵎ) ⴷ ⵢⵉⴼⵔⵉⵔⴻⵏ ⵏ ⵓⴳⵍⵉⵎ, ⵉⵙⴰⴼⴰⵔⴻⵏ ⵏ ⵜⵙⴻⴳⵏⴰⵜⵉⵏ, ⵜⵉⵛⴻⵎⵎⴰⵄⵉⵏ, ⵉⵥⵎⴰ ⵏ ⵜⵉⵟⵟⴰⵡⵉⵏ ⴷ ⵢⵉⵙⵉⵔⵓⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵍⵇⴰⵏⵓⵏ-ⴰ ⴰⵢ ⵢⴻⵙⵜⴻⵏⵢⴰ ⵓⵏⴻⵖⴰⴼ ⵏ ⵜⴷⴰⵡⵙⴰ (ⵚⵉⵃⵃⴰ).

ⵢⴻⴷⴷⴰ-ⴷ ⴷⴰⵖ ⴷⴻⴳ ⵍⵇⴰⵏⵓⵏ-ⴰ ⵡⵓⵎⵓⵖ ⵏ 11 ⵏ ⵜⵜⴰⵡⵉⵍⴰⵜ ⵏ ⵜⴻⵙⵏⴰⵊⵢⴰ (ⵟⵉⴱⴱ) ⴰⵢ ⴷ-ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵍⴻⵣⵣⴰⵢⴻⵔ ⵢⴻⵔⵏⴰ ⴰⴷ ⵓⵖⴰⵍⴻⵏ ⵓⵔ ⴷ-ⵜⵜⵡⴰⴵⴰⵡⴻⵏ ⴰⵔⴰ ⴰⵎ ⵜⵙⴻⴳⵏⴰⵜⵉⵏ, ⵜⴰⵣⵣⵏⵉⵏ ⴷ ⵡⵓⵜⵓⵍⴻⵏ ⴷ ⵓⴱⵉⴽⴰⵕⴱⵓⵏⴰⵜ ⵏ ⵓⵙⴻⵡⵡⴰⴷ ⵉ ⵓⵙⵙⵉⵣⴷⴻⴳ ⵏ ⵜⴻⴳⵥⴰⵍ.

ⵏⵏⵉⴳ ⵡⴰⵢⴰ, ⵍⵇⴰⵏⵓⵏ-ⴰ ⴰⵖⵍⵉⴼⴰⵏ ⵢⴻⴱⴷⴻⵔ-ⴷ ⴷ ⴰⴽⴽⴻⵏ ⵢⴻⴷⴷⴻⵎ ⴰⴽⴽ ⵉⵃⴻⵣⵣⵉⴱⴻⵏ ⵉⵡⴰⵜⴰⵏ ⵉ ⵓⵙⵙⴻⵕⵡⵓ ⵏ ⵙⵙⵓⵇ ⴰⵖⴻⵍⵏⴰⵡ ⵙ ⵢⵉⴼⴰⵔⵉⵙⴻⵏ ⵏ ⵓⴷⴰⵡⵉ ⴰⵢ ⴷ-ⵢⴻⴷⴷⴰⵏ ⴷⴻⴳ ⵡⵓⵎⵓⵖ-ⵏⵏⵉ ⵢⴻⵔⵏⴰ ⵢⴻⵜⵜⵡⴰⴳⴷⴻⵍ ⵡⴰⴵⴰⵡ-ⵏⵙⴻⵏ.

ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵙⴰⴼⴰⵔⴻⵏ ⵏ ⵢⵉⵎⴷⴰⵏⴻⵏ ⵜⴻⵡⵡⴻⴹ ⵖⴻⵔ 2,41 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 2014, ⴷⴻⴳ ⵡⴰⴽⵓⴷ ⴰⵢⴷⴻⴳ 2,19 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 2013.