ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵖⵔⴻⴼ ⴰⵚⴻⵃⵔⴰⵡⵉ ⴰⵜⴰⵏ ⴷⴻⴳ ⵜⴻⴳⵏⵉⵜ ⵏ ⵍⴵⴻⵀⴷ ⵢⴻⵔⵏⴰ ⵇⵔⵉⴱ ⴰⴷ ⵢⴻⵔⴱⴻⵃ ⵉⵎⴻⵏⵖⵉ-ⵏⵏⴻⵙ (ⴰⴱⴷⴻⵍⴰⵣⵉⵣ)
ⴷⴻⵅⵍⴰ (ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴰⴳⴷⴰⵢⵜ, ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⴷⴻⵅⵍⴰ ⴷⴰⴽⴽⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ ⴰⵜⴰⵏ ⴷⴻⴳ « ⵜⴻⴳⵏⵉⵜ ⵏ ⵍⴵⴻⵀⴷ » ⵢⴻⵔⵏⴰ ⴰⵜⴰⵏ ⵍⴰ ⵢⴻⵜⵜⵇⴻⵔⵔⵉⴱ ⵖⴻⵔ ⵔⵔⴱⴻⵃ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ.
« ⴰⵇⵍ-ⴰⵖ ⴷⴻⴳ ⵜⴻⴳⵏⵉⵜ ⵏ ⵍⵊⴻⵀⴷ, ⵎⴰⵛⵉ ⴰⵍⴰ ⵙⴻⴳ ⵢⵉⴷⵉⵙ ⵏ ⵍⵇⴰⵏⵓⵏ ⴷ ⵜⴻⵖⴷⴻⵜ (ⵄⴰⴷⴰⵍⴰ) ⵢⴻⵍⵍⴰⵏ ⵙⴻⴳ ⵢⵉⴷⵉⵙ-ⵏⵏⴻⵖ, ⵎⴰⵛⴰ ⵓⵍⴰ ⵙⴻⴳ ⵢⵉⴷⵉⵙ ⵏ ⵓⵎⴻⵛⵡⴰⵕ-ⴰ ⴰⵎⴻⵇⵔⴰⵏ ⴰⵢ ⴷ-ⵏⴻⴽⴽⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍⴰⵣⵉⵣ ⴷⴻⴳ ⵜⵉⵏⴰⵡⵜ (ⴽⴰⵍⵉⵎⴰ) ⵏ ⵓⵔⵥⴰⵎ ⵏ ⵓⵙⵡⵉⵔ (ⵎⵓ’ⵜⴰⵎⴰⵔ) ⵡⵉⵙ 14 ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ ⵍⴰ ⵢⴻⵜⵜⵇⴻⵔⵔⵉⴱ ⵖⴻⵔ ⵔⵔⴱⴻⵃ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ.
« ⵜⴰ ⴷ ⵜⴰⵎⵙⴰⵍⵜ ⴽⴰⵏ ⵏ ⵡⴰⴽⵓⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵣⴻⴽⴽⴰ ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ « ⵍⴰ ⵢⴻⵙⵙⴻⴼⵕⴰⵃ » ⵢⴻⵔⵏⴰ ⴰⵖⵔⴻⴼ ⴰⵚⴻⵃⵔⴰⵡⵉ ⵉⴳⴻⵔ ⴰⵙⵓⵔⵉⴼ ⴷⴻⴳ ⵜⵖⴰⵔⴰ (ⵏⴰⵡⵄⵉⵢⵢⴰ) ⵏ ⵢⵉⵎⴻⵏⵖⵉ-ⵏⵏⴻⵙ ⵖⴻⴼ ⵓⵣⴰⵔⵓⴳ (ⵉⵙⵜⵉⵇⵍⴰⵍ), ⴰⵎ ⵡⴰⴽⴽⴻⵏ ⴰⴷ ⵢⴰⴷⴻⴼ ⵡⴰⵢⴰ ⴷⴻⴳ ⵓⵎⴻⵣⵔⵓⵢ.
ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⵙ-ⴰ, ⵍⴰ ⴷ-ⵢⴻⵜⵜⴱⴰⵏ ⵓⵣⴻⴽⴽⴰ ⴷ ⵉⵎⵙⵉⵔⴻⵎ, ⵎⴰⵛⴰ ⵢⴻⵙⵙⴻⴼⴽ ⴷⴰⵖ ⴰⴷ ⵚⴻⴱⵔⴻⵏ ⵢⵉⵚⴻⵃⵔⴰⵡⵉⵢⴻⵏ ⵢⴻⵔⵏⴰ ⴰⴷ ⴽⴻⵎⵎⵍⴻⵏ ⵉⵎⴻⵏⵖⵉ-ⵏⵙⴻⵏ ⵙ ⵓⵄⴻⵡⵡⴻⵍ ⴷⴻⴳ ⵓⴱⵔⵉⴷ ⵏ ⵓⵣⴰⵔⵓⴳ.
ⵢⴻⴱⴷⴻⵔ-ⴷ ⴷⴰⵖ ⵓⵙⴻⵍⵡⴰⵢ ⴰⵚⴻⵃⵔⴰⵡⵉ ⵜⵓⵣⵡⵉⵔⵉⵏ (ⴰⵡⵍⴰⵡⵉⵢⵢⴰⵜ) « ⵢⴻⴳⴳⵜⴻⵏ » ⴰⵢ ⵍⴰ ⵜⵜⵇⴰⴱⴰⵍⴻⵏ ⵢⵉⵚⴻⵃⵔⴰⵡⵉⵢⴻⵏ ⴰⵙⵙ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⵡⵉⵔ-ⴰ « ⵢⴻⵙⵙⴻⴼⴽ ⴰⴷ ⴷ-ⵢⴻⵙⵙⴻⴱⴷⴻⴷ ⴰⵖⴰⵡⴰⵙ (ⵎⵓⵅⴰⵟⵟⴰⵔ) ⴰⴷ ⵢⴻⴵⴵⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵢⴰⵡⴻⴹ ⵖⴻⵔ ⵢⵉⵙⵡⴰⵏ ⵏ ⵢⵉⵎⴻⵏⵖⵉ-ⵏⵏⴻⵙ ».
ⴷⵖⴰ, ⴳⴰⵔ ⵜⵓⵣⵡⵉⵔⵉⵏ-ⴰ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵃⵔⴻⵣ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ⵍⴻⴱⵏⵉ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⵜⵔⴰⵔ ⵙ ⵜⵙⵓⴷⴰ-ⵏⵏⴻⵙ ⵜⵉⵙⵍⴻⴽⵎⴰⵏⵉⵏ, ⵜⵉⵎⵙⵓⴹⴼⵉⵏ ⴷ ⵜⵖⴻⴷⵎⴰⵏⵉⵏ.
