Asebter amenzawi

Azal n 500 n yigerdan i yettmettaten yal ass seg lqella n tezdeg deg unẓul n ṣṣeḥra n tefriqt

NEW YORK - Azal n 500 n yigerdan yesɛan ddaw n 5 iseggasen deg leɛmer-nsen i yettmettaten yal ass deg unẓul n ṣṣeḥra n tefriqt, ssebba-s d aḍanen n uɛebbuḍ (tabeṛṛiḍt) i d-yekkan seg lexṣas n waman, n tetwilin n usufeɣ n waman lexxaxen akked tezdeg, ɣef wakken i d-tenna Yider n Yiɣlanen Yedduklen i yigurdan(UNICEF).

‘’Ttmettaten yigerdan yal ass, imelyunen nniḍen uḍnen aḍan n lexṣas n unerni, aya yettenqam-d ẓẓay aṭas ɣef tdamsa, ur nezmir ara ad nkemmel amzun akken kra ur yelli’’, i d-yenna Unemhal amnaḍan n UNICEF n Tefriqt n ugmuḍ akked tin n tlemmast, Manuel Fontaine.

‘’Afara yessefk ad yili s uɣiwel, aya ad iḥettem fell-aɣ tisertiyin tuẓwirin, Tiẓraf ijehden akked ubeddel seg yiẓuran n uzizwer n tɣawsiwin ɣur wid yesɛan adabu n tigawt’’, i yerna yenna-d.