ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵃⴻⵎⵍⴰ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉ ⵓⵃⴱⴰⵙ ⵏ ⵜⵓⴽⴻⵔⴹⴰ ⵏ ⵍⵅⵉⵔ ⵏ ⵓⵏⴻⵥⵔⵓⴼ ⵓⵜⵔⵉⵎ
ⴷⴻⵅⵍⴰ (ⵉⴳⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵚⴻⵃⵔⴰⵡⵉ, ⴰⴱⴷⴻⵍⴽⴰⴷⴻⵔ ⵜⴰⵍⴻⴱ ⵧⵎⴰⵔ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴷⴻⵅⵍⴰ (ⵉⴳⵔⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) ⴷⴰⴽⴽⴻⵏ ⴰⴷ ⴷ-ⵜⴻⴱⴷⵓ ⵢⵉⵡⴻⵜ ⵏ ⵜⵃⴻⵎⵍⴰ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉ ⵓⵃⴱⴰⵙ ⵏ ⵜⵓⴽⴻⵔⴹⴰ ⵏ ⵜⴱⵓⵖⴰⵔ ⵜⵉⴳⴰⵎⴰⵏⵉⵏ (ⵜⴰⵔⴰⵡⴰⵜ ⵟⴰⴱⵉⵄⵉⵢⵢⴰ) ⵏ ⵓⵖⵔⴻⴼ ⴰⵚⴻⵃⵔⴰⵡⵉ.
« ⵜⴻⵜⵜⵡⴰⵙⵙⵓⵎⴻⵔ-ⴷ (ⵉⵇⵜⵓⵔⵉⵃⴰⵜ) ⵜⵃⴻⵎⵍⴰ ⵙ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉ ⵓⵃⴱⴰⵙ ⵏ ⵜⵓⴽⴻⵔⴹⴰ ⵏ ⵜⴻⵇⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵎⴰⵙⵙ ⵜⴰⵍⴻⴱ ⵧⵎⴰⵔ ⴷⴻⴳ ⵢⵉⵊⵉⴼⴻⵕ ⵏ ⵓⵎⵢⴰⴳⴻⵔ-ⵏⵏⴻⵙ ⴷ ⵜⵎⴰⴳⵍⴰ (ⵡⴰⴼⴷ) ⵜⴰⴷⵣⴰⵢⵔⵉⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵡⵉⵔ ⵡⵉⵙ 14 ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ.
ⴷⵖⴰ ⵢⴻⵏⵏⴰ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⴷⴰⴽⴽⴻⵏ ⴰⴷ ⴷ-ⵢⴻⵏⵏⵓⵍⴼⵓ ⵓⵙⴰⵏⴰⵢ (ⵎⴰⵔⵚⴰⴷ) ⴰⴷ ⴷ-ⵢⴻⵍⵀⵓⵏ ⵙ « ⵓⵛⴰⵕⴻⵄ ⵏ ⵜⵎⵓⵔⴰ ⴰⴷ ⵢⴻⵜⵜⴻⴽⴽⵉⵏ, ⵖⴻⵔ ⵢⵉⴷⵉⵙ ⵏ ⵎⴻⵕⵕⵓⴽ ⵢⴻⴹⴹⴼⴻⵏ ⴰⴽⴰⵍ ⴰⵚⴻⵃⵔⴰⵡⵉ, ⴷⴻⴳ ⵜⵓⴽⴻⵔⴹⴰ ⵏ ⵜⴱⵓⵖⴰⵔ ⵜⵉⴳⴰⵎⴰⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ».
ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵚⴻⵃⵔⴰⵡⵉ ⴷⴰⴽⴽⴻⵏ ⵢⴻⵍⵍⴰ-ⴷ ⵓⵅⴻⴷⴷⵉⵎ, ⵙ ⵓⵎⴰⵜⴰ, ⵉ ⵍⵎⴻⵏⴷ ⵏ ⵜⵃⴻⵎⵍⴰ-ⴰ ⴰⴷ ⵉⵃⴰⴽⵕⴻⵏ, ⵍⴰⴷⵖⴰ, ⵜⵉⵕⵎⵉⵙⵉⵏ (ⵛⴰⵔⵉⴽⴰⵜ) ⴰⵢ ⵉⵅⴻⴷⴷⵎⴻⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ, ⴰⵢⴷⴻⴳ ⵍⵍⴰⵏⵜ ⵓⵍⴰ ⴷ ⵜⵉⵕⵎⵉⵙⵉⵏ ⵜⵉⴼⵔⵉⵇⵉⵢⵉⵏ.
ⴷⵖⴰ ⵢⴻⵏⵏⴰ-ⴷ ⵎⴰⵙⵙ ⵜⴰⵍⴻⴱ ⵧⵎⴰⵔ ⴷⴰⴽⴽⴻⵏ ⵛⵛⵖⴻⵍ-ⴰ ⴰⴷ ⵢⵉⵍⵉ ⴷ « ⵜⴰⵖⴰⵡⵙⴰ ⵢⴻⵍⵀⴰⵏ », ⵢⴻⵔⵏⴰ ⵜⵉⵃⴻⵎⵍⵉⵡⵉⵏ ⴰⵎ ⵜⵉ « ⵣⴻⵎⵔⴻⵏⵜ ⴰⴷ ⴷ-ⵊⴻⴱⴷⴻⵏⵜ ⵍⵡⴻⵍⵀⴰ ⵖⴻⴼ ⵡⴰⴷⴷⵓⴷⴻⵏ ⵉⵙⴻⵔⵜⵉⵢⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ».
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⴰⵃⴻⵎⵍⴰ-ⴰ ⴰⴷ ⴷ-ⵜⵉⵍⵉ « ⴷ ⴰⴷⵎⴰⵔ (ⴵⴰⴱⵀⴰ) ⴰⵎⴰⵢⵏⵓ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⵡⵉⴷ ⴰⵢ ⵉⵅⴻⴷⴷⵎⴻⵏ ⴷⴻⴳ ⵍⵇⴰⵏⵓⵏ ⴷ ⵢⵉⵎⴻⵖⵏⴰⵙⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵉ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ ».
