ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵍⵉⴱⵢⴰ ⴷⴻⴼⴼⵉⵔ 14 ⵏ ⵡⴰⵢⵢⵓⵔⴻⵏ ⵏ ⵍⴻⵎⵛⴰⵡⵕⴰⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⵜⴻⵏⵢⵉ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⵉ ⴷⴻⴳ ⵍⵉⴱⵢⴰ ⴳⴰⵔ ⵙⵉⵏ-ⵏⵏⵉ ⵏ ⵢⵉⵎⵏⴰⵏ (ⴱⴰⵔⵍⴰⵎⴰⵏⴰⵜ) ⵉⵍⵉⴱⵉⵢⴻⵏ ⵢⴻⵎⵅⴰⵚⴰⵎⴻⵏ ⴷ ⴰⵢⴻⵏ ⴰⴷ ⵉⵍⵉⵏ ⴷ ⵍⵍⵙⴰⵙ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵢⴻⵔⵏⴰ ⵛⵛⵖⴻⵍ ⴰⵎⴻⵣⵡⴰⵔⵓ ⵏ ⵓⵏⴰⴱⴰⴹ-ⴰ ⴷ ⵉⵔⵉⵔⵉ ⵏ ⵜⴰⵍⵡⵉⵜ ⵖⴻⵔ ⵜⵎⵓⵔⵜ ⴷⴻⴳ ⵜⴰⵍⵍⵉⵜ ⵏ ⵜⵓⴽⴽⵉⵜ ⵏ 2 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵜⴰⵍⵍⵉⵜ-ⴰ ⴰⴷ ⵜⴼⴰⴽ ⵙ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ.

ⴰⵎⵜⴰⵡⴰ-ⴰ ⵢⴻⵍⵍⴰ-ⴷ ⴷⴷⴰⵡ ⵍⴻⵄⵏⴰⵢⴰ ⵏ ⵓⵎⴰⵣⵓⵏ (ⵎⴰⴱⵄⵓⵜ) ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵔⵜⵉⵏ ⴽⵧⴱⵍⴻⵔ, ⵢⴻⵔⵏⴰ ⴱⴻⴷⴷⴻⵏ ⵖⴻⵔ-ⵙ ⵍⴻⴵⵏⴰⵙ ⵙ ⵍⴵⴻⵀⴷ, ⵍⴰⴷⵖⴰ ⵍⴷⵣⴰⵢⴻⵔ, ⵏⵏⵉⴳ ⵡⴰⵢⴰ, ⴰⵎⵜⴰⵡⴰ-ⴰ ⵢⵓⵙⴰ-ⴷ ⴷⴻⴼⴼⵉⵔ 14 ⵏ ⵡⴰⵢⵢⵓⵔⴻⵏ ⵏ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵍⵉⴱⵉⵢⴻⵏ.

ⴰⵎⵜⴰⵡⴰ-ⴰ, ⴰ ⵡⵉⵏ ⵢⵓⴼⴰⵏ, ⴰⴷ ⵢⵉⵍⵉ ⴷ ⵍⵍⵙⴰⵙ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⴰⴷ ⴷ-ⵢⴻⵍⵀⵓⵏ ⵙ ⵓⵙⵙⴻⵔⴽⴻⴷ ⵏ ⵜⵎⵓⵔⵜ-ⴰ ⴰⵢⴷⴻⴳ ⵜⴰⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ) ⵜⴻⴱⴷⴰ ⵍⴰ ⵜⴻⵜⵜⴻⵥⵥⵓ ⵉⵎⴰⵏ-ⵏⵏⴻⵙ.

ⴰⵎⵜⴰⵡⴰ-ⴰ ⵙⵜⴻⵏⵢⴰⵏ-ⵜ ⴰⵣⴰⵍ ⵏ 80 ⵏ ⵢⵉⵎⴰⵙⵍⴰⴹⴻⵏ ⵙⴻⴳ ⵓⵊⴻⵎⵎⴰⵍ ⵏ 188 ⵢⴻⵜⵜⴻⴽⴽⴰⵏ ⴷⴻⴳ ⵓⵎⵏⵉ ⵏ ⵟⵓⴱⵔⵓⵇ, ⴷ ⵡⴰⵣⴰⵍ ⵏ 50 ⵏ ⵢⵉⵎⴰⵙⵍⴰⴹⴻⵏ ⵙⴻⴳ ⵓⵊⴻⵎⵎⴰⵍ ⵏ 136 ⵢⴻⵜⵜⴻⴽⴽⴰⵏ ⴷⴻⴳ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ, ⴰⵎ ⵡⴰⴽⴽⴻⵏ ⴰⵢ ⵜ-ⵙⵜⴻⵏⵢⴰⵏ ⴷⴰⵖ ⵢⵉⵎⵣⵉⵔⴳⴻⵏ (ⵎⵓⵙⵜⴰⵇⵉⵍⵍⵉⵏ), ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⴽⵔⴰ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ ⴷ ⵢⵉⴳⴻⵏⵙⴰⵙⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷ ⵜⵖⵉⵡⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⵢⴻⵜⵜⴻⴽⴽⴰⵏ.

ⴷⴻⴳ ⵜⴻⵣⵡⴰⵔⴰ ⵏ ⵜⵓⴱⴻⵕ, ⵇⴻⴱⵍⴻⵏ ⴽⵔⴰ ⵏ ⵢⵉⵎⴰⵙⵍⴰⴹⴻⵏ ⵏ ⵙⵉⵏ-ⴰ ⵏ ⵢⵉⵎⵏⴰⵏ ⴰⵙⴻⵏⴼⴰⵔ ⵏ ⵓⵎⵜⴰⵡⴰ ⴰⵢ ⴷ-ⵢⴻⵍⵍⴰⵏ ⵙ ⵍⴻⵎⵛⴰⵡⵕⴰ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷ ⴰⵛⵓ ⴽⴰⵏ, ⴰⵎⵜⴰⵡⴰ-ⵏⵏⵉ ⵓⴳⵉⵏ-ⵜ ⵙⵉⵏ-ⵏⵏⵉ ⵏ ⵢⵉⵎⵏⴰⵏ.

ⵉⵎⴹⴻⴱⴱⵔⴻⵏ ⵏ ⵙⵉⵏ-ⴰ ⵏ ⵢⵉⵎⵏⴰⵏ ⵉⵅⵚⵉⵎⴻⵏ ⵙⵙⵓⵜⵔⴻⵏ ⴰⴷ ⵜⵉⵍⵉ « ⵜⵙⴻⵖⵔⵓⵜ ⵏ ⵢⵉⵎⴻⵏⵣⴰⵢⴻⵏ » (ⵎⴰⴱⴰⴷⵉ’) ⴰⵢⵖⴻⴼ ⴰⴷ ⵎⵙⴻⴼⵀⴰⵎⴻⵏ ⵢⵉⵍⵉⴱⵉⵢⴻⵏ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ. ⵜⴰⵙⴻⵖⵔⵓⵜ-ⴰ ⵜⴻⵜⵜⵡⴰⵀⴻⵢⵢⴰ-ⴷ ⵢⴻⵔⵏⴰ ⵜⴻⵜⵜⵡⴰⵙⵜⴻⵏⵢⴰ ⴷⴻⴳ ⵜⵓⵏⴻⵙ ⴳⴰⵔ ⵢⵉⴳⴻⵏⵙⴰⵙⴻⵏ ⵏ ⵙⵉⵏ-ⴰ ⵏ ⵢⵉⵎⵏⴰⵏ.