Asebter amenzawi

Talɣuɣa taɛṛabt n ukaraṭi n temsulta: Lezzayer tewwi-d amkan amezwaru

LEZZAYER TAMANEɣT – D imenɣan n ukaraṭi idzayriyin ay yeḍḍfen amkan amezwaru n Telɣuɣa Taɛṛabt n Ukaraṭi n Temsulta (curṭa) deg tgara n wass aneggaru n umsizwer ay d-yellan ass n lexmis deg Tqubbet n Usuddis Ulimpi n Mohamed-Boudiaf, yerna rebḥen-d Yidzayriyen ajemmal n 15 n tzalɣiwin (9 n wureɣ, 4 n uẓref d 2 n ubṛunz).

Amkan wis sin n telɣuɣa-a teḍḍef-it teɣlamt tasaɛudit s 7 n tzalɣiwin (4 n wureɣ, 2 n uẓref d 1 n ubṛunz). Maṣer teḍḍef amkan wis 3 s 13 n tzalɣiwin (3 n wureɣ, 6 n uẓref d 4 n ubṛunz).

Ass wis 3 (yerna d aneggaru) deg umsizwer ay d-yellan ass n lexmis taṣebḥit, d inaddalen n ukumite ay yemsizewren gar-asen, yerna taɣlamt tadzayrit n tlawin tewwi-d tazalɣi n wureɣ, ma d irgazen wwin-d tin n ubṛunz.

Amkan amezwaru n ukumite n teɣlamin n yirgazen iṣaḥ-d i teɣlamt n Tgelda Tasaɛudit ay yernan taɣlamt tuṛdunit.

Asleɣmay (mudarrib) n teɣlamt tadzayrit n temsulta, Zoheir Ghazali, yenna-d dakken « yumar » (yefṛeḥ) s yigmaḍ ay d-tewwi teɣlamt-nnes d umkan amezwaru ay tt-id-iṣaḥen deg usettef amatu.

« Newweḍ ɣer ussirem-nneɣ imi ay d-newwi amkan amezwaru deg usettef amatu, ula ma ttekkan aṭas n yilɣuɣen n umaḍal seg yidis n yixṣimen », ɣef wakken ay d-yenna.