ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵄⵕⴰⴱⵜ ⵏ ⵓⴽⴰⵔⴰⵟⵉ ⵏ ⵜⴻⵎⵙⵓⵍⵜⴰ: ⵍⴻⵣⵣⴰⵢⴻⵔ ⵜⴻⵡⵡⵉ-ⴷ ⴰⵎⴽⴰⵏ ⴰⵎⴻⵣⵡⴰⵔⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷ ⵉⵎⴻⵏⵖⴰⵏ ⵏ ⵓⴽⴰⵔⴰⵟⵉ ⵉⴷⵣⴰⵢⵔⵉⵢⵉⵏ ⴰⵢ ⵢⴻⴹⴹⴼⴻⵏ ⴰⵎⴽⴰⵏ ⴰⵎⴻⵣⵡⴰⵔⵓ ⵏ ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵓⴽⴰⵔⴰⵟⵉ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⴷⴻⴳ ⵜⴳⴰⵔⴰ ⵏ ⵡⴰⵙⵙ ⴰⵏⴻⴳⴳⴰⵔⵓ ⵏ ⵓⵎⵙⵉⵣⵡⴻⵔ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵇⵓⴱⴱⴻⵜ ⵏ ⵓⵙⵓⴷⴷⵉⵙ ⵓⵍⵉⵎⵒⵉ ⵏ ⵎⵧⵀⴰⵎⴻⴷ-ⴱⵧⵓⴷⵉⴰⴼ, ⵢⴻⵔⵏⴰ ⵔⴻⴱⵃⴻⵏ-ⴷ ⵢⵉⴷⵣⴰⵢⵔⵉⵢⴻⵏ ⴰⵊⴻⵎⵎⴰⵍ ⵏ 15 ⵏ ⵜⵣⴰⵍⵖⵉⵡⵉⵏ (9 ⵏ ⵡⵓⵔⴻⵖ, 4 ⵏ ⵓⵥⵔⴻⴼ ⴷ 2 ⵏ ⵓⴱⵕⵓⵏⵣ).

ⴰⵎⴽⴰⵏ ⵡⵉⵙ ⵙⵉⵏ ⵏ ⵜⴻⵍⵖⵓⵖⴰ-ⴰ ⵜⴻⴹⴹⴻⴼ-ⵉⵜ ⵜⴻⵖⵍⴰⵎⵜ ⵜⴰⵙⴰⵄⵓⴷⵉⵜ ⵙ 7 ⵏ ⵜⵣⴰⵍⵖⵉⵡⵉⵏ (4 ⵏ ⵡⵓⵔⴻⵖ, 2 ⵏ ⵓⵥⵔⴻⴼ ⴷ 1 ⵏ ⵓⴱⵕⵓⵏⵣ). ⵎⴰⵚⴻⵔ ⵜⴻⴹⴹⴻⴼ ⴰⵎⴽⴰⵏ ⵡⵉⵙ 3 ⵙ 13 ⵏ ⵜⵣⴰⵍⵖⵉⵡⵉⵏ (3 ⵏ ⵡⵓⵔⴻⵖ, 6 ⵏ ⵓⵥⵔⴻⴼ ⴷ 4 ⵏ ⵓⴱⵕⵓⵏⵣ).

ⴰⵙⵙ ⵡⵉⵙ 3 (ⵢⴻⵔⵏⴰ ⴷ ⴰⵏⴻⴳⴳⴰⵔⵓ) ⴷⴻⴳ ⵓⵎⵙⵉⵣⵡⴻⵔ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵅⵎⵉⵙ ⵜⴰⵚⴻⴱⵃⵉⵜ, ⴷ ⵉⵏⴰⴷⴷⴰⵍⴻⵏ ⵏ ⵓⴽⵓⵎⵉⵜⴻ ⴰⵢ ⵢⴻⵎⵙⵉⵣⴻⵡⵔⴻⵏ ⴳⴰⵔ-ⴰⵙⴻⵏ, ⵢⴻⵔⵏⴰ ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵍⴰⵡⵉⵏ ⵜⴻⵡⵡⵉ-ⴷ ⵜⴰⵣⴰⵍⵖⵉ ⵏ ⵡⵓⵔⴻⵖ, ⵎⴰ ⴷ ⵉⵔⴳⴰⵣⴻⵏ ⵡⵡⵉⵏ-ⴷ ⵜⵉⵏ ⵏ ⵓⴱⵕⵓⵏⵣ.

ⴰⵎⴽⴰⵏ ⴰⵎⴻⵣⵡⴰⵔⵓ ⵏ ⵓⴽⵓⵎⵉⵜⴻ ⵏ ⵜⴻⵖⵍⴰⵎⵉⵏ ⵏ ⵢⵉⵔⴳⴰⵣⴻⵏ ⵉⵚⴰⵃ-ⴷ ⵉ ⵜⴻⵖⵍⴰⵎⵜ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴰⵢ ⵢⴻⵔⵏⴰⵏ ⵜⴰⵖⵍⴰⵎⵜ ⵜⵓⵕⴷⵓⵏⵉⵜ.

ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⴻⵎⵙⵓⵍⵜⴰ, ⵣⵧⵀⴻⵉⵔ ⴳⵀⴰⵣⴰⵍⵉ, ⵢⴻⵏⵏⴰ-ⴷ ⴷⴰⴽⴽⴻⵏ « ⵢⵓⵎⴰⵔ » (ⵢⴻⴼⵕⴻⵃ) ⵙ ⵢⵉⴳⵎⴰⴹ ⴰⵢ ⴷ-ⵜⴻⵡⵡⵉ ⵜⴻⵖⵍⴰⵎⵜ-ⵏⵏⴻⵙ ⴷ ⵓⵎⴽⴰⵏ ⴰⵎⴻⵣⵡⴰⵔⵓ ⴰⵢ ⵜⵜ-ⵉⴷ-ⵉⵚⴰⵃⴻⵏ ⴷⴻⴳ ⵓⵙⴻⵜⵜⴻⴼ ⴰⵎⴰⵜⵓ.

« ⵏⴻⵡⵡⴻⴹ ⵖⴻⵔ ⵓⵙⵙⵉⵔⴻⵎ-ⵏⵏⴻⵖ ⵉⵎⵉ ⴰⵢ ⴷ-ⵏⴻⵡⵡⵉ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵙⴻⵜⵜⴻⴼ ⴰⵎⴰⵜⵓ, ⵓⵍⴰ ⵎⴰ ⵜⵜⴻⴽⴽⴰⵏ ⴰⵟⴰⵙ ⵏ ⵢⵉⵍⵖⵓⵖⴻⵏ ⵏ ⵓⵎⴰⴹⴰⵍ ⵙⴻⴳ ⵢⵉⴷⵉⵙ ⵏ ⵢⵉⵅⵚⵉⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.