ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴻⴱⵖⴰ ⴰⴷ ⵢⵉⵍⵉ ⵡⵓⴳⴰⵔ ⵏ ⵚⵚⴼⴰ ⴷⴻⴳ ⵓⴱⵔⵉⴷ ⵏ ⵓⵏⴻⴽⵛⵓⵎ ⵖⴻⵔ ⵜⵓⴷⴷⵙⴰ ⵏ ⵜⵜⵊⴰⵕⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⴱⴰⴽⵀⵜⵉ ⴱⴻⵍⴰⵉⴱ ⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵏⴰⵉⵔⵧⴱⵉ (ⴽⴻⵏⵢⴰ), ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵀⴻⵢⵢⵉ ⵜⵜⴰⵡⵉⵍ ⵢⴻⵚⴼⴰⵏ ⵓⴳⴰⵔ, ⴷ ⴰⴼⴻⵙⵙⴰⵙ ⵢⴻⵔⵏⴰ ⵉⵡⴰⵜⴰⵏ ⵉ ⵜⵏⴻⴼⵍⵉⵜ (ⵜⴰⵏⵎⵉⵢⴰ) ⵏ ⵜⵎⵓⵔⴰ ⴰⵢ ⵢⴻⴱⵖⴰⵏ ⴰⴷ ⴰⴷⴼⴻⵏⵜ ⵖⴻⵔ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⵏⴻⵣⵣⵓⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵢⵉⵡⴻⵏ ⵏ ⵍⴱⴰⵢⴰⵏ ⵏ ⵓⵖⵍⵉⴼ.

ⴰⵏⴻⵖⵍⴰⴼ, ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ ⴰⵖⵍⵉⴼⴰⵏ ⵡⵉⵙ 10 ⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⵏⴻⵣⵣⵓⵜ ⴰⵢ ⴷ-ⵢⴻⵍⵍⴰⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵜⵎⵓⵔⵜ ⵜⴰⴼⵔⵉⵇⵉⵜ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⴷⵣⴰⵢⴻⵔ ⵜⴻⵙⵙⴰⵔⴰⵎ ⴰⴷ ⵜⴽⴻⵎⵎⴻⵍ ⵜⴰⵍⵍⵓⵙⵜ (ⴷⴰⵡⵔⴰ) ⵏ ⵍⴻⵎⵛⴰⵡⵕⴰⵜ ⵏ ⴷⴷⴻⵡⵃⴰ ⵢⴻⵔⵏⴰ ⴰⴷ ⵜⴻⵔⴱⴻⵃ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵍⴻⴱⵖⵉ ⵏ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴰⴷⴻⴼ ⵖⴻⵔ ⵜⵏⴻⵣⵣⵓⵜ ⵜⴰⴳⵜⵉⴷⵉⵙⵜ (ⵎⵓⵜⴰⵄⴰⴷⴷⵉⴷ ⴰⵍ-ⴵⴰⵡⴰⵏⵉⴱ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⴱⴰⵢⴰⵏ-ⴰ.

ⵉ ⵓⵙⵎⴻⴽⵜⵉ, ⴰⴽⴰⵍⴰ (ⵎⴰⵙⴰⵔ) ⵏ ⴷⴷⴻⵡⵃⴰ ⴷ ⵜⴰⵍⵍⵓⵙⵜ ⵏ ⵍⴻⵎⵛⴰⵡⵕⴰⵜ ⵜⵉⴳⵔⴰⵖⵍⴰⵏⵉⵏ ⴰⵢ ⴷ-ⵜⴻⴱⴷⴰ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⵏⴻⵣⵣⵓⵜ ⴷⴻⴳ 2001 ⵉ ⵓⵙⵍⴻⵍⵍⵉ ⵏ ⵜⵏⴻⵣⵣⵓⵜ ⵜⴰⴳⵔⴰⵖⵍⴰⵏⵜ ⴷ « ⵜⵏⴻⴼⵍⵉⵜ ⵏ ⵜⵎⵓⵔⴰ ⵏ ⵓⵏⵥⵓⵍ (ⴵⴰⵏⵓⴱ) ». ⴰⵙⴰⵔⴰⴳ-ⴰ ⵡⵉⵙ 10 ⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⵏⴻⵣⵣⵓⵜ ⵢⴻⴱⴷⴰ ⴰⵙⵙ ⵏ ⵜⵜⵍⴰⵜⴰ ⵢⴻⵔⵏⴰ ⴰⴷ ⵉⴼⴰⴽ ⴰⵙⵙ ⵏ ⵍⵊⴻⵎⵄⴰ.