Asebter amenzawi

Lezzayer tebɣa ad yili wugar n ṣṣfa deg ubrid n unekcum ɣer Tuddsa n Ttjaṛa

LEZZAYER TAMANEɣT – Yenna-d uneɣlaf n tnezzut (tiǧara) Bakhti Belaib ass n lexmis, deg Nairobi (Kenya), dakken yessefk ad d-yettwaheyyi ttawil yeṣfan ugar, d afessas yerna iwatan i tneflit (tanmiya) n tmura ay yebɣan ad adfent ɣer Tuddsa Tamaḍlant n Tnezzut », ɣef wakken ay d-yebder yiwen n lbayan n uɣlif.

Aneɣlaf, ay yettekkan deg usarag aɣlifan wis 10 n Tuddsa Tamaḍlant n Tnezzut ay d-yellan i tikkelt tamezwarut deg tmurt tafriqit, yenna-d dakken Ldzayer tessaram ad tkemmel tallust (dawra) n lemcawṛat n Ddewḥa yerna ad terbeḥ, am wakken ay d-iwekked lebɣi n Ldzayer akken ad tadef ɣer tnezzut tagtidist (mutaɛaddid al-ǧawanib), ɣef wakken ay d-yenna lbayan-a.

I usmekti, akala (masar) n Ddewḥa d tallust n lemcawṛat tigraɣlanin ay d-tebda Tuddsa Tamaḍlant n Tnezzut deg 2001 i uslelli n tnezzut tagraɣlant d « tneflit n tmura n unẓul (ǧanub) ». Asarag-a wis 10 n Tuddsa Tamaḍlant n Tnezzut yebda ass n ttlata yerna ad ifak ass n ljemɛa.