Asebter amenzawi

Lfayda n ussefti deg unẓul n Lezzayer ur yeḥwaǧ ara ttbut

ADRAR – Yenna-d n uselway n Unmager n Yiɣfawen n Teṛmisin, Ali Haddad, ass n lexmis deg Adrar dakken lfayda n ussefti deg unẓul (ǧanub) n Ldzayer ur yeḥwaǧ ara ttbut, yerna kra n temnaḍin sɛant tizemmar d timeqranin deg kra n yiḥricen.

Yenna-d Mass Haddad aya mi tettwarẓem tnarit (maktab) n Unmager-a deg twilayt n Adrar, yerna iwekked-d dakken « tajebda n unẓul adzayri ur teḥwaǧ ara ttbut », yerna kra n temnaḍin am Adrar « sɛant tizemmar deg kra n yiḥricen, d tizemmar tisuddsanin yerna ttemyessmadent gar-asent, am tfellaḥt d teẓwert (ṭaqa), tamerrit (siyaḥa) d yidles ».

S waya, yessefk ad d-yili unadi ɣef wamek ad ttwasneflint (tuṭawwar) tesnatwilin (tiknuluǧiyyat) tinaẓiyin i lmend n usselhu n umedxul n tzemmar n temnaḍt-a deg tfellaḥt d uɣellet n waman-nnes, ɣef wakken ay d-yenna.

Deg tgara n tgermant-nnes (mudaxala), yenna-d Mass Haddad dakken ur tezmir ara ad d-tili tneflit tadamsant war ma tella-d tneflit tadigant (maḥalliyya), yerna yenna-d dakken yewweḍ-d wakud akken ad tettwarẓem tewwurt i wakk Idzayriyen d Tdzayriyin akken ad d-sseknen timussniwin-nsen, ma d tiṛmisin (carikat) tidzayriyin, yessefk ad uɣalent d ttawil i lebni n tallit tamaynut.