ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴰⵔⴰⴳ ⵡⵉⵙ 3 ⵏ ⵓⵙⵡⵉⵔ ⵓⵏⵏⵉⴳ ⵖⴻⴼ ⵜⴰⵍⵡⵉⵜ ⴷ ⵍⴰⵎⴰⵏ ⴷⴻⴳ ⵜⴻⴼⵔⵉⵇⵜ ⴰⴷ ⵢⴻⵔⵥⴻⵎ ⴰⵙⵙ ⵏ ⵍⵃⴻⴷⴷ

ⵡⴻⵀⵕⴰⵏ – ⴰⵙⵙ-ⴰ ⵏ ⵍⵃⴻⴷⴷ ⴰⴷ ⵢⴻⵔⵥⴻⵎ ⵓⵙⴰⵔⴰⴳ ⵡⵉⵙ 3 ⵏ ⵓⵙⵡⵉⵔ ⵓⵏⵏⵉⴳ ⵖⴻⴼ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ ⴷⴻⴳ ⵜⴻⵎⴷⵉⵏⵜ ⵏ ⵡⴻⵀⵕⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

ⴰⵎⵢⴰⴳⴻⵔ-ⴰ ⵏ 3 ⵏ ⵡⵓⵙⵙⴰⵏ ⴰⴷ ⵢⴻⵜⵜⴻⴽⴽⵉ ⴷⴻⴳ-ⵙ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ ⵖⴻⵔ ⵢⵉⴷⵉⵙ ⵏ ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴰⵏⴳⵓⵍⴰ, ⵎⴰⵚⴻⵔ, ⵏⵉⵊⵉⵔⵢⴰ, ⵔⵡⴰⵏⴷⴰ, ⵞⴰⴷ, ⵙⵉⵏⵉⴳⴰⵍ ⴷ ⴱⵓⵔⵓⵏⴷⵉ, ⴷ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⴽⵔⴰ ⵏ ⵜⵓⴷⴷⵙⵉⵡⵉⵏ ⵜⵉⴼⵔⵉⵇⵉⵢⵉⵏ ⴷ ⵜⵉⴷ ⵢⴻⵇⵇⵏⴻⵏ ⵖⴻⵔ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⴰⵙⴰⵔⴰⴳ-ⴰ ⴰⴷ ⴷ-ⵢⴻⵍⵀⵓ ⵙ ⵡⴰⵟⴰⵙ ⵏ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⵖⴻⵍⵍⵉⵙⵜ ⴷ ⵜⴰⵍⵡⵉⵜ ⴷⴻⴳ ⵜⴻⴼⵔⵉⵇⵜ, ⵍⴰⴷⵖⴰ ⴰⵇⴻⵢⵢⴻⵎ ⵏ ⵡⴰⵏⴷⴰ ⴰⵢ ⵙⵙⴰⵡⴹⴻⵏ ⵍⴻⵛⵖⴰⵍ ⵢⴻⵜⵜⵇⴰⴷⴰⵔⴻⵏ ⵍⴻⵡⵚⴰⵢⴰⵏ ⴰⵢ ⴷ-ⵢⴻⵜⵜⵓⵏⴻⴼⴽⴻⵏ ⴷⴻⴳ ⵢⵉⵙⴰⵔⴰⴳⴻⵏ ⵢⴻⵣⵔⵉⵏ.

ⵉ ⵓⵙⵎⴻⴽⵜⵉ, ⴰⵙⴰⵔⴰⴳ ⵡⵉⵙ 2 ⵏ ⵓⵙⵡⵉⵔ ⵓⵏⵏⵉⴳ ⵖⴻⴼ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ ⵢⴻⵍⵍⴰ-ⴷ ⴷⴻⴳ ⵡⴻⵀⵕⴰⵏ ⴳⴰⵔ 9 ⴷ 11 ⴷⵓⵊⴻⵎⴱⴻⵕ ⵏ 2014. ⵜⵉⵎⵍⵉⵍⵉⵢⵉⵏ-ⵏⵏⴻⵙ ⴼⵓⴽⴻⵏⵜ ⵙ ⵓⵙⵙⵓⴼⴼⴻⵖ ⵏ ⴽⵔⴰ ⵏ ⵍⴻⵡⵚⴰⵢⴰⵜ ⴰⵎ ⴼⴻⵔⵔⵓ ⵏ ⵡⵓⴳⵓⵔⴻⵏ ⵉⴼⵔⵉⵇⵉⵢⴻⵏ ⵙ ⵜⵜⴰⵡⵉⵍⴰⵜ ⵉⴼⵔⵉⵇⵉⵢⴻⵏ, ⴰⵙⵙⵓⴳⴳⴻⵜ ⵏ ⵓⴷⵉⵡⴻⵏⵏⵉ (ⵃⵉⵡⴰⵔ), ⴰⵎⵛⵉⵡⴻⵕ ⴷ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵏ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴻⴼⵔⵉⵇⵜ ⴷ ⵜⵎⵓⵔⴰ ⵏ ⵜⴻⴼⵔⵉⵇⵜ ⵙ ⵓⵎⴰⵜⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ.