Asebter amenzawi

Asarag wis 3 n uswir unnig ɣef talwit d laman deg Tefriqt ad yerẓem ass n lḥedd

WEHṚAN – Ass-a n lḥedd ad yerẓem Usarag wis 3 n Uswir Unnig ɣef Talwit d Tɣellist deg Tefriqt deg temdint n Wehṛan, ɣef wakken ay d-ixebber uɣlif n tɣawsiwin n uzɣar.

Amyager-a n 3 n wussan ad yettekki deg-s uneɣlaf adzayri n tɣawsiwin n uzɣar, Ramtane Lamamra ɣer yidis n yineɣlafen n tɣawsiwin n uzɣar n Angula, Maṣer, Nijirya, Rwanda, Čad, Sinigal d Burundi, d yimazzayen (xubara’) d yigensasen (mumattilin) n kra n tuddsiwin tifriqiyin d tid yeqqnen ɣer Yiɣlanen Yeddukklen.

Asarag-a ad d-yelhu s waṭas n temsal yeqqnen ɣer tɣellist d talwit deg Tefriqt, ladɣa aqeyyem n wanda ay ssawḍen lecɣal yettqadaren lewṣayan ay d-yettunefken deg yisaragen yezrin.

I usmekti, Asarag wis 2 n Uswir Unnig ɣef Talwit d Tɣellist deg Tefriqt yella-d deg Wehṛan gar 9 d 11 Dujembeṛ n 2014. Timliliyin-nnes fukent s ussuffeɣ n kra n lewṣayat am ferru n wuguren ifriqiyen s ttawilat ifriqiyen, assugget n udiwenni (ḥiwar), amciweṛ d umɛawen gar tmura n temnaḍin yemgerraden n Tefriqt d tmura n Tefriqt s umata deg wayen yerzan talwit d tɣellist deg Tefriqt.