Asebter amenzawi

Aṛẓam di Tmenɣest n tfaska taɣelnawt tis tam (8) n uẓawan d tezlitt n tmaziɣt

TAMENƔAEST – Beddu n tfaska taɣelnawt tis tam n uẓawan d tezlitt n tmaziɣt yettunefk ass n ssebt tameddit di Tmenɣet, deg yiwet n tmaɣṛa yezhan yelhan.

Tamaɣṛa n weṛẓam n temlilit tadelsant-agi, d-yellan deh wexxam umezgun aɣiwan di tmanaɣt uheggar,yella-d s kra n tezlatin n ugerruj atergi am Imzad, Tindi d Tezmart, akk d uqeddem n kra n tmedyezt, ayen d-yersen di lxaṭêr n imezdaɣ akk d yinebgawen n Tmenɣest.

Yemmeslay-d lawan n beddu n tmesbanit-agi, lwali n Tamanɣest, Belkacem Silmi, yenna d akken tafaska-yagi, iṛeṣṣa uselway n Tegduda, Abdelaziz Bouteflika, d ayen yettawin ɣr uṛeṣṣi n tnettit tamaziɣt, d lsas agejdan n tnettit taɣelnawt, u daɣen d tafaska ara yilin d afud i yinaẓuṛen yettandin ad ḥadren ɣef ugerruf-agi.

Tamesbanit-agi tadelsant tella-d daɣen d tagnitt akken ad tuɣal tejmilt i yinaẓuṛen icennun s tmaziɣt imaziɣen Mâadjouj Djamâi icawiyen, Medjahid Hamid n tezlitt taqbaylit, akk d Zeydi Ahmed acennay amẓabi.