Asebter amenzawi

Acewwel n waffugen deg unafag n Lezzayer Tamaneɣt ɣef lǧal n yixeddamen

LEZZAYER TAMANEɣT – Cewwlen « cwiṭ » waffugen n teṛmist (carika) n Air Algerie ass n lḥedd taṣebḥit deg unafag agraɣlan n Houari –Boumediene deg Lezzayer Tamaneɣt ɣef lǧal n umussu n uccetki « ay d-yellan war aɛeyyen » sɣur yixeddamen itekniyen, ɣef wakken ay d-tenna teṛmist-a.

« Yella-d umussu n uccetki war ma yella-d uɛeyyen sɣur yixeddamen itekniyen deg unafag, yerna yeḍḍef waya 2 n tsaɛtin, dɣa d aya ay icewwlen cwiṭ ahil n waffug deg tgara n tṣebḥit », ɣef wakken ay d-yenna ulɣu (bayan) n teṛmist-a.

« Deffir ma temsefham tmehla (n teṛmist) d yicriken inmettiyen (n yixeddamen), ikemmel uxeddim n waffugen yerna aɛeḍḍel ay d-yellan seg wanect-a ad yettwafru cwiṭ, cwiṭ », ɣef wakken ay d-twejjed Air Algerie.

Amussu-a n uccetki yella-d sɣur yixeddamen itekniyen n Air Algerie « ay la d-yessuturen timerniwt deg lexlaṣ yerna ccetka-d ɣef uɣawas (muxaṭṭaṭ) n uɛawed n ussemṣek n kra n yifurka n teṛmist-a », ɣef wakken ay aɣ-d-tenna yiwet n teɣbalut (maṣdar) ay iqerben ɣer teṛmist-a.