Asebter amenzawi

Benkhalfa deg Tunes i ussebded n Tbanka n Lmeɣreb i Ussefti

LEZZAYER TAMANEɣT – Yettekka uneɣlaf n tedrimt, Abderrahmane Benkhalfa, ass n letniyen deg Tunes, deg temlilit n ugraw amatu n ussebded n Tbanka n Lmeɣreb n Ussefti d Tnezzut (tiǧara) Tuffiɣt, ɣef wakken ay d-yenna yiwen n ulɣu (bayan) n uɣlif.

Tabanka-a tesɛa ṛaselmal n 150 n yimelyunen n yidulaṛen, yerna ttekkant deg-s tmura n Tdukli n Lmeɣreb Aɛṛab, yal yiwet s 37,5 n yimelyunen n yidulaṛen.

Assebded n Tbanka n Lmeɣreb i Ussefti d Tnezzut Tuffiɣt d aḥric seg ussefɛel n umtawa (ittifaq) ay stenyant 5 n tmura yellan deg Tdukli n Lmeɣreb Aɛṛab (Lezzayer, Tunes, Meṛṛuk, Libya d Muriṭanya). D Lezzayer ad ilin d taselwayt-nnes tamezwarut.

Iswi n tbanka-a d attekki deg « lebni n tdamsa tamɣarbit yennummden (mudmaǧa) s uttekki deg ussidrem n yisenfaren ucriken deg tfellaḥt, tamguri (ṣinaɛa) d yiḥricen niḍen, d ussebɣes n umbaddel adamsan gar tmura n temnaḍt, am wakken ad tɛawen tbanka-a isenfaren idamsanen ad idumen d wid ay d-yessadafen idrimen deg temnaḍt-a, ɣef wakken ay d-yebder uɣlif.

Timliliyin d umciweṛ ɣef tbanka-a ad d-ilin gar yiduba idrimanen (suluṭat maliyya) n 5 n tmura n Lmeɣreb s umɛawen n tmarit tamatut n Tdukli.