ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⵔ ⴷⴷⵉⵏ ⴰⵔⴰ ⵖⴻⵔ ⵙⴷⴰⵜ ⴷⴻⴳ ⵜⴻⵎⵙⴰⵍⵜ ⵏ ⵢⵉⵣⴻⵔⴼⴰⵏ ⵏ ⵢⵉⵎⴷⴰⵏ ⵏ ⵢⵉⵚⴻⵃⵔⴰⵡⵉⵢⴻⵏ

ⴷⴻⵅⵍⴰ (ⵉⴳⵔⵓⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⵢⴻⵏⵏⴰ-ⴷ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵖⴻⵔ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⵀⴰⵎⴻⴷ ⴽⵀⴰⴷⴰⴷ, ⴰⵙⵙ ⵏ ⵍⵃⴻⴷⴷ ⴷⴻⴳ ⴷⴻⵅⵍⴰ, ⴷ ⴰⴽⴽⴻⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵎⵉⵏⵓⵔⵙⵧ) ⵓⵔ ⵜⴻⴷⴷⵉ ⴰⵔⴰ ⴰⴽⴽ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⴰⵣ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵓⵙⵡⵉⵔ ⵡⵉⵙ 14 ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵎⴰⵙⵙ ⴽⵀⴰⴷⴰⴷ ⵢⴻⵙⴱⴰⴱⴱ ⵜⴰⴳⵏⵉⵜ-ⴰ ⵉ ⴼⵕⴰⵏⵙⴰ ⴰⵢ ⵍⴰ ⵢⴻⵜⵜⵄⴰⵡⴰⵏⴻⵏ ⵎⴻⵕⵕⵓⴽ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⴷⵖⴰ ⴷ ⴰⵢⴰ ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵉ « ⴼⴻⵔⵔⵓ ⵏ ⵜⴻⵎⵙⴰⵍⵜ-ⴰ ».

ⴼⵕⴰⵏⵙⴰ ⵍⴰ ⵜⵅⴻⴷⴷⴻⵎ ⵙⴻⴳ 1975 ⴰⴽⴽⴻⵏ ⴰⴷ ⵢⵉⵍⵉ ⵛⵛⵡⴰⵍ ⴷ ⴱⴻⴹⴹⵓ ⴷⴻⴳ ⵍⵎⴻⵖⵔⴻⴱ ⵢⴻⵔⵏⴰ « ⵍⴰ ⵜⵔⴻⴳⴳⴻⵍ ⵉⴱⵔⵉⴷⴻⵏ ⵉ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉ ⴼⴻⵔⵔⵓ ⴰⵎⴻⴳⴷⴰⵢ ⴷ ⵡⵓⵖⴷⵉⵎ ⵉ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⵉⵍⵉ ⵜⴰⵎⵙⴰⵍⵜ-ⴰ ⵜⴻⵔⵣⴰ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⴷ ⵍⴻⴱⵏⵉ ⵏ ⵍⵎⴻⵖⵔⴻⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⵚⴻⵃⵔⴰⵡⵉ.

ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⵎⴰⵙⵙ ⴽⵀⴰⴷⴰⴷ ⴷ ⴰⴽⴽⴻⵏ ⵢⴻⵍⵍⴰ ⵡⴰⵏⴷⴰ ⴰⵢ ⴷ-ⵜⴻⵍⵍⴰ ⵛⵡⵉⵟ ⵏ ⵜⵉⴷⴷⵉⵜ ⵖⴻⵔ ⵙⴷⴰⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ « ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴰⵢ ⵉⴱⴻⵟⵍⴻⵏ, ⴰⵙⵙ ⵏ 10 ⴷⵓⵊⴻⵎⴱⴻⵕ 2015, ⴰⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴼⴻⵍⵍⴰⵃⵜ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴰⵢⴷⴻⴳ ⵛⵛⵕⴻⵄ-ⴰ ⵢⴻⵙⵜⴻⵄⵕⴻⴼ ⴷ ⴰⴽⴽⴻⵏ ⴷ ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⴰⵢ ⴷ ⵜⴰⴳⴻⵏⵙⴰⵙⵜ ⵜⵓⵣⵔⵉⴼⵜ (ⵛⴰⵔⵄⵉⵢⵢⴰ) ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵢⴻⵔⵏⴰ ⵎⴻⵕⵕⵓⴽ ⵓⵔ ⵜⴻⵙⵄⵉ ⴰⵔⴰ ⴰⴽⴽ ⴽⵔⴰ ⵏ ⵜⵏⴰⵢⴰ ⵖⴻⴼ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ ».

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵜⴰⴷⵢⴰⵏⵜ-ⴰ ⵢⴻⵍⵀⴰⵏ ⵜⴻⵙⵙⴽⴰⵏⴰⵢ-ⴷ ⴷ ⴰⴽⴽⴻⵏ « ⵜⴰⵙⴻⵔⵜⵉⵜ ⴰⵢ ⴷ-ⵜⴻⵡⵡⵉ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ 40-ⴰⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ ⵜⴻⵍⵍⴰ ⵜⴻⵛⵛⴻⴹ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ-ⵙ ⴰⵛⴽⵓ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵜⴻⵜⵜⵡⴰⴱⵏⵓ ⴽⵔⴰ ⵏ ⵜⵙⴻⵔⵜⵉⵜ ⵖⴻⴼ ⵍⴱⴰⵟⴻⵍ ⴷ ⵜⵓⵇⵇⵏⴰ ⵏ ⵜⵉⵟⵟⴰⵡⵉⵏ ⵖⴻⴼ ⵍⴻⵇⵡⴰⵏⵉⵏ ⵏ ⵜⵎⵓⵔⴰ ⴷ ⵍⵇⴰⵏⵓⵏ ⴰⴳⵔⴰⵖⵍⴰⵏ ».