Asebter amenzawi

Asnasɣel: ammeṛki n Tuzzya Tagraɣlant n Ǧiǧel deg Tuzzya Tameqrant n Lezzayer

LEZZAYER TAMANEɣT – La tessaram Tfidiṛalit Tadzayrit n Usnasɣel ad temmeṛki Tuzzya Tagraɣlant n Usnasɣel n Ǧiǧel deg wahil n Tuzzya Tmeqrant n Lezzayer n 2017, ɣef wakken ay d-tenna tfidiṛalit-a i Tnegga n Yisalan n Lezzayer.

« Aql-aɣ nessaram s lǧehd ad nemmeṛki Tuzzya Tagraɣlant n Usnasɣel n Ǧiǧel deg Tuzzya Tameqrant n Lezzayer n 2017, maca yessefk ad d-yili waya s ussebded n temɣunt (rabiṭa) n usnasɣel deg twilayt-a d ummeṛki n Tuzzya n Ǧiǧel deg teswast (ruznama) taɣelnawt », ɣef wakken ay d-yenna uselway n Tfidiṛalit Tadzayrit n Usnasɣel, Rachid Fezouine, deffir yiwen n umyager d uwali n Ǧiǧel, Larbi Merzoug.

Awali n Ǧiǧel yerra-d mliḥ lwelha-nnes ɣer usnefli (tanmiya) n waddal yerna yeqbel « s lḥir » ad yettekki deg usnefli d usmal (tarqiya) n usnasɣel deg Ǧiǧel, ɣef wakken ay d-tenna Tfidiṛalit.