ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵔⵣⵉ ⵏ ⴱⴰⵏ ⴽⵉ-ⵎⵧⵧⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷ ⴰⵃⵔⵉⵛ ⵙⴻⴳ ⵓⵃⵕⴰⵙ ⵏ ⵎⴻⵕⵕⵓⴽ (ⴱⵧⵓⴽⵀⴰⵔⵉ)
ⴷⴻⵅⵍⴰ (ⵉⴳⵔⵓⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⵢⴻⵏⵏⴰ-ⴷ ⵓⴳⴻⵏⵙⴰⵙ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵀⵎⴻⴷ ⴱⵧⵓⴽⵀⴰⵔⵉ, ⴰⵙⵙ ⵏ ⵍⴻⵜⵏⵉⵢⴻⵏ, ⴷ ⴰⴽⴽⴻⵏ ⵜⵉⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵖⴻⴼ ⵓⵏⴻⵥⵔⵓⴼ ⵓⵜⵔⵎ ⴷ ⴰⵃⵔⵉⵛ ⵙⴻⴳ ⵓⵃⵕⴰⵙ ⵏ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⴻⵎⵄⴰⵡⴰⵏ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵓⴼⵜ ⵜⴰⵚⴻⵃⵔⴰⵡⵉⵜ.
« ⵜⵉⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵎⵏⴰⴹⵜ, ⴰⵢ ⵍⴰ ⵙⵙⴻⴼⵔⴰⵢⴻⵏ ⴰⴷ ⴷ-ⵜⵉⵍⵉ ⴷⴻⴳ ⵢⴻⵏⵏⴰⵢⴻⵔ, ⴰⴷ ⵜⵉⵍⵉ ⴷ ⵜⴰⵎⴻⵣⵡⴰⵔⵓⵜ ⵙⴻⴳ ⵚⵚⴻⵏⴼ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⴱⴰⵏ ⴽⵉ-ⵎⵧⵧⵏ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵜⴰⵚⴻⵃⵔⴰⵡⵉⵜ ⵢⴻⵍⵍⴰⵏ ⴷ ⵜⴰⵎⵙⴰⵍⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴽⵀⴰⵔⵉ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵡⵉⵔ ⵡⵉⵙ 14 ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ.
ⴷⵖⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵎⵏⴰⴹⵜ ⴷ ⴰⵃⵔⵉⵛ ⵏⵉⴹⴻⵏ ⵙⴻⴳ ⵓⵃⵕⴰⵙ « ⵏ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⴻⵇⴱⴻⵍ ⴰⴷ ⵜⴻⵎⵄⴰⵡⴰⵏ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴼⴼⵉⵔ ⵎⴰ ⵜⵓⴳⵉ ⵎⴻⵕⵕⵓⴽ ⴰⵙⵙⵓⵎⴻⵔ (ⵉⵇⵜⵉⵔⴰⵃ) (ⵏ ⴱⴰⵏ ⴽⵉ-ⵎⵧⵧⵏ) ⴰⴽⴽⴻⵏ ⴰⴷ ⴷ-ⵓⵖⴰⵍⴻⵏⵜ ⵍⴻⵎⵛⴰⵡⵕⴰⵜ ⴳⴰⵔ ⵒⵧⵍⵉⵙⴰⵔⵉⵧ ⴷ ⵜⴳⴻⵍⴷⴰ ⵏ ⵎⴻⵕⵕⵓⴽ ».
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⵧⵓⴽⵀⴰⵔⵉ, « ⵜⵉⵔⵣⵉ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵜⴻⵔⵥⴻⵎ ⵜⴰⵡⵡⵓⵔⵜ ⵏⵉⴹⴻⵏ ⵉ ⵜⴰⵍⵡⵉⵜ, ⵢⴻⵔⵏⴰ ⵒⵧⵍⵉⵙⴰⵔⵉⵧ ⴰⴷ ⴷ-ⵜⴻⴼⴽ ⵍⴻⵎⵄⴰⵡⵏⴰ ⴰⵢ ⵉⵡⴰⵜⴰⵏ ⵉ ⵡⴰⵢⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ « ⵍⴻⵎⵎⴻⵔ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵓⵃⵕⴰⵙ ⵉⴵⴻⵀⴷⴻⵏ ⵙ ⵍⴼⴻⵄⵍ ⵖⴻⴼ ⵎⴻⵕⵕⵓⴽ, ⵓⵔ ⵏⴻⵙⵙⴰⵡⴰⴹ ⴰⵔⴰ ⵖⴻⵔ ⵢⵉⵙⵡⵉ ⵡⵓⵖⵓⵔ ⵏⴻⵙⵙⴰⵔⴰⵎ ⵙ ⵜⴻⵔⵣⵉ-ⴰ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».
ⵜⵉⵔⵣⵉ ⵏ ⴱⴰⵏ ⴽⵉ-ⵎⵧⵧⵏ ⴰⴷ ⵜⴻⵔⵔ ⵉⵎⴻⵏⵖⵉ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷ ⵢⵉⵡⴻⵜ ⵙⴻⴳ ⵜⴻⵎⵙⴰⵍ ⵢⴻⵣⵡⴰⴻⵏ ⴷⴻⴳ ⵡⴰⵀⵉⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⴰⵀⵉⵍ ⵏ ⵓⵎⴰⵔⵓ ⴰⵎⴰⵜⵓ ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴽⵀⴰⵔⵉ.
ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴷ-ⵉⵇⴻⴷⴷⴻⵎ ⴰⵕⴰⴱⵓⵍ-ⵏⵏⴻⵙ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷⴻⴳ ⵢⴻⴱⵔⵉⵔ ⵏ 2016.
