Asebter amenzawi

Tirzi n Ban Ki-moon ɣef Uneẓruf Utrim d aḥric seg uḥṛas n Meṛṛuk (Boukhari)

DEXLA (Igruren n Yizrazaɣen Iṣeḥrawiyen) – Yenna-d ugensas n Terni n Polisario deg Yiɣlanen Yeddukklen, Ahmed Boukhari, ass n letniyen, d akken tirzi n umaru amatu n Yiɣlanen Yeddukklen, Ban Ki-moon, ɣef Uneẓruf Utrm d aḥric seg uḥṛas n Meṛṛuk akken ad temɛawan deg Yiɣlanen Yeddukklen deg wayen yerzan taluft taṣeḥrawit.

« Tirzi n umaru amatu n Yiɣlanen Yeddukklen ɣef temnaḍt, ay la ssefrayen ad d-tili deg Yennayer, ad tili d tamezwarut seg ṣṣenf-nnes deg wayen yerzan ussisen (maǧhudat) n Ban Ki-moon i ferru n taluft taṣeḥrawit yellan d tamsalt n tukksa n ussehres (istiɛmar) », ɣef wakken ay d-yenna Mass Boukhari deg yiwet n tseɣrut (taṣriḥ) ay d-iga i Tnegga n Yisalan n Lezzayer deg Uswir wis 14 n Terni n Polisario.

Dɣa, yenna-d d akken tirzi n umaru amatu n Yiɣlanen Yeddukklen ɣef temnaḍt d aḥric niḍen seg uḥṛas « n Meṛṛuk akken ad teqbel ad temɛawan d Yiɣlanen Yeddukklen deffir ma tugi Meṛṛuk assumer (iqtiraḥ) (n Ban Ki-moon) akken ad d-uɣalent lemcawṛat gar Polisario d Tgelda n Meṛṛuk ».

ɣef leḥsab n Mass Boukhari, « tirzi n Yiɣlanen Yeddukklen ad terẓem tawwurt niḍen i talwit, yerna Polisario ad d-tefk lemɛawna ay iwatan i waya », am wakken ay d-iwekked d akken « lemmer ur d-yettili ara uḥṛas iǧehden s lfeɛl ɣef Meṛṛuk, ur nessawaḍ ara ɣer yiswi wuɣur nessaram s terzi-a n umaru amatu n Yiɣlanen Yeddukklen ».

Tirzi n Ban Ki-moon ad terr imenɣi n uɣref aṣeḥrawi d yiwet seg temsal yezwaen deg wahil n Yiɣlanen Yeddukklen, ladɣa ahil n umaru amatu d Useqqamu n Tɣellist, ɣef wakken ay d-yenna Mass Boukhari.

Amaru amatu n Yiɣlanen Yeddukklen ad d-iqeddem aṛabul-nnes ɣef Uneẓruf Utrim deg Useqqamu n Tɣellist deg Yebrir n 2016.