Asebter amenzawi

Tizi Wezzu: acennay Taleb Rabah yewweḍ laɛfu n Ṛebbi

TIZI-WEZZU – Acennay Taleb Rabah, yiwet n tgejdit n ccna n teqbaylit, ilulen di taddart n Tizit di tɣiwant n Illilten (Tizi-Wezzu) yiweḍ laɛfu n Ṛebbi ass n ttlata di laɛmeṛ-is 85 iseggasen I d-tenna tnemhalt n yedles n Tizi Wezzu.

Isalli n tmettant-ines yuzzel am lebṛaq ger wid it-iḥemmlen, imdukkal-is akk d twacult n tẓuṛi ladɣa akk wid t-yessnen, aṭaṣ i yuzzlen ɣer wexxam-is d-yezgan di temdint n Tizi Wezzu (aɣrem n 2.000 n yexxamen) akken ad t-walin I tikkelt taneggarut, id-xebbṛen.

Tafekka n umeṛḥum ad tessalin tameddit ɣer wexxam n yedles Mouloud Mammeri, akken ad t-walin yemdanen acennay-agi yerran azal d amuqqran i tegrawla n weslelli aɣelnaw, id-nnan di tnemhalt n yedles am wakken d-xebbṛen belli tamḍelt n win yecnan "Wessan iyi" ad d-tili azekka (laṛebɛa) di taddart-is tiẓit.

Taleb Rabah ilul di 1930. Di lɛemṛ-is 20 iseggasen, yeffeɣ tamnaḍt-is iṛuḥ ɣer Fṛansa anda yebda abrid n ccna akk d wegni n tẓuṛi.