ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⵄⴻⵣⵣⴰ ⵜⴰⵡⴰⵛⵓⵍⵜ ⵓⵏⴰⵥⵓⵕ ⵜⴰⵍⴻⴱ ⵔⴰⴱⴰⵀ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵉⵛⴻⵢⴻⵄ ⵉⵣⴻⵏ ⵓⵄⴻⵣⵣⵉ ⵉ ⵜⵡⴰⵛⵓⵍⵜ ⵓⵏⴰⵥⵓⵕ ⵜⴰⵍⴻⴱ ⵔⴰⴱⴰⵀ ⵢⴻⵎⵎⵓⵜⴻⵏ ⴰⵙⵙ ⵏ ⵜⵜⵍⴰⵜⴰ ⴷⵉ ⵍⵄⴻⵎⵕ-ⵉⵙ 85 ⵉⵙⴻⴳⴳⴰⵙⴻⵏ.
" ⴰⴳⵏⵉ ⵏ ⵜⵥⵓⵕⵉ ⴰⴽⴽ ⴷ ⵢⴻⴷⵍⴻⵙ ⵢⴻⴵⴵⴰ-ⵜ ⵢⵉⵡⴻⵏ ⴳⴻⵔ ⵜⴳⴻⵊⴷⴰ ⵏ ⵜⴻⵣⵍⵉⵜⵜ ⵜⴰⵣⵣⴰⵢⵔⵉⵜ. ⴷ ⴰⵎⴻⴷⵢⴰⵣ, ⴷ ⴰⵎⴻⵥⵡⴰⵏ ⵓ ⴷ ⴰⵛⴻⵏⵏⴰⵢ ⵉⴼⴰⵣⴻⵏ, ⴰⵏⴰⵥⵓⵕ ⴰⵎⴻⵖⵏⴰⵙ ⵜⴰⵍⴻⴱ ⵔⴰⴱⴰⵀ ⵉⵙⴻⴱⴱⴻⵍ ⴰⴽⴽ ⵜⵓⴷⴻⵔⵜ-ⵉⵙ ⵉ ⵜⴻⵣⵍⵉⵜⵜ ⵜⴰⵣⵣⴰⵢⵔⵉⵜ ⵓ ⵢⴻⵙⵙⴰⵡⴻⴹ ⴰⴽⴽⴻⵏ ⴰⴷ ⵢⴻⴽⵛⴻⵎ ⵓⵍⴰⵡⴻⵏ ⵏ ⵡⴻⴷⴷⴻⵏ ⵙ ⵓⵎⴰⵜⴰ ⴰⴽⴽ ⴷ ⵍⴰⵇⴷⴻⵕ ⵏ ⵢⴻⵍⵎⴻⵥⵢⴻⵏ ⴷⵉ ⵢⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ",ⵉ ⵢⵓⵔⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵢⵉⵣⴻⵏ-ⵉⵏⴻⵙ.
ⴰⵙⴻⵍⵡⴰⵢ ⵉⴽⴻⵎⵎⴻⵍ ⵢⴻⵏⵏⴰ ⴱⴻⵍⵍⵉ "ⴰⵢⴻⵏ ⵢⴻⵅⴷⴻⵎ ⵓⵎⴻⵕⵃⵓⵎ ⵉ ⵜⴻⵣⵍⵉⵜⵜ ⵜⴰⵣⵣⴰⵢⵔⵉⵜ ⴰⴽⴽ ⴷ ⵉⴱⴻⴷⴷⵉ ⵖⴻⵔ ⵢⵉⴷⵉⵙ ⵏ ⵜⴻⵎⵙⴰⵍⵜ ⵏ ⵍⴻⵣⵣⴰⵢⴻⵔ ⴰⴷ ⵇⵇⵉⵎⴻⵏ ⵉ ⵍⴻⴱⴷⴰ ⴷⵉ ⵜⴻⴷⵎⵉ-ⵏⵏⴻⵖ. ⵢⴻⵜⵜⵡⴰⵃⵙⴰⴱ ⴳⴻⵔ ⵢⵉⵏⴰⵥⵓⵕⴻⵏ ⵉⵎⵓⵇⵇⵕⴰⵏⴻⵏ ⵢⴻⴵⴵⴰⵏ ⵛⵛⴰⵎⴰ ⵏ ⵢⴻⴷⵍⴻⵙ ⴰⵣⵣⴰⵢⵔⵉ, ⴷⵉ ⵙⴻⴷⴷⵉⵙ ⵏ ⵜⴻⵎⵔⴰⵡⵉⵏ ⵉⵙⴻⴳⴳⴰⵙⴻⵏ-ⴰⵢⴰ".
"ⴰⵎⴻⵕⵃⵓⵎ ⵢⴻⴼⴽⴰ ⴰⴼⵓⴷ ⵉ ⵜⴻⴳⵔⴰⵡⵍⴰ ⵜⴰⵖⴻⵍⵏⴰⵡⵜ ⵙ ⵜⴻⵣⵍⴰⵜⵉⵏ-ⵉⵙ ⵖⴻⴼ ⵜⵎⵓⵔⵜ, ⵉⵏⵉⴳ ⴷ ⵢⵉⵖⴻⴱⵍⴰⵏ-ⵉⵙ ⴷ ⵡⴻⵎⴷⴰⵃ ⵏ ⵍⴰⵄⵜⴰⴱ ⵏ ⵡⴻⵖⵕⴻⴼ-ⵏⵏⴻⵖ" ⵉ ⵢⴻⵏⵏⴰ ⴷⴰⵖⴻⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ.
"ⴰⴷ ⵏⴻⵙⵙⵉⵡⴻⴹ ⵉ ⵜⵡⴰⵛⵓⵍⵜ ⵓⵎⴻⵕⵃⵓⵎ ⴰⴽⴽ ⴷ ⵜⵡⴰⵛⵓⵍⵜ ⵜⴰⵏⴰⵥⵓⵕⵜ ⴰⵄⴻⵣⵣⵉ-ⵏⵏⴻⵖ ⵓ ⵏⴻⵙⵙⴰⵔⴰⵎ ⴷ ⴰⴽⴽⴻⵏ ⴰⴳⴻⵍⵍⵉⴷ ⴰⵎⵓⵇⵕⴰⵏ ⴰⵙ-ⵢⴻⴼⴽ ⵕⵕⴰⵃⵎⴰ ⴰⴷ ⵜ-ⵢⴻⵔⵔ ⵢⵉⵎⴻⵣⴷⴰⵖ ⵏ ⵍⵊⴻⵏⵏⴻⵜ" ⵉ ⵢⴻⵏⵏⴰ ⵓⵎⵓⵇⵇⵕⴰⵏ ⵏ ⴷⴷⴻⵡⵍⴰ.
