ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵜⵜⵡⴰⵇⴱⴻⵍ ⵓⵖⴰⵡⴰⵙ ⵏ ⵓⵙⵏⴻⵔⵏⵉ ⵏ ⵙⵏⵠⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵇⴱⴻⵍ ⵓⵙⴻⵇⵇⴰⵎⵓ ⴰⴳⵔⴰⵖⵍⵉⴼ (ⴱⴰⵢⵏ ⴰⵍ-ⵡⵉⵣⴰⵔⴰⵜ) ⴰⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵓⵙⵏⴻⴼⵍⵉ ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ (ⵙⵏⵠⵉ) ⴰⵢ ⴷ-ⵉⵇⴻⴷⴷⴻⵎ ⴰⵙⵙ ⵏ ⵍⴻⵜⵏⵉⵢⴻⵏ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⴰⴱⴷⴻⵙⵙⴻⵍⴰⵎ ⴱⵧⵓⵛⵀⵧⵓⴰⵔⴻⴱ, ⵢⴻⵔⵏⴰ ⵉⴷⵔⵉⵎⴻⵏ ⴰⴷ ⵢⴻⵃⵡⵉⴵ ⵓⵖⴰⵡⴰⵙ-ⴰ ⴰⴷ ⵜⴻⵏ-ⵉⴷ-ⵢⴻⴼⴽ ⵓⵖⵍⵉⴼ ⵏ ⵜⴻⵎⴳⵓⵔⵉ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⴰⵙⵙ ⵏ ⵜⵜⵍⴰⵜⴰ.
« ⴰⵖⴰⵡⴰⵙ-ⴰ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴰⵢ ⴷ-ⵢⴻⵜⵜⵓⵏⴻⴼⴽⴻⵏ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⵔⵔⴱⴻⵃ ⵏ ⵏ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵙⵏⵠⵉ ⴰⴷ ⵢⴻⵇⵇⴻⵏ, ⵙ ⵡⴰⵟⴰⵙ, ⵖⴻⵔ ⵓⵖⴰⵡⴰⵙ-ⴰ ⵏ ⵜⵓⵄⵊⵉⵍⵉⵏ ».
ⴷⴻⴳ ⵜⴻⵔⵣⵉ-ⵏⵏⴻⵙ ⵖⴻⴼ ⴱⵓⵎⴻⵔⴷⴰⵙ ⴷⴷⵓⵕⵜ ⵢⴻⵣⵔⵉⵏ, ⵉⵄⵓⵀⴻⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴰⴷ ⵢⴻⴼⵔⵓ ⵓⴳⵓⵔ ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ « ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ » ⴰⴽⴽⴻⵏ ⴰⴷ ⴷ-ⵜⴻⴷⴷⵓⵇⵇⴻⵙ ⵙ ⵜⵉⴷⴷⵉⵜ ⵜⴰⵎⴰⵢⵏⵓⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ.
ⴷⵖⴰ « ⵢⴻⵏⵏⴰ-ⴷ (ⵓⵏⴻⵖⵍⴰⴼ): ⵙⵍⵉⵖ ⵉ ⵜⴻⵖⵔⵉ ⵏ ⵢⵉⵅⴻⴷⴷⴰⵎⴻⵏ ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ ⴰⵢ ⵍⴰ ⴷ-ⵢⴻⵙⵙⵓⵜⵓⵔⴻⵏ ⴰⵅⴻⴷⴷⵉⵎ. ⴰⵢⴰ ⴷ ⵍⵓⵎⵉⵕⴰ ⵢⴻⵍⵀⴰⵏ ⵢⴻⵔⵏⴰ ⴷ ⴰⴷⴷⵓⴷ ⵢⴻⵍⵀⴰⵏ, ⵉⴱⴻⵏⵏⵓⵏ », ⵖⴻⴼ ⵡⴰⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⵏⵏⵉ.
« ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ ⵓⵔ ⵜⴻⵍⵍⵉ ⴰⵔⴰ ⴽⴰⵏ ⴷ ⴰⵃⵔⵉⵛ ⵙⴻⴳ ⵓⵎⴻⵣⵔⵓⵢ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⵜⴰⴷⵣⴰⵢⵔⵉⵜ, ⵡⴰⵏⴰⴳ ⵎⴰⵣⴰⵍ ⴰⴷ ⵜⴽⴻⵎⵎⴻⵍ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵎⴻⵣⵔⵓⵢ ⵏ ⵓⵙⴷⵓⵇⵇⴻⵙ ⵏ ⵜⴻⵎⴳⵓⵔⵉ ⵢⴻⵔⵏⴰ ⴰⵖⴰⵡⴰⵙ ⵏ ⵓⵙⵙⴻⴼⵜⵉ ⵢⴻⵍⵍⴰ ⵙ ⵜⵉⴷⴻⵜ. ⴰⴷ ⵙⵙⵓⵜⵔⴻⵖ ⵙⴻⴳ ⵢⵉⵅⴻⴷⴷⴰⵎⴻⵏ ⴰⴷ ⴱⴻⴳⵙⴻⵏ ⵢⴻⵔⵏⴰ ⴰⴷ ⵜⵉⵍⵉ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴳⴰⵔ-ⴰⵙⴻⵏ ⴰⴽⴽⴻⵏ ⴰⴷ ⴰⵙ-ⴹⴻⵎⵏⴻⵏ ⴰⵣⴻⴽⴽⴰ ⵉ ⵡⴰⵣⴰⵍ ⵏ ⵓⵙⵓⴷⴷⵉⵙ-ⴰ. ⴰⴷ ⴰⵙⴻⵏ-ⵙⵙⵓⵜⵔⴻⵖ ⴷⴰⵖ ⴰⴷ ⵃⴰⴷⵔⴻⵏ ⵢⴻⵔⵏⴰ ⵓⵔ ⵜⵜⴰⴵⴵⴰⵏ ⴰⵔⴰ ⵉⵎⴰⵏ-ⵏⵙⴻⵏ ⴰⴷ ⵜⴻⵏ-ⴰⵡⵉⵏⵜ ⵍⴻⵎⵡⴰⵊ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⵏⵏⵉ ⵖⴻⴼ ⵓⵏⴻⵖⵍⴰⴼ ⵢⴻⵏⵏⴰ-ⵜ-ⵉⴷ.
ⴷⵖⴰ ⵢⴻⵏⵏⴰ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ, ⴷⴻⴳ ⵜⴻⵎⵙⴰⵍⵜ-ⴰ ⴷ ⴰⴽⴽⴻⵏ « ⵍⵍⴰⵏ ⵡⵉⴷ ⵓⵔ ⵢⴻⴱⵖⵉⵏ ⴰⵔⴰ ⴰⴷ ⵥⵔⴻⵏ ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ ⵜⵄⴰⵡⴻⴷ ⵜⴻⵏⴽⴻⵔ-ⴷ. ⵎⴰⵛⴰ ⵙ ⵜⴷⵓⴽⵍⵉ-ⵏⵏⴻⵖ, ⴰⴷ ⴰⵙⴻⵏ-ⵏⴻⵙⵙⴻⵅⵚⴻⵔ ⵍⴻⵃⵙⴰⴱⴰⵜ-ⵏⵙⴻⵏ ».
